ସୁବର୍ଣ୍ଣପୁର ଜିଲ୍ଲାର ବିନିକା ଥାନା ଅଧୀନ ସୋନପୁର-ବିନିକା ଜାତୀୟ ରାଜପଥ ୧୨୬ ଏ ଉପରେ ଏକ ମର୍ମନ୍ତୁଦ କାର ଦୁର୍ଘଟଣା ଘଟିଛି। ଫୁଲମୁଠି ଓ ଜାମଛାପର ମଝିରେ ଥିବା କଡ଼ି ଜୋର ନିକଟସ୍ଥ କଲଭର୍ଟରେ ଓଡି ୧୫ ଡି ୩୨୭୧ ନମ୍ବର ବିଶିଷ୍ଟ ୱାଗାନର ଗାଡ଼ିଟି ଧକ୍କା ଦେବାରୁ ଏହି ଦୁର୍ଘଟଣା ଘଟିଥିଲା। ଏହି ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ଡ୍ରାଇଭର ଗୁରୁତର ଆହତ ହୋଇଛନ୍ତି। ମୃତ ବ୍ୟକ୍ତି ଜଣକ ସମ୍ବଲପୁର ଜିଲ୍ଲା ଶାସନ ଥାନା ଅଧୀନ ଦବଲା ଗ୍ରାମର ଦେବେନ୍ଦ୍ର ପ୍ରଧାନ ବୋଲି ଚିହ୍ନଟ ହୋଇଛନ୍ତି, ଯିଏକି ପଶ୍ଚିମ ଓଡିଶା କୃଷକ ସଙ୍ଗଠନର ସାଧାରଣ ସମ୍ପାଦକ ଥିଲେ। ଆହତ ହୋଇଥିବା ଡ୍ରାଇଭର ଡୁମ୍ବେର ପାଲି ଗ୍ରାମର ବିପିନ ଭୋଇ, ଯିଏକି ପଶ୍ଚିମ ଓଡିଶା କୃଷକ ସଙ୍ଗଠନର ପୂର୍ବତନ ଉପ ସଭାପତି ଭାବେ କାର୍ଯ୍ୟ କରିଥିଲେ। ଦୁର୍ଘଟଣା ପରେ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଦେବେନ୍ଦ୍ରଙ୍କୁ ଉଦ୍ଧାର କରି ବିନିକା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଥିଲେ, ମାତ୍ର ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ବିନିକା ପୁଲିସ ଶବ ଜବତ କରି ଏକ ଅପମୃତ୍ୟୁ ମାମଲା ରୁଜୁ କରିଥିବା ବେଳେ ଆଇଆଇସି ଅନିତା କିଡୋ ଏହାର ଅଧିକ ତଦନ୍ତ ଜାରି ରଖିଛନ୍ତି।

Santosh Nayak PRESS

Local News Reporter Balangir, Odisha•

11 hrs ago

ସୁବର୍ଣ୍ଣପୁର ଜିଲ୍ଲାର ବିନିକା ଥାନା ଅଧୀନ ସୋନପୁର-ବିନିକା ଜାତୀୟ ରାଜପଥ ୧୨୬ ଏ ଉପରେ ଏକ ମର୍ମନ୍ତୁଦ କାର ଦୁର୍ଘଟଣା ଘଟିଛି। ଫୁଲମୁଠି ଓ ଜାମଛାପର ମଝିରେ ଥିବା କଡ଼ି ଜୋର ନିକଟସ୍ଥ କଲଭର୍ଟରେ ଓଡି ୧୫ ଡି ୩୨୭୧ ନମ୍ବର ବିଶିଷ୍ଟ ୱାଗାନର ଗାଡ଼ିଟି ଧକ୍କା ଦେବାରୁ ଏହି ଦୁର୍ଘଟଣା ଘଟିଥିଲା। ଏହି ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ଡ୍ରାଇଭର ଗୁରୁତର ଆହତ ହୋଇଛନ୍ତି। ମୃତ ବ୍ୟକ୍ତି ଜଣକ ସମ୍ବଲପୁର ଜିଲ୍ଲା ଶାସନ ଥାନା ଅଧୀନ ଦବଲା ଗ୍ରାମର ଦେବେନ୍ଦ୍ର ପ୍ରଧାନ ବୋଲି ଚିହ୍ନଟ ହୋଇଛନ୍ତି, ଯିଏକି ପଶ୍ଚିମ ଓଡିଶା କୃଷକ ସଙ୍ଗଠନର ସାଧାରଣ ସମ୍ପାଦକ ଥିଲେ। ଆହତ ହୋଇଥିବା ଡ୍ରାଇଭର ଡୁମ୍ବେର ପାଲି ଗ୍ରାମର ବିପିନ ଭୋଇ, ଯିଏକି ପଶ୍ଚିମ ଓଡିଶା କୃଷକ ସଙ୍ଗଠନର ପୂର୍ବତନ ଉପ ସଭାପତି ଭାବେ କାର୍ଯ୍ୟ କରିଥିଲେ। ଦୁର୍ଘଟଣା ପରେ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଦେବେନ୍ଦ୍ରଙ୍କୁ ଉଦ୍ଧାର କରି ବିନିକା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଥିଲେ, ମାତ୍ର ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ବିନିକା ପୁଲିସ ଶବ ଜବତ କରି ଏକ ଅପମୃତ୍ୟୁ ମାମଲା ରୁଜୁ କରିଥିବା ବେଳେ ଆଇଆଇସି ଅନିତା କିଡୋ ଏହାର ଅଧିକ ତଦନ୍ତ ଜାରି ରଖିଛନ୍ତି।