बोईसर-चिल्हार रोडवर 'हिट अँड रन'; अज्ञात दुचाकीस्वाराच्या धडकेत भटजी जखमी बोईसर: बोईसर-चिल्हार रोडवरील खैरापाडा गावच्या हद्दीत एका अज्ञात मोटार स्कूटर चालकाने समोरून येणाऱ्या दुचाकीला जोरदार धडक देऊन अपघात केल्याची घटना घडली आहे. या अपघातात दुचाकीस्वार गंभीर जखमी झाला असून, धडक देणारा चालक घटनास्थळावरून पसार झाला आहे. मिळालेल्या माहितीनुसार, फिर्यादी भारत रमेशचंद्र राजपुत (४१, रा. टाटा हाउसिंग, बेटगाव), जे व्यवसायाने भटजी आहेत, ८ मार्च २०२६ रोजी सायंकाळी ४:३० वाजेच्या सुमारास युनियन पार्क येथून आपल्या ॲक्टिव्हा दुचाकीने घराकडे जात होते. बोईसर-चिल्हार रोडवर दांडीपाडाकडे जाणाऱ्या मार्गावर खैरापाडा गावच्या हद्दीत एका अज्ञात मोटार स्कूटर चालकाने आपल्या ताब्यातील वाहन अतिवेगात आणि हयगयीने चालवून राजपुत यांच्या दुचाकीला जोरदार धडक दिली. या भीषण धडकेत भारत राजपुत यांच्या उजव्या खांद्याचे हाड फॅक्चर झाले असून शरीरावर इतर ठिकाणी किरकोळ जखमा झाल्या आहेत. धक्कादायक बाब म्हणजे, अपघात झाल्यानंतर जखमीला मदत करण्याऐवजी अज्ञात स्कूटर चालक तेथून पसार झाला. बोईसर पोलिसांनी याप्रकरणी अज्ञात मोटार स्कूटर चालकाविरुद्ध भारतीय न्याय संहिता २०२३ च्या कलम २८१, १२५ (अ) (ब) सह मोटार वाहन कायदा कलम १८४, १८७, १३४ (अ) (ब) अन्वये गुन्हा दाखल केला आहे. पोलीस परिसरातील सीसीटीव्ही फुटेजच्या आधारे फरार चालकाचा शोध घेत आहेत.

अमोल काळे

Newspaper advertising department पालघर, पालघर, महाराष्ट्र•

16 hrs ago

बोईसर-चिल्हार रोडवर 'हिट अँड रन'; अज्ञात दुचाकीस्वाराच्या धडकेत भटजी जखमी बोईसर: बोईसर-चिल्हार रोडवरील खैरापाडा गावच्या हद्दीत एका अज्ञात मोटार स्कूटर चालकाने समोरून येणाऱ्या दुचाकीला जोरदार धडक देऊन अपघात केल्याची घटना घडली आहे. या अपघातात दुचाकीस्वार गंभीर जखमी झाला असून, धडक देणारा चालक घटनास्थळावरून पसार झाला आहे. मिळालेल्या माहितीनुसार, फिर्यादी भारत रमेशचंद्र राजपुत (४१, रा. टाटा हाउसिंग, बेटगाव), जे व्यवसायाने भटजी आहेत, ८ मार्च २०२६ रोजी सायंकाळी ४:३० वाजेच्या सुमारास युनियन पार्क येथून आपल्या ॲक्टिव्हा दुचाकीने घराकडे जात होते. बोईसर-चिल्हार रोडवर दांडीपाडाकडे जाणाऱ्या मार्गावर खैरापाडा गावच्या हद्दीत एका अज्ञात मोटार स्कूटर चालकाने आपल्या ताब्यातील वाहन अतिवेगात आणि हयगयीने चालवून राजपुत यांच्या दुचाकीला जोरदार धडक दिली. या भीषण धडकेत भारत राजपुत यांच्या उजव्या खांद्याचे हाड फॅक्चर झाले असून शरीरावर इतर ठिकाणी किरकोळ जखमा झाल्या आहेत. धक्कादायक बाब म्हणजे, अपघात झाल्यानंतर जखमीला मदत करण्याऐवजी अज्ञात स्कूटर चालक तेथून पसार झाला. बोईसर पोलिसांनी याप्रकरणी अज्ञात मोटार स्कूटर चालकाविरुद्ध भारतीय न्याय संहिता २०२३ च्या कलम २८१, १२५ (अ) (ब) सह मोटार वाहन कायदा कलम १८४, १८७, १३४ (अ) (ब) अन्वये गुन्हा दाखल केला आहे. पोलीस परिसरातील सीसीटीव्ही फुटेजच्या आधारे फरार चालकाचा शोध घेत आहेत.