लातूर जिल्हा पोलीस दलाच्या विशेष मोहिमेअंतर्गत, सन २०१५ मध्ये दाखल झालेल्या चोरीच्या गुन्ह्यात तब्बल ११ वर्षांपासून फरार असलेल्या दोन आरोपींना अखेर अटक करण्यात आली आहे. कायद्याला चकवा देणाऱ्या फरार आरोपींना न्यायालयासमोर हजर करण्याच्या उद्देशाने जिल्हा पोलीस दलाकडून विशेष मोहीम राबविण्यात येत असून, पोलीस अधीक्षक अमोल तांबे यांनी अशा आरोपींना तात्काळ अटक करण्याचे स्पष्ट निर्देश दिले होते. अपर पोलीस अधीक्षक मंगेश चव्हाण यांच्या मार्गदर्शनाखाली सुरू असलेल्या या मोहिमेत पोलीसांना हे उल्लेखनीय यश मिळाले आहे. ही कारवाई भादा पोलीस ठाण्यात २०१५ मध्ये दाखल झालेल्या गुन्ह्याशी संबंधित आहे. दि. ५ ते ६ ऑगस्ट २०१५ च्या मध्यरात्री बेलकुंड येथील प्राथमिक आरोग्य केंद्राच्या परिसरातून अंदाजे ५ हजार रुपये किमतीच्या चंदनाच्या झाडाचा गाभा अज्ञात व्यक्तींनी चोरी करून नेला होता. याप्रकरणी प्राथमिक आरोग्य केंद्र, बेलकुंड येथील वैद्यकीय अधिकारी डॉ. किरण पळंगे यांनी दिलेल्या फिर्यादीवरून भादा पोलीस ठाण्यात दि. ६ ऑगस्ट २०१५ रोजी गुरनं. ६६/२०१५, कलम ३७९ भादंवि तसेच भारतीय वन अधिनियमांतर्गत गुन्हा दाखल करण्यात आला होता. या गुन्ह्याच्या तपासादरम्यान यापूर्वी तीन आरोपींना अटक करण्यात आली होती, मात्र नितीन गोरख राऊत (वय ४८ वर्षे, रा. सर्जापूर, ता. बार्शी, जि. सोलापूर) आणि रामचंद्र उर्फ राम धर्मराज माळी (वय ५० वर्षे, रा. नारी, ता. बार्शी, जि. सोलापूर) हे दोन्ही आरोपी गुन्हा दाखल झाल्यापासून फरार होते. विशेष मोहिमेदरम्यान, पोलीसांनी तांत्रिक माहिती, गोपनीय बातमीदारांचे जाळे आणि विविध ठिकाणी पडताळणी करून या दोन्ही फरार आरोपींचा माग काढला. अखेर त्यांना शोधून ताब्यात घेण्यात आले आणि त्यांच्याविरुद्ध आवश्यक कायदेशीर प्रक्रिया पूर्ण करून पुरवणी दोषारोपपत्रासह मा. न्यायालयासमोर हजर करण्यात आले आहे. सदरची कारवाई भादा पोलीस ठाण्याचे सहाय्यक पोलीस निरीक्षक डॉ. विशाल शहाणे, पोहेकॉ फिरोज शेख, कांबळे, पोना पाटील आणि पोअं मोरे यांनी केली.

Laxman Ugile

उदगीर, लातूर, महाराष्ट्र•

12 hrs ago

लातूर जिल्हा पोलीस दलाच्या विशेष मोहिमेअंतर्गत, सन २०१५ मध्ये दाखल झालेल्या चोरीच्या गुन्ह्यात तब्बल ११ वर्षांपासून फरार असलेल्या दोन आरोपींना अखेर अटक करण्यात आली आहे. कायद्याला चकवा देणाऱ्या फरार आरोपींना न्यायालयासमोर हजर करण्याच्या उद्देशाने जिल्हा पोलीस दलाकडून विशेष मोहीम राबविण्यात येत असून, पोलीस अधीक्षक अमोल तांबे यांनी अशा आरोपींना तात्काळ अटक करण्याचे स्पष्ट निर्देश दिले होते. अपर पोलीस अधीक्षक मंगेश चव्हाण यांच्या मार्गदर्शनाखाली सुरू असलेल्या या मोहिमेत पोलीसांना हे उल्लेखनीय यश मिळाले आहे. ही कारवाई भादा पोलीस ठाण्यात २०१५ मध्ये दाखल झालेल्या गुन्ह्याशी संबंधित आहे. दि. ५ ते ६ ऑगस्ट २०१५ च्या मध्यरात्री बेलकुंड येथील प्राथमिक आरोग्य केंद्राच्या परिसरातून अंदाजे ५ हजार रुपये किमतीच्या चंदनाच्या झाडाचा गाभा अज्ञात व्यक्तींनी चोरी करून नेला होता. याप्रकरणी प्राथमिक आरोग्य केंद्र, बेलकुंड येथील वैद्यकीय अधिकारी डॉ. किरण पळंगे यांनी दिलेल्या फिर्यादीवरून भादा पोलीस ठाण्यात दि. ६ ऑगस्ट २०१५ रोजी गुरनं. ६६/२०१५, कलम ३७९ भादंवि तसेच भारतीय वन अधिनियमांतर्गत गुन्हा दाखल करण्यात आला होता. या गुन्ह्याच्या तपासादरम्यान यापूर्वी तीन आरोपींना अटक करण्यात आली होती, मात्र नितीन गोरख राऊत (वय ४८ वर्षे, रा. सर्जापूर, ता. बार्शी, जि. सोलापूर) आणि रामचंद्र उर्फ राम धर्मराज माळी (वय ५० वर्षे, रा. नारी, ता. बार्शी, जि. सोलापूर) हे दोन्ही आरोपी गुन्हा दाखल झाल्यापासून फरार होते. विशेष मोहिमेदरम्यान, पोलीसांनी तांत्रिक माहिती, गोपनीय बातमीदारांचे जाळे आणि विविध ठिकाणी पडताळणी करून या दोन्ही फरार आरोपींचा माग काढला. अखेर त्यांना शोधून ताब्यात घेण्यात आले आणि त्यांच्याविरुद्ध आवश्यक कायदेशीर प्रक्रिया पूर्ण करून पुरवणी दोषारोपपत्रासह मा. न्यायालयासमोर हजर करण्यात आले आहे. सदरची कारवाई भादा पोलीस ठाण्याचे सहाय्यक पोलीस निरीक्षक डॉ. विशाल शहाणे, पोहेकॉ फिरोज शेख, कांबळे, पोना पाटील आणि पोअं मोरे यांनी केली.