ചാവക്കാട് വീട് കുത്തിത്തുറന്ന് മോഷണശ്രമം: അസം സ്വദേശിയായ യുവാവ് പിടിയിൽ ചാവക്കാട്: മണത്തല ബ്ലോക്ക് ഓഫീസിന് സമീപം വീട് കുത്തിത്തുറന്ന് മോഷണത്തിന് ശ്രമിച്ച കേസിൽ അസം സ്വദേശിയായ 22-കാരനെ ചാവക്കാട് പോലീസ് അറസ്റ്റ് ചെയ്തു. അസമിലെ ദിബ്രുഗഡ് നഹർകട്ടിയ സ്വദേശിയായ രാധേശ്യാം ഗർഹ് (22) ആണ് പോലീസിന്റെ പിടിയിലായത്. മണത്തല ബ്ലോക്ക് ഓഫീസിന് സമീപമുള്ള റിപ്പിൽ ഹംസയുടെ വീട്ടിലാണ് മോഷണശ്രമം നടന്നത്. കഴിഞ്ഞ വെള്ളിയാഴ്ച രാത്രി വീടിന്റെ മുൻവശത്തെയും പിൻവശത്തെയും വാതിലുകൾ കുത്തിപ്പൊളിച്ച നിലയിൽ കണ്ടെത്തുകയായിരുന്നു. തുടർന്ന് പരാതിക്കാരനും സുഹൃത്തും വീട്ടിനുള്ളിൽ കയറി പരിശോധിച്ചപ്പോഴാണ് മുകളിലത്തെ നിലയിലെ കിടപ്പുമുറിയിൽ ഒരാൾ കിടന്നുറങ്ങുന്നതായി കണ്ടത്. ഉടൻ തന്നെ ഇവർ ചാവക്കാട് പോലീസിൽ വിവരമറിയിക്കുകയും, പോലീസ് സ്ഥലത്തെത്തി പ്രതിയെ കസ്റ്റഡിയിലെടുക്കുകയുമായിരുന്നു. തുടർന്ന് നടത്തിയ അന്വേഷണത്തിൽ, പ്രതി വീട്ടിനുള്ളിൽ കയറി അലമാരകളും മറ്റും തുറന്ന് സാധനങ്ങൾ വലിച്ചുവാരി ഇട്ട് വിലപിടിപ്പുള്ള വസ്തുക്കൾ മോഷ്ടിക്കാൻ ശ്രമിച്ചതായി പോലീസ് കണ്ടെത്തി. പ്രതിക്ക് മലയാളം അറിയാത്തതിനാൽ അസമീസ് ഭാഷ സംസാരിക്കുന്ന ഒരു തർജ്ജമക്കാരന്റെ (Interpreter) സഹായത്തോടെയാണ് പോലീസ് ചോദ്യം ചെയ്യലും മറ്റ് നിയമനടപടികളും പൂർത്തിയാക്കിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

Thrissur Varthakal

തൃശ്ശൂർ, തൃശ്ശൂർ, കേരളം•

21 hrs ago

ചാവക്കാട് വീട് കുത്തിത്തുറന്ന് മോഷണശ്രമം: അസം സ്വദേശിയായ യുവാവ് പിടിയിൽ ചാവക്കാട്: മണത്തല ബ്ലോക്ക് ഓഫീസിന് സമീപം വീട് കുത്തിത്തുറന്ന് മോഷണത്തിന് ശ്രമിച്ച കേസിൽ അസം സ്വദേശിയായ 22-കാരനെ ചാവക്കാട് പോലീസ് അറസ്റ്റ് ചെയ്തു. അസമിലെ ദിബ്രുഗഡ് നഹർകട്ടിയ സ്വദേശിയായ രാധേശ്യാം ഗർഹ് (22) ആണ് പോലീസിന്റെ പിടിയിലായത്. മണത്തല ബ്ലോക്ക് ഓഫീസിന് സമീപമുള്ള റിപ്പിൽ ഹംസയുടെ വീട്ടിലാണ് മോഷണശ്രമം നടന്നത്. കഴിഞ്ഞ വെള്ളിയാഴ്ച രാത്രി വീടിന്റെ മുൻവശത്തെയും പിൻവശത്തെയും വാതിലുകൾ കുത്തിപ്പൊളിച്ച നിലയിൽ കണ്ടെത്തുകയായിരുന്നു. തുടർന്ന് പരാതിക്കാരനും സുഹൃത്തും വീട്ടിനുള്ളിൽ കയറി പരിശോധിച്ചപ്പോഴാണ് മുകളിലത്തെ നിലയിലെ കിടപ്പുമുറിയിൽ ഒരാൾ കിടന്നുറങ്ങുന്നതായി കണ്ടത്. ഉടൻ തന്നെ ഇവർ ചാവക്കാട് പോലീസിൽ വിവരമറിയിക്കുകയും, പോലീസ് സ്ഥലത്തെത്തി പ്രതിയെ കസ്റ്റഡിയിലെടുക്കുകയുമായിരുന്നു. തുടർന്ന് നടത്തിയ അന്വേഷണത്തിൽ, പ്രതി വീട്ടിനുള്ളിൽ കയറി അലമാരകളും മറ്റും തുറന്ന് സാധനങ്ങൾ വലിച്ചുവാരി ഇട്ട് വിലപിടിപ്പുള്ള വസ്തുക്കൾ മോഷ്ടിക്കാൻ ശ്രമിച്ചതായി പോലീസ് കണ്ടെത്തി. പ്രതിക്ക് മലയാളം അറിയാത്തതിനാൽ അസമീസ് ഭാഷ സംസാരിക്കുന്ന ഒരു തർജ്ജമക്കാരന്റെ (Interpreter) സഹായത്തോടെയാണ് പോലീസ് ചോദ്യം ചെയ്യലും മറ്റ് നിയമനടപടികളും പൂർത്തിയാക്കിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.