महाराष्ट्रातील कन्नड शाळा, कन्नड शिक्षक आणि कन्नड भाषिकांवर होत असलेल्या अन्यायाच्या विरोधात आदर्श कन्नड बळगच्या नेतृत्वाखाली विविध कन्नड संघटना, शिक्षक संघटना तसेच सामाजिक संस्थांनी सोलापुरातील जिल्हा परिषद कार्यालयासमोर भव्य धरणे आंदोलन केले. कन्नड भाषिकांच्या शैक्षणिक व भाषिक हक्कांचे संरक्षण व्हावे अशी मागणी यावेळी करण्यात आली. या आंदोलनात दहा प्रमुख मागण्या करण्यात आल्या. यामध्ये कन्नड शाळांचे संरक्षण, टीईटी व टीएआयटी परीक्षा कन्नड माध्यमातून घेणे, केंद्रप्रमुख पदांमध्ये कन्नड भाषिकांना संधी देणे, शिक्षण विभागातील सर्व परीक्षा कन्नड माध्यमात उपलब्ध करणे, कन्नड शाळांमध्ये नियुक्त मराठी माध्यम शिक्षकांचे बदलीकरण करणे, अंगणवाड्यांमध्ये कन्नड जाणणाऱ्या सेविकांची नियुक्ती करणे, कन्नड शाळांना भाषिक अल्पसंख्याक दर्जा देणे, बसवेश्वर प्राधिकरणामार्फत विशेष अनुदान उपलब्ध करून देणे, सीमाभागात बसवेश्वर विद्यापीठाची स्थापना करणे तसेच शैक्षणिक सॉफ्टवेअर, तांत्रिक साधने आणि पाठ्यसामग्रीमध्ये कन्नड भाषेचा समावेश करणे यांचा समावेश होता. शिक्षक समितीचे नेते सुरेश पवार यांनी कन्नड शिक्षक आणि विद्यार्थ्यांवर मोठा अन्याय होत असल्याचे सांगत, टीईटी परीक्षा कन्नड भाषेत घेण्याची आणि अंगणवाड्यांमधील कन्नड भाषिक मुलांच्या शैक्षणिक हक्कांचे संरक्षण करण्याची मागणी केली. शिक्षक संघटनेचे नेते वीरभद्र यादवाड यांनी कन्नड आणि मराठी या परस्परांशी घट्ट नात्याच्या भाषा असून, सोलापूर जिल्ह्यात मोठ्या प्रमाणावर वास्तव्यास असलेल्या कन्नड भाषिकांच्या शैक्षणिक व भाषिक हक्कांचे संरक्षण करणे ही शासनाची जबाबदारी असल्याचे नमूद केले. बंगळुरूहून आंदोलनास पाठिंबा देण्यासाठी आलेले कर्नाटक रक्षण वेदिकेचे पदाधिकारी विजयकुमार यांनी, कर्नाटकात मराठी भाषिकांना दिल्या जाणाऱ्या सुविधांच्या धर्तीवर महाराष्ट्र सरकारनेही कन्नड भाषिकांना न्याय द्यावा अशी मागणी केली. या आंदोलनात अनेक निवृत्त अधिकारी, विविध शिक्षक संघटनांचे पदाधिकारी, कन्नड संघटनांचे प्रतिनिधी, साहित्यिक, कन्नड कार्यकर्ते, महिला प्रतिनिधी आणि शेकडो कन्नडप्रेमी सहभागी झाले होते. यादरम्यान, कर्नाटक सीमा प्रदेश विकास प्राधिकरण, बंगळुरूचे अध्यक्ष सोमण्णा बेविनमरद यांनी महाराष्ट्रातील कन्नड भाषिकांच्या समस्या कर्नाटक सरकारच्या निदर्शनास आणून त्यावर उच्चस्तरीय बैठकीत चर्चा करून मार्ग काढण्याचे आश्वासन दिले. आदर्श कन्नड बळग, महाराष्ट्राचे अध्यक्ष मलिकजान शेख यांनी महाराष्ट्र सरकारने कन्नड शाळा आणि कन्नड शिक्षकांच्या समस्या तातडीने सोडवाव्यात, अन्यथा आंदोलन अधिक तीव्र करण्यात येईल असा इशारा दिला. तर सोलापूरचे जिल्हा शिक्षणाधिकारी खादर शेख यांनी जिल्हास्तरावर सोडवता येणाऱ्या समस्या तातडीने मार्गी लावण्यात येतील असे सांगितले. तसेच, काही मागण्यांसाठी राज्य शासनाची मंजुरी आवश्यक असून, याबाबत शासनाला आधीच पत्रव्यवहार करण्यात आल्याचे त्यांनी स्पष्ट केले. शिक्षण विभाग कन्नड शिक्षक आणि कन्नड माध्यमातील विद्यार्थ्यांच्या हिताचे रक्षण करण्यासाठी कटिबद्ध असल्याचेही त्यांनी अधोरेखित केले.

Akkalkot news

Fitness Trainer अक्कलकोट, सोलापूर, महाराष्ट्र•

2 hrs ago

महाराष्ट्रातील कन्नड शाळा, कन्नड शिक्षक आणि कन्नड भाषिकांवर होत असलेल्या अन्यायाच्या विरोधात आदर्श कन्नड बळगच्या नेतृत्वाखाली विविध कन्नड संघटना, शिक्षक संघटना तसेच सामाजिक संस्थांनी सोलापुरातील जिल्हा परिषद कार्यालयासमोर भव्य धरणे आंदोलन केले. कन्नड भाषिकांच्या शैक्षणिक व भाषिक हक्कांचे संरक्षण व्हावे अशी मागणी यावेळी करण्यात आली. या आंदोलनात दहा प्रमुख मागण्या करण्यात आल्या. यामध्ये कन्नड शाळांचे संरक्षण, टीईटी व टीएआयटी परीक्षा कन्नड माध्यमातून घेणे, केंद्रप्रमुख पदांमध्ये कन्नड भाषिकांना संधी देणे, शिक्षण विभागातील सर्व परीक्षा कन्नड माध्यमात उपलब्ध करणे, कन्नड शाळांमध्ये नियुक्त मराठी माध्यम शिक्षकांचे बदलीकरण करणे, अंगणवाड्यांमध्ये कन्नड जाणणाऱ्या सेविकांची नियुक्ती करणे, कन्नड शाळांना भाषिक अल्पसंख्याक दर्जा देणे, बसवेश्वर प्राधिकरणामार्फत विशेष अनुदान उपलब्ध करून देणे, सीमाभागात बसवेश्वर विद्यापीठाची स्थापना करणे तसेच शैक्षणिक सॉफ्टवेअर, तांत्रिक साधने आणि पाठ्यसामग्रीमध्ये कन्नड भाषेचा समावेश करणे यांचा समावेश होता. शिक्षक समितीचे नेते सुरेश पवार यांनी कन्नड शिक्षक आणि विद्यार्थ्यांवर मोठा अन्याय होत असल्याचे सांगत, टीईटी परीक्षा कन्नड भाषेत घेण्याची आणि अंगणवाड्यांमधील कन्नड भाषिक मुलांच्या शैक्षणिक हक्कांचे संरक्षण करण्याची मागणी केली. शिक्षक संघटनेचे नेते वीरभद्र यादवाड यांनी कन्नड आणि मराठी या परस्परांशी घट्ट नात्याच्या भाषा असून, सोलापूर जिल्ह्यात मोठ्या प्रमाणावर वास्तव्यास असलेल्या कन्नड भाषिकांच्या शैक्षणिक व भाषिक हक्कांचे संरक्षण करणे ही शासनाची जबाबदारी असल्याचे नमूद केले. बंगळुरूहून आंदोलनास पाठिंबा देण्यासाठी आलेले कर्नाटक रक्षण वेदिकेचे पदाधिकारी विजयकुमार यांनी, कर्नाटकात मराठी भाषिकांना दिल्या जाणाऱ्या सुविधांच्या धर्तीवर महाराष्ट्र सरकारनेही कन्नड भाषिकांना न्याय द्यावा अशी मागणी केली. या आंदोलनात अनेक निवृत्त अधिकारी, विविध शिक्षक संघटनांचे पदाधिकारी, कन्नड संघटनांचे प्रतिनिधी, साहित्यिक, कन्नड कार्यकर्ते, महिला प्रतिनिधी आणि शेकडो कन्नडप्रेमी सहभागी झाले होते. यादरम्यान, कर्नाटक सीमा प्रदेश विकास प्राधिकरण, बंगळुरूचे अध्यक्ष सोमण्णा बेविनमरद यांनी महाराष्ट्रातील कन्नड भाषिकांच्या समस्या कर्नाटक सरकारच्या निदर्शनास आणून त्यावर उच्चस्तरीय बैठकीत चर्चा करून मार्ग काढण्याचे आश्वासन दिले. आदर्श कन्नड बळग, महाराष्ट्राचे अध्यक्ष मलिकजान शेख यांनी महाराष्ट्र सरकारने कन्नड शाळा आणि कन्नड शिक्षकांच्या समस्या तातडीने सोडवाव्यात, अन्यथा आंदोलन अधिक तीव्र करण्यात येईल असा इशारा दिला. तर सोलापूरचे जिल्हा शिक्षणाधिकारी खादर शेख यांनी जिल्हास्तरावर सोडवता येणाऱ्या समस्या तातडीने मार्गी लावण्यात येतील असे सांगितले. तसेच, काही मागण्यांसाठी राज्य शासनाची मंजुरी आवश्यक असून, याबाबत शासनाला आधीच पत्रव्यवहार करण्यात आल्याचे त्यांनी स्पष्ट केले. शिक्षण विभाग कन्नड शिक्षक आणि कन्नड माध्यमातील विद्यार्थ्यांच्या हिताचे रक्षण करण्यासाठी कटिबद्ध असल्याचेही त्यांनी अधोरेखित केले.