యంగ్ ఇండియా ఇన్‌స్టిట్యూట్ ఆఫ్ ఎక్సలెన్స్–2026 ప్రవేశ పరీక్షలను పూర్తి పారదర్శకతతో, నిబంధనలకు అనుగుణంగా ప్రశాంత వాతావరణంలో నిర్వహించాలని జిల్లా అదనపు కలెక్టర్ (స్థానిక సంస్థలు) పి.చంద్రయ్య అధికారులను ఆదేశించారు. ఆదివారం జిల్లా కేంద్రంలోని కస్తూర్బా గాంధీ బాలికల విద్యాలయంలో ఏర్పాటు చేసిన పరీక్షా కేంద్రాన్ని ఆయన సందర్శించారు. ఈ సందర్భంగా పరీక్షా గదులు, హాజరు నమోదు, ప్రశ్నాపత్రాల పంపిణీ, ఇన్విజిలేషన్ విధానాన్ని తనిఖీ చేసి అధికారులకు పలు సూచనలు చేశారు. పరీక్షలకు హాజరయ్యే విద్యార్థినులకు త్రాగునీరు, విద్యుత్, పరిశుభ్రత వంటి అన్ని మౌలిక సదుపాయాలు కల్పించాలని, ఎలాంటి నిర్లక్ష్యానికి తావు లేకుండా ప్రశాంతమైన వాతావరణం ఉండేలా చర్యలు తీసుకోవాలని స్పష్టం చేశారు. అనంతరం తాండూరు మండలంలోని కస్తూర్బా గాంధీ బాలికల విద్యాలయంలో పరీక్షా ఏర్పాట్లను పరిశీలించి అధికారులతో సమీక్షించారు. మరోవైపు, ప్రత్యేక ఓటరు జాబితా సవరణ కార్యక్రమంలో భాగంగా ఎన్యూమరేషన్ ఫారాల డిజిటలైజేషన్‌ను వేగవంతం చేసి నిర్దేశిత గడువులోగా పూర్తి చేయాలని అదనపు కలెక్టర్ ఆదేశించారు. తాండూరు గ్రామపంచాయతీలో డిజిటలైజేషన్ పురోగతిపై మండల పంచాయతీ అధికారి, డిప్యూటీ తహసీల్దార్, గ్రామ సర్పంచ్, గ్రామ కార్యదర్శితో కలిసి సమీక్ష నిర్వహించారు. తక్కువ పురోగతి నమోదు చేసిన బూత్ స్థాయి అధికారులతో సమావేశమై, పెండింగ్ ఫారాలను ప్రాధాన్యత క్రమంలో పూర్తి చేయాలని చెప్పారు. ప్రతి ఫారాన్ని క్షుణ్ణంగా పరిశీలించి తప్పులు లేకుండా జాగ్రత్త వహించాలని సూచించారు. అలాగే నెన్నెల మండలంలోని నెన్నెల, ఆవడం, గంగారం గ్రామపంచాయతీలలో ఈ ప్రక్రియను స్థానిక అధికారులతో కలిసి పరిశీలించి, త్వరగా పూర్తి చేయడానికి అవసరమైన చర్యలు తీసుకోవాలని ఆదేశించారు.

Thalapalli Ramesh

బెల్లంపల్లె, మంచిర్యాల, తెలంగాణ•

1 hr ago

యంగ్ ఇండియా ఇన్‌స్టిట్యూట్ ఆఫ్ ఎక్సలెన్స్–2026 ప్రవేశ పరీక్షలను పూర్తి పారదర్శకతతో, నిబంధనలకు అనుగుణంగా ప్రశాంత వాతావరణంలో నిర్వహించాలని జిల్లా అదనపు కలెక్టర్ (స్థానిక సంస్థలు) పి.చంద్రయ్య అధికారులను ఆదేశించారు. ఆదివారం జిల్లా కేంద్రంలోని కస్తూర్బా గాంధీ బాలికల విద్యాలయంలో ఏర్పాటు చేసిన పరీక్షా కేంద్రాన్ని ఆయన సందర్శించారు. ఈ సందర్భంగా పరీక్షా గదులు, హాజరు నమోదు, ప్రశ్నాపత్రాల పంపిణీ, ఇన్విజిలేషన్ విధానాన్ని తనిఖీ చేసి అధికారులకు పలు సూచనలు చేశారు. పరీక్షలకు హాజరయ్యే విద్యార్థినులకు త్రాగునీరు, విద్యుత్, పరిశుభ్రత వంటి అన్ని మౌలిక సదుపాయాలు కల్పించాలని, ఎలాంటి నిర్లక్ష్యానికి తావు లేకుండా ప్రశాంతమైన వాతావరణం ఉండేలా చర్యలు తీసుకోవాలని స్పష్టం చేశారు. అనంతరం తాండూరు మండలంలోని కస్తూర్బా గాంధీ బాలికల విద్యాలయంలో పరీక్షా ఏర్పాట్లను

పరిశీలించి అధికారులతో సమీక్షించారు. మరోవైపు, ప్రత్యేక ఓటరు జాబితా సవరణ కార్యక్రమంలో భాగంగా ఎన్యూమరేషన్ ఫారాల డిజిటలైజేషన్‌ను వేగవంతం చేసి నిర్దేశిత గడువులోగా పూర్తి చేయాలని అదనపు కలెక్టర్ ఆదేశించారు. తాండూరు గ్రామపంచాయతీలో డిజిటలైజేషన్ పురోగతిపై మండల పంచాయతీ అధికారి, డిప్యూటీ తహసీల్దార్, గ్రామ సర్పంచ్, గ్రామ కార్యదర్శితో కలిసి సమీక్ష నిర్వహించారు. తక్కువ పురోగతి నమోదు చేసిన బూత్ స్థాయి అధికారులతో సమావేశమై, పెండింగ్ ఫారాలను ప్రాధాన్యత క్రమంలో పూర్తి చేయాలని చెప్పారు. ప్రతి ఫారాన్ని క్షుణ్ణంగా పరిశీలించి తప్పులు లేకుండా జాగ్రత్త వహించాలని సూచించారు. అలాగే నెన్నెల మండలంలోని నెన్నెల, ఆవడం, గంగారం గ్రామపంచాయతీలలో ఈ ప్రక్రియను స్థానిక అధికారులతో కలిసి పరిశీలించి, త్వరగా పూర్తి చేయడానికి అవసరమైన చర్యలు తీసుకోవాలని ఆదేశించారు.