मुखेड तालुक्यातील होकर्णा, भगनूर, चांडोळा आणि पाळा या गावांतील शालेय विद्यार्थ्यांच्या सोयीसाठी मुखेड ते भगनूर मार्गे पाळा अशी एसटी बससेवा त्वरित सुरू करण्याची मागणी जोर धरू लागली आहे. ग्रामीण भागात प्राथमिक शाळेपुढील शिक्षणाची सोय नसल्यामुळे येथील शेकडो विद्यार्थ्यांना मुखेड शहरातील व शहरालगतच्या विविध शाळा-महाविद्यालयांमध्ये प्रवेश घ्यावा लागला आहे. मात्र, या मार्गावर बससेवा उपलब्ध नसल्याने विद्यार्थ्यांचे मोठे शैक्षणिक नुकसान होत असून पालकांना तीव्र मनस्ताप सहन करावा लागत आहे. या संदर्भात होकर्णा ग्रामपंचायत कार्यालय, गावचे चेअरमन बालाजी नागोराव गवते आणि ग्रामस्थांच्या वतीने २९ जून २०२६ रोजी मुखेडचे तहसीलदार शंकर लाड व आगार प्रमुख सुभाष पवार यांना स्वाक्षरीचे लेखी निवेदन देण्यात आले आहे. या निवेदनाच्या प्रती नांदेडचे जिल्हाधिकारी, विभाग नियंत्रक, विभागीय वाहतूक नियंत्रक, शिक्षणाधिकारी आणि गटशिक्षणाधिकारी यांनाही पाठवण्यात आल्या आहेत. मात्र, अद्याप राज्य परिवहन महामंडळ व प्रशासनाकडून कोणतीही बससेवा सुरू करण्यात आलेली नाही. बस नसल्यामुळे पालकांना आपली कामे बाजूला सारून विद्यार्थ्यांना दुचाकीवरून किंवा मिळेल त्या वाहनाने शाळेत सोडावे लागत आहे, ज्यामध्ये त्यांचा प्रचंड वेळ जात आहे. प्रशासनाच्या या उदासीनतेमुळे विद्यार्थ्यांवर मोठा अन्याय होत असून, गोरगरीब व शेतकरी कुटुंबातील मुलामुलींचे शैक्षणिक नुकसान टाळण्यासाठी आगार प्रमुखांनी तातडीने सकारात्मक भूमिका घ्यावी, अशी मागणी करण्यात आली आहे. जर याप्रकरणी प्रशासनाने दुर्लक्ष केले किंवा नकारात्मक निर्णय घेतला, तर आपल्या पाल्यांच्या हितासाठी परिसरातील नागरिकांच्या वतीने मोठा उठाव करण्याची दाट शक्यता वर्तवली जात आहे.

Milind Manohar Kamble

मुखेड, नांदेड, महाराष्ट्र•

4 hrs ago

मुखेड तालुक्यातील होकर्णा, भगनूर, चांडोळा आणि पाळा या गावांतील शालेय विद्यार्थ्यांच्या सोयीसाठी मुखेड ते भगनूर मार्गे पाळा अशी एसटी बससेवा त्वरित सुरू करण्याची मागणी जोर धरू लागली आहे. ग्रामीण भागात प्राथमिक शाळेपुढील शिक्षणाची सोय नसल्यामुळे येथील शेकडो विद्यार्थ्यांना मुखेड शहरातील व शहरालगतच्या विविध शाळा-महाविद्यालयांमध्ये प्रवेश घ्यावा लागला आहे. मात्र, या मार्गावर बससेवा उपलब्ध नसल्याने विद्यार्थ्यांचे मोठे शैक्षणिक नुकसान होत असून पालकांना तीव्र मनस्ताप सहन करावा लागत आहे. या संदर्भात होकर्णा ग्रामपंचायत कार्यालय, गावचे चेअरमन बालाजी नागोराव गवते आणि ग्रामस्थांच्या वतीने २९ जून २०२६ रोजी मुखेडचे तहसीलदार शंकर लाड व आगार प्रमुख सुभाष पवार यांना स्वाक्षरीचे लेखी निवेदन देण्यात आले आहे. या निवेदनाच्या प्रती नांदेडचे जिल्हाधिकारी, विभाग नियंत्रक, विभागीय वाहतूक नियंत्रक, शिक्षणाधिकारी आणि गटशिक्षणाधिकारी यांनाही पाठवण्यात आल्या आहेत. मात्र, अद्याप राज्य परिवहन महामंडळ व प्रशासनाकडून कोणतीही बससेवा सुरू करण्यात आलेली नाही. बस नसल्यामुळे पालकांना आपली कामे बाजूला सारून विद्यार्थ्यांना दुचाकीवरून किंवा मिळेल त्या वाहनाने शाळेत सोडावे लागत आहे, ज्यामध्ये त्यांचा प्रचंड वेळ जात आहे. प्रशासनाच्या या उदासीनतेमुळे विद्यार्थ्यांवर मोठा अन्याय होत असून, गोरगरीब व शेतकरी कुटुंबातील मुलामुलींचे शैक्षणिक नुकसान टाळण्यासाठी आगार प्रमुखांनी तातडीने सकारात्मक भूमिका घ्यावी, अशी मागणी करण्यात आली आहे. जर याप्रकरणी प्रशासनाने दुर्लक्ष केले किंवा नकारात्मक निर्णय घेतला, तर आपल्या पाल्यांच्या हितासाठी परिसरातील नागरिकांच्या वतीने मोठा उठाव करण्याची दाट शक्यता वर्तवली जात आहे.