नाथनगरच्या शेतकऱ्यांचे विद्युत पुरवठ्यासाठी बेमुदत उपोषण सुरू छत्रपती संभाजीनगर (प्रतिनिधी) – शेंद्राबन महसुली क्षेत्रातील नाथनगर येथील शेतकऱ्यांना विद्युत पुरवठा पूर्ववत करून देण्याच्या मागणीसाठी शेतकऱ्यांचे बेमुदत उपोषण आजपासून सुरू झाले आहे. याबाबत सुधाकर विश्वनाथ शिंदे यांच्या नेतृत्वाखाली शेतकऱ्यांनी यापूर्वी प्रशासनाला निवेदन दिले होते. शेंद्राबन येथील गट क्रमांक ४३, ४५, ४७, ४९, ५०, ५१, ५९ आणि ६० हे गट पूर्वी महाराष्ट्र औद्योगिक विकास महामंडळाकडून संपादित करण्यात आले होते. त्या काळात या भागातील १८ पेक्षा अधिक शेतकऱ्यांचे कृषी पंप कार्यरत होते. मात्र काही वर्षांनंतर भूसंपादन प्रक्रिया रद्द करून जमीन शेतकऱ्यांना परत देण्यात आली. मात्र, संपादन काळात येथील संपूर्ण विद्युत वितरण व्यवस्था काढून टाकण्यात आली होती. त्यानंतर अनेक वर्षे शेतकऱ्यांनी पाठपुरावा करूनही अद्यापपर्यंत विद्युत पुरवठ्याची कोणतीही व्यवस्था करण्यात आलेली नाही. परिसरात पाण्याची उपलब्धता असूनही वीज नसल्यामुळे सिंचन होऊ शकत नाही. परिणामी शेतकऱ्यांचे मोठ्या प्रमाणात आर्थिक नुकसान होत असल्याची तक्रार आहे. या पार्श्वभूमीवर नाथनगर येथील सर्व शेतकरी बुधवारी (दि. १५ एप्रिल २०२६) रोजी सकाळी ११ वाजता महावितरण ग्रामीण मंडळ कार्यालय, नारेगाव, वखार्ड रोड, छत्रपती संभाजीनगर येथे बेमुदत उपोषणास बसले आहेत. शेतकऱ्यांच्या या आंदोलनामुळे प्रशासनावर दबाव वाढला असून, लवकरात लवकर तोडगा न निघाल्यास आंदोलन तीव्र करण्याचा इशारा देण्यात आला आहे.

Amol kolte press reporter phul

फुलंब्री, औरंगाबाद, महाराष्ट्र•

14 hrs ago

नाथनगरच्या शेतकऱ्यांचे विद्युत पुरवठ्यासाठी बेमुदत उपोषण सुरू छत्रपती संभाजीनगर (प्रतिनिधी) – शेंद्राबन महसुली क्षेत्रातील नाथनगर येथील शेतकऱ्यांना विद्युत पुरवठा पूर्ववत करून देण्याच्या मागणीसाठी शेतकऱ्यांचे बेमुदत उपोषण आजपासून सुरू झाले आहे. याबाबत सुधाकर विश्वनाथ शिंदे यांच्या नेतृत्वाखाली शेतकऱ्यांनी यापूर्वी प्रशासनाला निवेदन दिले होते. शेंद्राबन येथील गट क्रमांक ४३, ४५, ४७, ४९, ५०, ५१, ५९ आणि ६० हे गट पूर्वी महाराष्ट्र औद्योगिक विकास महामंडळाकडून संपादित करण्यात आले होते. त्या काळात या भागातील १८ पेक्षा अधिक शेतकऱ्यांचे कृषी पंप कार्यरत होते. मात्र काही वर्षांनंतर भूसंपादन प्रक्रिया रद्द करून जमीन शेतकऱ्यांना परत देण्यात आली. मात्र, संपादन काळात येथील संपूर्ण विद्युत वितरण व्यवस्था काढून टाकण्यात आली होती. त्यानंतर अनेक वर्षे शेतकऱ्यांनी पाठपुरावा करूनही अद्यापपर्यंत विद्युत पुरवठ्याची कोणतीही व्यवस्था करण्यात आलेली नाही. परिसरात पाण्याची उपलब्धता असूनही वीज नसल्यामुळे सिंचन होऊ शकत नाही. परिणामी शेतकऱ्यांचे मोठ्या प्रमाणात आर्थिक नुकसान होत असल्याची तक्रार आहे. या पार्श्वभूमीवर नाथनगर येथील सर्व शेतकरी बुधवारी (दि. १५ एप्रिल २०२६) रोजी सकाळी ११ वाजता महावितरण ग्रामीण मंडळ कार्यालय, नारेगाव, वखार्ड रोड, छत्रपती संभाजीनगर येथे बेमुदत उपोषणास बसले आहेत. शेतकऱ्यांच्या या आंदोलनामुळे प्रशासनावर दबाव वाढला असून, लवकरात लवकर तोडगा न निघाल्यास आंदोलन तीव्र करण्याचा इशारा देण्यात आला आहे.