ग्रामपंचायत निवडणुकांचा बिगुल! प्रभाग रचना कार्यक्रम जाहीर; हरकतींसाठी ठरल्या अंतिम तारखा ग्रामपंचायत निवडणुकांचा बिगुल! प्रभाग रचना कार्यक्रम जाहीर; हरकतींसाठी ठरल्या अंतिम तारखा शेगांव / बुलढाणा, दि. १८ (जिमाका) – जिल्ह्यातील मुदत संपणाऱ्या तसेच नव्याने स्थापन होणाऱ्या ग्रामपंचायतींच्या सार्वत्रिक निवडणुकांची प्रक्रिया आता वेगात सुरू झाली असून ग्रामविकास विभागाच्या आदेशानुसार प्रभाग रचना कार्यक्रम जाहीर करण्यात आला आहे. जिल्हा प्रशासनाने टप्पानिहाय कालबद्ध नियोजन जाहीर करत संपूर्ण यंत्रणा कामाला लागली आहे. * २० फेब्रुवारीपर्यंत गावांचे नकाशे अंतिम प्रारूप टप्प्यात तहसीलदारांकडून गुगल अर्थ नकाशे सुपर इम्पोज करून प्रत्येक गावाचा नकाशा अंतिम केला जाणार असून तलाठी व ग्रामसेवक यांच्या संयुक्त पाहणीतून २७ फेब्रुवारीपर्यंत प्रभाग सीमा निश्चित होणार आहेत. * ५ मार्चपर्यंत समितीकडून तपासणी तहसीलदारांच्या अध्यक्षतेखालील समिती ५ मार्चपर्यंत प्रारूप प्रभाग रचनेची छाननी करणार असून प्रस्ताव ११ मार्चपर्यंत जिल्हाधिकाऱ्यांकडे सादर केला जाणार आहे. त्यानंतर राज्य निवडणूक आयोगाची मान्यता घेत ३० मार्चपर्यंत प्रारूपावर अंतिम स्वाक्षऱ्या होणार आहेत. * ७ एप्रिलपासून हरकतींसाठी संधी प्रारूप प्रभाग रचनेला ७ एप्रिलपर्यंत प्रसिद्धी देण्यात येणार असून नागरिकांना १३ एप्रिलपर्यंत हरकती व सूचना सादर करता येणार आहेत. सुनावणी २१ एप्रिल रोजी होणार आहे. * ४ मे रोजी अंतिम प्रभाग रचना जाहीर सर्व प्रक्रिया पूर्ण झाल्यानंतर जिल्हाधिकारी २८ एप्रिलपर्यंत अंतिम प्रस्ताव आयोगाकडे पाठवतील आणि आयोगाच्या मान्यतेनंतर ४ मे २०२६ रोजी अंतिम प्रभाग रचना प्रसिद्ध केली जाईल. * “नागरिकांनी नोंद घ्यावी” – जिल्हाधिकारी डॉ. किरण पाटील मुदत संपणाऱ्या व नव्याने स्थापन होणाऱ्या ग्रामपंचायतींच्या निवडणुकांसाठी हा कार्यक्रम महत्त्वाचा असून सर्व नागरिकांनी याची नोंद घ्यावी, असे आवाहन जिल्हाधिकारी डॉ. किरण पाटील यांनी केले आहे.

Sachin kadukar

Photographer Shegaon, Buldhana•

18 hrs ago

ग्रामपंचायत निवडणुकांचा बिगुल! प्रभाग रचना कार्यक्रम जाहीर; हरकतींसाठी ठरल्या अंतिम तारखा ग्रामपंचायत निवडणुकांचा बिगुल! प्रभाग रचना कार्यक्रम जाहीर; हरकतींसाठी ठरल्या अंतिम तारखा शेगांव / बुलढाणा, दि. १८ (जिमाका) – जिल्ह्यातील मुदत संपणाऱ्या तसेच नव्याने स्थापन होणाऱ्या ग्रामपंचायतींच्या सार्वत्रिक निवडणुकांची प्रक्रिया आता वेगात सुरू झाली असून ग्रामविकास विभागाच्या आदेशानुसार प्रभाग रचना कार्यक्रम जाहीर करण्यात आला आहे. जिल्हा प्रशासनाने टप्पानिहाय कालबद्ध नियोजन जाहीर करत संपूर्ण यंत्रणा कामाला लागली आहे. * २० फेब्रुवारीपर्यंत गावांचे नकाशे अंतिम प्रारूप टप्प्यात तहसीलदारांकडून गुगल अर्थ नकाशे सुपर इम्पोज करून प्रत्येक गावाचा नकाशा अंतिम केला जाणार असून तलाठी व ग्रामसेवक यांच्या संयुक्त पाहणीतून २७ फेब्रुवारीपर्यंत प्रभाग सीमा निश्चित होणार आहेत. * ५ मार्चपर्यंत समितीकडून तपासणी तहसीलदारांच्या अध्यक्षतेखालील समिती ५ मार्चपर्यंत प्रारूप प्रभाग रचनेची छाननी करणार असून प्रस्ताव ११ मार्चपर्यंत जिल्हाधिकाऱ्यांकडे सादर केला जाणार आहे. त्यानंतर राज्य निवडणूक आयोगाची मान्यता घेत ३० मार्चपर्यंत प्रारूपावर अंतिम स्वाक्षऱ्या होणार आहेत. * ७ एप्रिलपासून हरकतींसाठी संधी प्रारूप प्रभाग रचनेला ७ एप्रिलपर्यंत प्रसिद्धी देण्यात येणार असून नागरिकांना १३ एप्रिलपर्यंत हरकती व सूचना सादर करता येणार आहेत. सुनावणी २१ एप्रिल रोजी होणार आहे. * ४ मे रोजी अंतिम प्रभाग रचना जाहीर सर्व प्रक्रिया पूर्ण झाल्यानंतर जिल्हाधिकारी २८ एप्रिलपर्यंत अंतिम प्रस्ताव आयोगाकडे पाठवतील आणि आयोगाच्या मान्यतेनंतर ४ मे २०२६ रोजी अंतिम प्रभाग रचना प्रसिद्ध केली जाईल. * “नागरिकांनी नोंद घ्यावी” – जिल्हाधिकारी डॉ. किरण पाटील मुदत संपणाऱ्या व नव्याने स्थापन होणाऱ्या ग्रामपंचायतींच्या निवडणुकांसाठी हा कार्यक्रम महत्त्वाचा असून सर्व नागरिकांनी याची नोंद घ्यावी, असे आवाहन जिल्हाधिकारी डॉ. किरण पाटील यांनी केले आहे.