जळगावमध्ये प्रेमविवाह करून पोलीस ठाण्यात संरक्षण मिळवण्यासाठी आलेल्या एका तरुण-तरुणीच्या प्रकरणाने शुक्रवारी रात्री नाट्यमय वळण घेतले. जळगाव तालुक्यातील एक तरुण आणि एमआयडीसी पोलीस ठाण्याच्या हद्दीतील एक तरुणी यांनी कुटुंबीयांच्या विरोधाला न जुमानता परस्पर संमतीने विवाह केला होता. भविष्यातील वादांपासून वाचण्यासाठी आणि कायदेशीर संरक्षण मिळावे या उद्देशाने हे जोडपे शुक्रवारी एमआयडीसी पोलीस ठाण्यात पोहोचले असता, याची माहिती मिळताच दोन्ही बाजूंचे कुटुंबीय, नातेवाईक आणि समर्थक मोठ्या संख्येने तेथे जमा झाले. सुरुवातीला झालेल्या शाब्दिक वादाचे रूपांतर काही मिनिटांतच उग्र हाणामारीत झाले. या घटनेत एका विद्यमान नगरसेवकाशी संबंधित गट आणि एका माजी जिल्हा परिषद सदस्याशी संबंधित गट समोरासमोर आल्याने तणाव अधिकच वाढला. दोन्ही गटांनी एकमेकांवर धावून जात धक्काबुक्की व मारहाण केल्याने पोलीस ठाणे परिसरात गोंधळाचे वातावरण निर्माण झाले. या गोंधळात पोलीस ठाण्याच्या खिडक्यांच्या काचा फुटल्या असून शासकीय मालमत्तेचे नुकसान झाले आहे. परिस्थिती नियंत्रणाबाहेर जात असल्याचे पाहून उपविभागीय पोलीस अधिकारी नितीन गणापुरे व इतर वरिष्ठ अधिकाऱ्यांनी अतिरिक्त बंदोबस्तासह घटनास्थळी धाव घेतली. जमावाला पांगवण्यासाठी पोलिसांना सौम्य लाठीमार करावा लागला, त्यानंतर परिस्थिती नियंत्रणात आली. पोलीस सूत्रांनी दिलेल्या माहितीनुसार, विवाह करणारे तरुण आणि तरुणी हे दोघेही सज्ञान आहेत आणि त्यांनी स्वतःच्या इच्छेने विवाह केला असल्याने त्यांना कायदेशीर संरक्षण देण्यात आले आहे. पोलीस ठाण्यातील सीसीटीव्ही फुटेजच्या आधारे तोडफोड आणि गोंधळ घालणाऱ्यांची ओळख पटवण्याचे काम सुरू आहे. चौकशी पूर्ण झाल्यानंतर संबंधित व्यक्तींविरुद्ध कायदेशीर कारवाई करण्यात येईल, असे पोलिसांनी स्पष्ट केले आहे.

Kiran Mali

Local News Reporter धरणगाव, जळगाव, महाराष्ट्र•

12 hrs ago

जळगावमध्ये प्रेमविवाह करून पोलीस ठाण्यात संरक्षण मिळवण्यासाठी आलेल्या एका तरुण-तरुणीच्या प्रकरणाने शुक्रवारी रात्री नाट्यमय वळण घेतले. जळगाव तालुक्यातील एक तरुण आणि एमआयडीसी पोलीस ठाण्याच्या हद्दीतील एक तरुणी यांनी कुटुंबीयांच्या विरोधाला न जुमानता परस्पर संमतीने विवाह केला होता. भविष्यातील वादांपासून वाचण्यासाठी आणि कायदेशीर संरक्षण मिळावे या उद्देशाने हे जोडपे शुक्रवारी एमआयडीसी पोलीस ठाण्यात पोहोचले असता, याची माहिती मिळताच दोन्ही बाजूंचे कुटुंबीय, नातेवाईक आणि समर्थक मोठ्या संख्येने तेथे जमा झाले. सुरुवातीला झालेल्या शाब्दिक वादाचे रूपांतर काही मिनिटांतच उग्र हाणामारीत झाले. या घटनेत एका विद्यमान नगरसेवकाशी संबंधित गट आणि एका माजी जिल्हा परिषद सदस्याशी संबंधित गट समोरासमोर आल्याने तणाव अधिकच वाढला. दोन्ही गटांनी एकमेकांवर धावून जात धक्काबुक्की व मारहाण केल्याने पोलीस ठाणे परिसरात गोंधळाचे वातावरण निर्माण झाले. या गोंधळात पोलीस ठाण्याच्या खिडक्यांच्या काचा फुटल्या असून शासकीय मालमत्तेचे नुकसान झाले आहे. परिस्थिती नियंत्रणाबाहेर जात असल्याचे पाहून उपविभागीय पोलीस अधिकारी नितीन गणापुरे व इतर वरिष्ठ अधिकाऱ्यांनी अतिरिक्त बंदोबस्तासह घटनास्थळी धाव घेतली. जमावाला पांगवण्यासाठी पोलिसांना सौम्य लाठीमार करावा लागला, त्यानंतर परिस्थिती नियंत्रणात आली. पोलीस सूत्रांनी दिलेल्या माहितीनुसार, विवाह करणारे तरुण आणि तरुणी हे दोघेही सज्ञान आहेत आणि त्यांनी स्वतःच्या इच्छेने विवाह केला असल्याने त्यांना कायदेशीर संरक्षण देण्यात आले आहे. पोलीस ठाण्यातील सीसीटीव्ही फुटेजच्या आधारे तोडफोड आणि गोंधळ घालणाऱ्यांची ओळख पटवण्याचे काम सुरू आहे. चौकशी पूर्ण झाल्यानंतर संबंधित व्यक्तींविरुद्ध कायदेशीर कारवाई करण्यात येईल, असे पोलिसांनी स्पष्ट केले आहे.