కుంఫిణీ సైన్యాన్ని ఎదిరించిన వీరయోధుడు వడ్డే ఓబన్న శ్రీకాకుళం, జనవరి 11: బ్రిటిష్ కుంఫిణీ సైన్యాన్ని సమర్థవంతంగా ఎదుర్కొని ఉరుకులు పెట్టించిన వీరయోధుడు వడ్డే ఓబన్న అని కలెక్టరేట్ పర్యవేక్షక అధికారి సూర్యనారాయణ కొనియాడారు. ఆదివారం కలెక్టరేట్ సమావేశ మందిరంలో ఓబన్న 219వ జయంతి వేడుకలను ఘనంగా నిర్వహించారు. ఈ సందర్భంగా ఆయన చిత్రపటానికి పూలమాలలు వేసి నివాళులర్పించిన అనంతరం సూర్యనారాయణ మాట్లాడుతూ.. రేనాటి గడ్డపై జన్మించిన ఓబన్న, ఉయ్యాలవాడ నరసింహారెడ్డి సైన్యంలో ప్రధాన అనుచరుడిగా ఉండి ఆంగ్లేయులపై వీరోచిత పోరాటం చేశారని గుర్తుచేశారు. నల్లమల అడవుల్లో సంచార జాతుల సైన్యాన్ని సమర్థవంతంగా నడిపించి కుంఫిణీ సైన్యాన్ని ముప్పతిప్పలు పెట్టిన ఘనత ఓబన్నదేనని ఆయన పేర్కొన్నారు. ఇంతటి చరిత్ర ఉన్న వీరుడికి స్వాతంత్ర్య పోరాట చరిత్రలో తగిన గుర్తింపు లభించకపోవడం విచారకరమన్నారు. ఆయన జయంతి వేడుకలు అధికారికంగా నిర్వహించడం ద్వారా బడుగు, బలహీన వర్గాలకు సమాజంలో గౌరవం లభిస్తుందని తెలిపారు. ఈ కార్యక్రమంలో జిల్లా బీసీ సంక్షేమ అధికారులు, కలెక్టరేట్ సిబ్బంది, వడ్డెర కుల సంఘాల ప్రతినిధులు పాల్గొన్నారు.

Dr.Gangu Manmadharao

Journalist శ్రీకాకుళం, శ్రీకాకుళం, ఆంధ్రప్రదేశ్•

12 hrs ago

కుంఫిణీ సైన్యాన్ని ఎదిరించిన వీరయోధుడు వడ్డే ఓబన్న శ్రీకాకుళం, జనవరి 11: బ్రిటిష్ కుంఫిణీ సైన్యాన్ని సమర్థవంతంగా ఎదుర్కొని ఉరుకులు పెట్టించిన వీరయోధుడు వడ్డే ఓబన్న అని కలెక్టరేట్ పర్యవేక్షక అధికారి సూర్యనారాయణ కొనియాడారు. ఆదివారం కలెక్టరేట్ సమావేశ మందిరంలో

ఓబన్న 219వ జయంతి వేడుకలను ఘనంగా నిర్వహించారు. ఈ సందర్భంగా ఆయన చిత్రపటానికి పూలమాలలు వేసి నివాళులర్పించిన అనంతరం సూర్యనారాయణ మాట్లాడుతూ.. రేనాటి గడ్డపై జన్మించిన ఓబన్న, ఉయ్యాలవాడ నరసింహారెడ్డి సైన్యంలో ప్రధాన అనుచరుడిగా ఉండి ఆంగ్లేయులపై వీరోచిత

పోరాటం చేశారని గుర్తుచేశారు. నల్లమల అడవుల్లో సంచార జాతుల సైన్యాన్ని సమర్థవంతంగా నడిపించి కుంఫిణీ సైన్యాన్ని ముప్పతిప్పలు పెట్టిన ఘనత ఓబన్నదేనని ఆయన పేర్కొన్నారు. ఇంతటి చరిత్ర ఉన్న వీరుడికి స్వాతంత్ర్య పోరాట చరిత్రలో తగిన గుర్తింపు లభించకపోవడం విచారకరమన్నారు.

ఆయన జయంతి వేడుకలు అధికారికంగా నిర్వహించడం ద్వారా బడుగు, బలహీన వర్గాలకు సమాజంలో గౌరవం లభిస్తుందని తెలిపారు. ఈ కార్యక్రమంలో జిల్లా బీసీ సంక్షేమ అధికారులు, కలెక్టరేట్ సిబ్బంది, వడ్డెర కుల సంఘాల ప్రతినిధులు పాల్గొన్నారు.