नांदेड येथे सांख्यिकी आणि कार्यक्रम कार्यान्वयन मंत्रालय (MoSPI), भारत सरकार यांच्या मार्गदर्शनाखाली आणि जागतिक बँकेच्या सहाय्याने महाराष्ट्र शासनाच्या नियोजन विभागामार्फत MahaSTRIDE प्रकल्पांतर्गत महत्त्वाच्या सर्वेक्षणांचा शुभारंभ करण्यात आला आहे. यात नियतकालिक श्रमशक्ती सर्वेक्षण (PLFS) आणि असंघटित क्षेत्रातील उद्योगांचे वार्षिक सर्वेक्षण (ASUSE) यांचा समावेश आहे, जे जून २०२६ ते मार्च २०२७ या कालावधीत संपूर्ण राज्यात राबवले जाणार आहेत. या सर्वेक्षणांच्या कामाचा प्रारंभ आज जिल्हाधिकारी कार्यालयात अपर जिल्हाधिकारी डॉ. रत्नदीप गायकवाड यांच्या हस्ते माहितीपत्रकाच्या विमोचनाने झाला. यावेळी निवासी उपजिल्हाधिकारी किरण अंबेकर आणि सांख्यिकी अधिकारी श्रीमती प्रज्ञा पांढरे तसेच अन्वेषक व पर्यवेक्षक उपस्थित होते. केंद्र शासनाच्या धर्तीवर अर्थ व सांख्यिकी आयुक्तालय, नियोजन विभाग, महाराष्ट्र शासन या सर्वेक्षणात सहभागी होत आहे. या सर्वेक्षणातून मिळणारी आकडेवारी शासनाच्या विविध योजना आणि धोरणे तयार करण्यासाठी अत्यंत महत्त्वाची ठरेल. PLFS सर्वेक्षणाद्वारे रोजगार-बेरोजगारी, महिला कामगारांचा सहभाग, स्वयंरोजगार आणि असंघटित रोजगाराविषयी अद्ययावत व विश्वासार्ह माहिती मिळेल. तर, ASUSE सर्वेक्षणातून उत्पादन, व्यापार आणि सेवा (बांधकाम वगळून) क्षेत्रातील असंघटित उद्यमांची संख्या, रोजगाराचे प्रकार, कार्यरत कामगारांची संख्या, प्रति कामगार व प्रति उद्यम स्थूल मूल्यवृद्धी (GVA), उत्पादकता आणि वेतन यांसारख्या महत्त्वपूर्ण आर्थिक निर्देशकांची माहिती प्राप्त होणार आहे. या माहितीच्या आधारे राज्य व जिल्हा उत्पन्नाचा अंदाज बांधणे तसेच शासनाच्या नियोजन व धोरणनिर्मितीस मदत होणार असल्याचे अपर जिल्हाधिकारी डॉ. गायकवाड यांनी स्पष्ट केले. या सर्वेक्षणासाठी अर्थ व सांख्यिकी आयुक्तालयाने Ipsos Research Private Limited या संस्थेची नियुक्ती केली असून, त्यांचे अन्वेषक व पर्यवेक्षक निवडक नमुना पद्धतीने निवडलेल्या कुटुंबे आणि उद्योगांना भेट देऊन मुलाखतीद्वारे माहिती संकलित करतील. संकलित केलेली वैयक्तिक माहिती पूर्णपणे गोपनीय ठेवण्यात येणार आहे. अपर जिल्हाधिकारी डॉ. रत्नदीप गायकवाड, जिल्हा नियोजन अधिकारी सुधाकर चिंचाणे आणि जिल्हा सांख्यिकी कार्यालयाच्या वतीने सांख्यिकी अधिकारी श्रीमती प्रज्ञा पांढरे यांनी नागरिकांना सर्वेक्षणासाठी येणाऱ्या कर्मचाऱ्यांना योग्य व परिपूर्ण माहिती देऊन सहकार्य करण्याचे आवाहन केले आहे.

Mohammad Rafikh

Graphic designer माहूर, नांदेड, महाराष्ट्र•

13 hrs ago

नांदेड येथे सांख्यिकी आणि कार्यक्रम कार्यान्वयन मंत्रालय (MoSPI), भारत सरकार यांच्या मार्गदर्शनाखाली आणि जागतिक बँकेच्या सहाय्याने महाराष्ट्र शासनाच्या नियोजन विभागामार्फत MahaSTRIDE प्रकल्पांतर्गत महत्त्वाच्या सर्वेक्षणांचा शुभारंभ करण्यात आला आहे. यात नियतकालिक श्रमशक्ती सर्वेक्षण (PLFS) आणि असंघटित क्षेत्रातील उद्योगांचे वार्षिक सर्वेक्षण (ASUSE) यांचा समावेश आहे, जे जून २०२६ ते मार्च २०२७ या कालावधीत संपूर्ण राज्यात राबवले जाणार आहेत. या सर्वेक्षणांच्या कामाचा प्रारंभ आज जिल्हाधिकारी कार्यालयात अपर जिल्हाधिकारी डॉ. रत्नदीप गायकवाड यांच्या हस्ते माहितीपत्रकाच्या विमोचनाने झाला. यावेळी निवासी उपजिल्हाधिकारी किरण अंबेकर आणि सांख्यिकी अधिकारी श्रीमती प्रज्ञा पांढरे तसेच अन्वेषक व पर्यवेक्षक उपस्थित होते. केंद्र शासनाच्या धर्तीवर अर्थ व सांख्यिकी आयुक्तालय, नियोजन विभाग, महाराष्ट्र शासन या सर्वेक्षणात सहभागी होत आहे. या सर्वेक्षणातून मिळणारी आकडेवारी शासनाच्या विविध योजना आणि धोरणे तयार करण्यासाठी अत्यंत महत्त्वाची ठरेल. PLFS सर्वेक्षणाद्वारे रोजगार-बेरोजगारी, महिला कामगारांचा सहभाग, स्वयंरोजगार आणि असंघटित रोजगाराविषयी अद्ययावत व विश्वासार्ह माहिती मिळेल. तर, ASUSE सर्वेक्षणातून उत्पादन, व्यापार आणि सेवा (बांधकाम वगळून) क्षेत्रातील असंघटित उद्यमांची संख्या, रोजगाराचे प्रकार, कार्यरत कामगारांची संख्या, प्रति कामगार व प्रति उद्यम स्थूल मूल्यवृद्धी (GVA), उत्पादकता आणि वेतन यांसारख्या महत्त्वपूर्ण आर्थिक निर्देशकांची माहिती प्राप्त होणार आहे. या माहितीच्या आधारे राज्य व जिल्हा उत्पन्नाचा अंदाज बांधणे तसेच शासनाच्या नियोजन व धोरणनिर्मितीस मदत होणार असल्याचे अपर जिल्हाधिकारी डॉ. गायकवाड यांनी स्पष्ट केले. या सर्वेक्षणासाठी अर्थ व सांख्यिकी आयुक्तालयाने Ipsos Research Private Limited या संस्थेची नियुक्ती केली असून, त्यांचे अन्वेषक व पर्यवेक्षक निवडक नमुना पद्धतीने निवडलेल्या कुटुंबे आणि उद्योगांना भेट देऊन मुलाखतीद्वारे माहिती संकलित करतील. संकलित केलेली वैयक्तिक माहिती पूर्णपणे गोपनीय ठेवण्यात येणार आहे. अपर जिल्हाधिकारी डॉ. रत्नदीप गायकवाड, जिल्हा नियोजन अधिकारी सुधाकर चिंचाणे आणि जिल्हा सांख्यिकी कार्यालयाच्या वतीने सांख्यिकी अधिकारी श्रीमती प्रज्ञा पांढरे यांनी नागरिकांना सर्वेक्षणासाठी येणाऱ्या कर्मचाऱ्यांना योग्य व परिपूर्ण माहिती देऊन सहकार्य करण्याचे आवाहन केले आहे.