मुंबईतील समुद्रात सोडण्यात येणाऱ्या पाण्याच्या गुणवत्तेत सुधारणा करण्यासाठी बृहन्मुंबई महानगरपालिकेच्या वतीने घाटकोपर (पूर्व) येथे मलजल प्रक्रिया केंद्र (STP) आणि घाटकोपर उदंचन केंद्राच्या दर्जोन्नतीचे काम वेगाने सुरू आहे. अतिरिक्त महानगरपालिका आयुक्त (प्रकल्प) अभिजित बांगर यांनी ११ जुलै २०२६ रोजी या दोन्ही प्रकल्प स्थळांची प्रत्यक्ष पाहणी करून कामाचा आढावा घेतला. सध्या मुंबईत पावसाने उसंत घेतली असल्याने या कालावधीचा सदुपयोग करून कामे समांतर पद्धतीने पुढे नेण्याचे आणि विहित वेळेत पूर्ण करण्यासाठी मनुष्यबळ वाढवण्याचे निर्देश त्यांनी दिले. घाटकोपर येथील ३३७ दशलक्ष लिटर प्रतिदिन क्षमतेच्या मलजल प्रक्रिया केंद्राचे काम ३१ मार्च २०२७ पर्यंत पूर्ण करण्याचे नियोजन आहे. या प्रकल्पाचे काम मे. जिव्हीपीआर इंजिनीयर्स लि. या कंत्राटदाराला ३१ मे २०२२ रोजी सोपवण्यात आले असून, ५ जुलै २०२२ पासून प्रत्यक्ष कामाला सुरुवात झाली आहे. या प्रकल्पासाठी सिक्वेन्शियल बॅच रिअॅक्टर (SBR) हे तंत्रज्ञान प्रस्तावित असून त्याचे तंत्रज्ञान प्रदाता मेसर्स एसएफसी एन्व्हायरमेंटल टेक्नॉलॉजीज प्रायव्हेट लिमिटेड आणि सल्लागार मेसर्स टाटा कन्सल्टिंग इंजिनीयर्स लिमिटेड आहेत. या प्रकल्पांतर्गत दररोज ३३७ दशलक्ष लिटर मलजलावर द्वितीय स्तरीय प्रक्रिया केली जाईल, तर त्यापैकी १७० दशलक्ष लिटरवर तृतीय स्तरीय प्रक्रिया केली जाईल. सध्या येथे केवळ प्राथमिक स्वरूपाची प्रक्रिया करून पाणी खाडीत सोडले जाते. दुसरीकडे, घाटकोपर उदंचन केंद्राच्या इमारतीची दुरुस्ती, संयंत्रे बदलणे, रायझिंग मेन टाकणे आणि अधिक क्षमतेचे पंप बसवणे यांसारख्या कामांची ८५ टक्के भौतिक प्रगती पूर्ण झाली असून, हे काम डिसेंबर २०२६ पर्यंत पूर्ण करण्याचे निर्देश देण्यात आले आहेत. हा प्रकल्प पूर्ण झाल्यानंतर घाटकोपर, मानखुर्द, गोवंडी आणि चेंबूर परिसरातील लोकसंख्येला याचा थेट फायदा होणार असून समुद्राच्या पाण्याची गुणवत्ता व सागरी जीवांमध्ये सुधारणा होईल. सध्या या प्रकल्पाची सीमा खाडी, जंगल आणि इको सेन्सिटिव्ह झोन (ठाणे खाडी फ्लेमिंगो अभयारण्य) यांनी वेढलेली आहे. या पाहणी दौऱ्यादरम्यान उपायुक्त (अभियांत्रिकी) शशांक भोरे आणि प्रमुख अभियंता (प्रभारी) अशोक मेंगडे यांच्यासह इतर संबंधित अधिकारी उपस्थित होते.

Amit Omprakash tiwari

मुंबई, मुंबई, महाराष्ट्र•

1 hr ago

मुंबईतील समुद्रात सोडण्यात येणाऱ्या पाण्याच्या गुणवत्तेत सुधारणा करण्यासाठी बृहन्मुंबई महानगरपालिकेच्या वतीने घाटकोपर (पूर्व) येथे मलजल प्रक्रिया केंद्र (STP) आणि घाटकोपर उदंचन केंद्राच्या दर्जोन्नतीचे काम वेगाने सुरू आहे. अतिरिक्त महानगरपालिका आयुक्त (प्रकल्प) अभिजित बांगर यांनी ११ जुलै २०२६ रोजी या दोन्ही प्रकल्प स्थळांची प्रत्यक्ष पाहणी करून कामाचा आढावा घेतला. सध्या मुंबईत पावसाने उसंत घेतली असल्याने या कालावधीचा सदुपयोग करून कामे समांतर पद्धतीने पुढे नेण्याचे आणि विहित वेळेत पूर्ण करण्यासाठी मनुष्यबळ वाढवण्याचे निर्देश त्यांनी दिले. घाटकोपर येथील ३३७ दशलक्ष लिटर प्रतिदिन क्षमतेच्या मलजल प्रक्रिया केंद्राचे काम ३१ मार्च २०२७ पर्यंत पूर्ण करण्याचे नियोजन आहे. या प्रकल्पाचे काम मे. जिव्हीपीआर इंजिनीयर्स लि. या कंत्राटदाराला ३१ मे २०२२ रोजी सोपवण्यात आले असून, ५ जुलै २०२२ पासून प्रत्यक्ष कामाला सुरुवात झाली आहे. या प्रकल्पासाठी सिक्वेन्शियल बॅच रिअॅक्टर (SBR) हे तंत्रज्ञान प्रस्तावित असून त्याचे तंत्रज्ञान प्रदाता मेसर्स एसएफसी एन्व्हायरमेंटल टेक्नॉलॉजीज प्रायव्हेट लिमिटेड आणि सल्लागार मेसर्स टाटा कन्सल्टिंग इंजिनीयर्स लिमिटेड आहेत. या प्रकल्पांतर्गत दररोज ३३७ दशलक्ष लिटर मलजलावर द्वितीय स्तरीय प्रक्रिया केली जाईल, तर त्यापैकी १७० दशलक्ष लिटरवर तृतीय स्तरीय प्रक्रिया केली जाईल. सध्या येथे केवळ प्राथमिक स्वरूपाची प्रक्रिया करून पाणी खाडीत सोडले जाते. दुसरीकडे, घाटकोपर उदंचन केंद्राच्या इमारतीची दुरुस्ती, संयंत्रे बदलणे, रायझिंग मेन टाकणे आणि अधिक क्षमतेचे पंप बसवणे यांसारख्या कामांची ८५ टक्के भौतिक प्रगती पूर्ण झाली असून, हे काम डिसेंबर २०२६ पर्यंत पूर्ण करण्याचे निर्देश देण्यात आले आहेत. हा प्रकल्प पूर्ण झाल्यानंतर घाटकोपर, मानखुर्द, गोवंडी आणि चेंबूर परिसरातील लोकसंख्येला याचा थेट फायदा होणार असून समुद्राच्या पाण्याची गुणवत्ता व सागरी जीवांमध्ये सुधारणा होईल. सध्या या प्रकल्पाची सीमा खाडी, जंगल आणि इको सेन्सिटिव्ह झोन (ठाणे खाडी फ्लेमिंगो अभयारण्य) यांनी वेढलेली आहे. या पाहणी दौऱ्यादरम्यान उपायुक्त (अभियांत्रिकी) शशांक भोरे आणि प्रमुख अभियंता (प्रभारी) अशोक मेंगडे यांच्यासह इतर संबंधित अधिकारी उपस्थित होते.