“शेगांवकरांची लूट थांबवा!” – १००% शास्ती माफीसाठी प्रहारचा इशारा; आंदोलनाचा गर्जना “शेगावकरांची लूट थांबवा!” – १००% शास्ती माफीसाठी प्रहारचा इशारा; आंदोलनाचा गर्जना शेगाव | प्रतिनिधी मालमत्ता करावरील वाढत्या शास्तीमुळे आर्थिक कोंडीत सापडलेल्या शेगावकर नागरिकांना दिलासा द्यावा आणि महाराष्ट्र शासनाच्या अभय योजनेअंतर्गत १०० टक्के शास्ती माफी तात्काळ लागू करावी, अशी जोरदार मागणी करत प्रहार जनशक्ती पक्षाच्या वतीने नगर परिषद प्रशासनाला धडक निवेदन देण्यात आले. सामान्य नागरिक, छोटे व्यापारी आणि कष्टकरी वर्गावर अन्यायकारक कराचा बोजा टाकून त्यांची आर्थिक लूट सुरू असल्याचा गंभीर आरोपही यावेळी करण्यात आला. राज्य शासनाने १९ मे २०२५ रोजी काढलेल्या शासन निर्णयानुसार थकित मालमत्ता कर वसुलीत नागरिकांना दिलासा देण्यासाठी “अभय योजना” राबविण्याचे स्पष्ट निर्देश दिले असताना अनेक नगरपालिकांनी ही योजना लागू केली; मात्र शेगावमध्ये अद्याप अंमलबजावणी न झाल्याने संताप व्यक्त होत आहे. मूळ करापेक्षा दुप्पट रक्कम शास्तीच्या स्वरूपात आकारली जात असल्याने नागरिक कर भरण्यास असमर्थ ठरत असून यामुळे सर्वसामान्यांमध्ये प्रचंड नाराजी पसरली आहे. प्रहारच्या वतीने दिलेल्या निवेदनात १०० टक्के शास्ती माफीची योजना तातडीने लागू करून ती किमान ३१ मार्च २०२६ पर्यंत सुरू ठेवावी, तसेच नगराध्यक्ष व नगरसेवकांनी वैयक्तिक लक्ष घालून नागरिकांना दिलासा द्यावा, अशा ठोस मागण्या करण्यात आल्या आहेत. प्रशासनाने या मागण्यांकडे दुर्लक्ष केल्यास तीव्र आंदोलन छेडण्यात येईल, असा इशाराही देण्यात आला असून हा लढा शेगावकरांच्या न्याय्य हक्कांसाठी असल्याचा ठाम पवित्रा प्रहारने घेतला आहे. वाढत्या कराच्या बोजामुळे आधीच त्रस्त असलेल्या नागरिकांच्या भावना लक्षात घेऊन तात्काळ निर्णय घ्यावा, अन्यथा जनआक्रोश उसळल्याशिवाय राहणार नाही, असा इशारा निवेदनातून देण्यात आला आहे. “सामान्यांच्या हक्कासाठी प्रहार मैदानात” अशी घोषणा देत नगर परिषद प्रशासनाने त्वरित सकारात्मक निर्णय घ्यावा, अशी मागणी शेवटी करण्यात आली.

Sachin kadukar

Photographer Shegaon, Buldhana•

9 hrs ago

“शेगांवकरांची लूट थांबवा!” – १००% शास्ती माफीसाठी प्रहारचा इशारा; आंदोलनाचा गर्जना “शेगावकरांची लूट थांबवा!” – १००% शास्ती माफीसाठी प्रहारचा इशारा; आंदोलनाचा गर्जना शेगाव | प्रतिनिधी मालमत्ता करावरील वाढत्या शास्तीमुळे आर्थिक कोंडीत सापडलेल्या शेगावकर नागरिकांना दिलासा द्यावा आणि महाराष्ट्र शासनाच्या अभय योजनेअंतर्गत १०० टक्के शास्ती माफी तात्काळ लागू करावी, अशी जोरदार मागणी करत प्रहार जनशक्ती पक्षाच्या वतीने नगर परिषद प्रशासनाला धडक निवेदन देण्यात आले. सामान्य नागरिक, छोटे व्यापारी आणि कष्टकरी वर्गावर अन्यायकारक कराचा बोजा टाकून त्यांची आर्थिक लूट सुरू असल्याचा गंभीर आरोपही यावेळी करण्यात आला. राज्य शासनाने १९ मे २०२५ रोजी काढलेल्या शासन निर्णयानुसार थकित मालमत्ता कर वसुलीत नागरिकांना दिलासा देण्यासाठी “अभय योजना” राबविण्याचे स्पष्ट निर्देश दिले असताना अनेक नगरपालिकांनी ही योजना लागू केली; मात्र शेगावमध्ये अद्याप अंमलबजावणी न झाल्याने संताप व्यक्त होत आहे. मूळ करापेक्षा

दुप्पट रक्कम शास्तीच्या स्वरूपात आकारली जात असल्याने नागरिक कर भरण्यास असमर्थ ठरत असून यामुळे सर्वसामान्यांमध्ये प्रचंड नाराजी पसरली आहे. प्रहारच्या वतीने दिलेल्या निवेदनात १०० टक्के शास्ती माफीची योजना तातडीने लागू करून ती किमान ३१ मार्च २०२६ पर्यंत सुरू ठेवावी, तसेच नगराध्यक्ष व नगरसेवकांनी वैयक्तिक लक्ष घालून नागरिकांना दिलासा द्यावा, अशा ठोस मागण्या करण्यात आल्या आहेत. प्रशासनाने या मागण्यांकडे दुर्लक्ष केल्यास तीव्र आंदोलन छेडण्यात येईल, असा इशाराही देण्यात आला असून हा लढा शेगावकरांच्या न्याय्य हक्कांसाठी असल्याचा ठाम पवित्रा प्रहारने घेतला आहे. वाढत्या कराच्या बोजामुळे आधीच त्रस्त असलेल्या नागरिकांच्या भावना लक्षात घेऊन तात्काळ निर्णय घ्यावा, अन्यथा जनआक्रोश उसळल्याशिवाय राहणार नाही, असा इशारा निवेदनातून देण्यात आला आहे. “सामान्यांच्या हक्कासाठी प्रहार मैदानात” अशी घोषणा देत नगर परिषद प्रशासनाने त्वरित सकारात्मक निर्णय घ्यावा, अशी मागणी शेवटी करण्यात आली.