चंद्रपूर जिल्ह्यातील पोंभूर्णा तालुक्यातील फुटाणा मोकासा गावात २८ मे रोजी झालेल्या अवकाळी पाऊस आणि चक्रीवादळामुळे मोठ्या प्रमाणावर नुकसान झाले असून, याची गंभीर दखल घेत माजी मंत्री तथा आमदार सुधीर मुनगंटीवार यांनी मुख्यमंत्री देवेंद्र फडणवीस यांना पत्र पाठवून वादळग्रस्तांना तातडीने मदत देण्याची आग्रही मागणी केली आहे. या वादळामुळे फुटाणा मोकासा येथील अनेक घरांचे मोठे नुकसान झाले आहे, ज्यात काही घरे अंशतः तर काही पूर्णपणे कोसळली आहेत. तसेच, वीज खांब पडल्याने गावातील वीजपुरवठा खंडित झाला असून शेतकऱ्यांच्या पिकांचे व शेतीमालाचेही मोठे नुकसान झाल्याने नागरिकांसमोर गंभीर परिस्थिती निर्माण झाली आहे. याच नैसर्गिक आपत्तीत घरावरील टीनचे शेड कोसळल्याने स्वर्गीय लहानूबाई नानुजी पाल यांचा दुर्दैवी मृत्यू झाला. आमदार मुनगंटीवार यांनी मुख्यमंत्र्यांकडे नुकसानग्रस्त घरांचे, शेतीचे व इतर मालमत्तेचे तातडीने पंचनामे करून शासनाच्या निकषानुसार नुकसानभरपाई देण्याची मागणी केली आहे. त्याचबरोबर, कोसळलेले वीज खांब त्वरित उभारून वीजपुरवठा पूर्ववत करण्याचे निर्देश संबंधित यंत्रणांना देण्याची विनंतीही त्यांनी केली आहे. मृत लहानूबाई नानुजी पाल यांच्या कुटुंबाला विशेष आर्थिक सहाय्य व तातडीची नुकसानभरपाई देण्याची मागणीही आमदार मुनगंटीवार यांनी पत्राद्वारे केली आहे. याशिवाय, आमदार मुनगंटीवार यांनी चंद्रपूर जिल्हाधिकाऱ्यांनाही स्वतंत्र पत्र पाठवून फुटाणा मोकासा येथील नुकसानीचे त्वरित पंचनामे करून प्रशासकीय प्रक्रिया गतिमान करण्याचे आणि बाधित नागरिकांना शक्य तितक्या लवकर मदत उपलब्ध करून देण्याचे आवाहन केले आहे. या नैसर्गिक संकटाच्या काळात शासनाने संवेदनशील भूमिका घेत प्रभावित कुटुंबांना दिलासा द्यावा आणि मदतकार्य युद्धपातळीवर राबवावे, अशी अपेक्षा व्यक्त करत त्यांनी प्रशासनाला तातडीने कार्यवाही करण्याचे आवाहन केले आहे.

Vainganga News Live Network

Press advisory पोंभुर्णा, चंद्रपूर, महाराष्ट्र•

14 hrs ago

चंद्रपूर जिल्ह्यातील पोंभूर्णा तालुक्यातील फुटाणा मोकासा गावात २८ मे रोजी झालेल्या अवकाळी पाऊस आणि चक्रीवादळामुळे मोठ्या प्रमाणावर नुकसान झाले असून, याची गंभीर दखल घेत माजी मंत्री तथा आमदार सुधीर मुनगंटीवार यांनी मुख्यमंत्री देवेंद्र फडणवीस यांना पत्र पाठवून वादळग्रस्तांना तातडीने मदत देण्याची आग्रही मागणी केली आहे. या वादळामुळे फुटाणा मोकासा येथील अनेक घरांचे मोठे नुकसान झाले आहे, ज्यात काही घरे अंशतः तर काही पूर्णपणे कोसळली आहेत. तसेच, वीज खांब पडल्याने गावातील वीजपुरवठा खंडित झाला असून शेतकऱ्यांच्या पिकांचे व शेतीमालाचेही मोठे नुकसान झाल्याने नागरिकांसमोर गंभीर परिस्थिती निर्माण झाली आहे. याच नैसर्गिक आपत्तीत घरावरील टीनचे शेड कोसळल्याने स्वर्गीय लहानूबाई नानुजी पाल यांचा दुर्दैवी मृत्यू झाला. आमदार मुनगंटीवार यांनी मुख्यमंत्र्यांकडे नुकसानग्रस्त घरांचे, शेतीचे व इतर मालमत्तेचे तातडीने पंचनामे करून शासनाच्या निकषानुसार नुकसानभरपाई देण्याची मागणी केली आहे. त्याचबरोबर, कोसळलेले वीज खांब त्वरित उभारून वीजपुरवठा पूर्ववत करण्याचे निर्देश संबंधित यंत्रणांना देण्याची विनंतीही त्यांनी केली आहे. मृत लहानूबाई नानुजी पाल यांच्या कुटुंबाला विशेष आर्थिक सहाय्य व तातडीची नुकसानभरपाई देण्याची मागणीही आमदार मुनगंटीवार यांनी पत्राद्वारे केली आहे. याशिवाय, आमदार मुनगंटीवार यांनी चंद्रपूर जिल्हाधिकाऱ्यांनाही स्वतंत्र पत्र पाठवून फुटाणा मोकासा येथील नुकसानीचे त्वरित पंचनामे करून प्रशासकीय प्रक्रिया गतिमान करण्याचे आणि बाधित नागरिकांना शक्य तितक्या लवकर मदत उपलब्ध करून देण्याचे आवाहन केले आहे. या नैसर्गिक संकटाच्या काळात शासनाने संवेदनशील भूमिका घेत प्रभावित कुटुंबांना दिलासा द्यावा आणि मदतकार्य युद्धपातळीवर राबवावे, अशी अपेक्षा व्यक्त करत त्यांनी प्रशासनाला तातडीने कार्यवाही करण्याचे आवाहन केले आहे.