ಚಿಕ್ಕೋಡಿ ತಾಲ್ಲೂಕಿನ ನಣದಿ ಗ್ರಾಮದ ಹೃದಯಭಾಗದಲ್ಲಿರುವ ಸರ್ಕಾರಿ ಹಿರಿಯ ಪ್ರಾಥಮಿಕ ಕನ್ನಡ ಮಾಧ್ಯಮ ಶಾಲೆಯು ದಾನಿಗಳ ಅಪಾರ ಸಹಕಾರದಿಂದ ಆಕರ್ಷಣೆಯ ಕೇಂದ್ರಬಿಂದುವಾಗಿದೆ. 1964ರಲ್ಲಿ ಸ್ಥಾಪನೆಯಾದ ಈ ಶಾಲೆಯು ಪ್ರಸ್ತುತ 1 ರಿಂದ 7ನೇ ತರಗತಿಯವರೆಗೆ 8 ಶಿಕ್ಷಕರು ಹಾಗೂ 200ಕ್ಕೂ ಹೆಚ್ಚು ವಿದ್ಯಾರ್ಥಿಗಳನ್ನು ಹೊಂದಿದೆ. ದಾನಿಗಳ ನಿರಂತರ ನೆರವಿನಿಂದಾಗಿ ಈ ಶಾಲೆಯು ಇದೀಗ ಖಾಸಗಿ ಶಾಲೆಗಳಿಗೆ ಸೆಡ್ಡು ಹೊಡೆಯುವ ಮಟ್ಟಕ್ಕೆ ಅಭಿವೃದ್ಧಿ ಕಂಡಿದೆ. ನಿವೃತ್ತ ಮುಖ್ಯ ಶಿಕ್ಷಕರಾದ ಪ್ರಕಾಶ ಪಾಯನ್ನವರ ಅವರು ದಾನಿಗಳನ್ನು ಮನವೊಲಿಸಿ ಶಾಲೆಗೆ 15 ಗುಂಟೆ ಜಾಗವನ್ನು ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಸಂಜೀವಿನಿ ಹಿರೇಮಠ, ಮಹಾದೇವ ಹಿರೇಮಠ, ನರಸಿಂಗ ಕೊಂಕಣೆ, ಮಾರುತಿ ಹವಾಲ್ದಾರ, ಸಂಜು ಸುಳೆ, ಹಾಗೂ ಸುಭಾಶ್ ಸುಳೆ ಅವರು ಲಕ್ಷಾಂತರ ರೂಪಾಯಿ ಬೆಲೆ ಬಾಳುವ ತಮ್ಮ ಮನೆಗಳನ್ನೇ ಶಾಲೆಗೆ ದೇಣಿಗೆಯಾಗಿ ನೀಡಿದ್ದಾರೆ. ಅಸ್ಲಂ ಅಪರಾಜ, ಸಚಿನ ಸುತಾರ, ಡಾ. ಯೋಗಿತಾ ರಾವ್, ಸಂತೋಷ ರವಳುಕೇದಾರಿ, ಹಾಗೂ ದುಂಡಪ್ಪ ಸುಳೆ ಅವರು ಎಲೆಕ್ಟ್ರಾನಿಕ್‌ ಉಪಕರಣಗಳನ್ನು ನೀಡಿದರೆ, ಅಪ್ಪಸಾಬ ಅವಟೆ ವಿದ್ಯುತ್ ಸಂಪರ್ಕವನ್ನು, ಪ್ರಭಾಕರ ಕುಲಕರ್ಣಿ ಅವರು ನೆಲಹಾಸು ಮಾಡಿಸಿದ್ದಾರೆ. ಗ್ರಾಮಸ್ಥರು 400 ಊಟದ ತಟ್ಟೆ ಮತ್ತು 350 ಲೋಟಗಳನ್ನು ಶಾಲೆಯ ಬಳಕೆಗೆ ನೀಡಿದ್ದಾರೆ. ರಾಹುಲ್‌ ಕೋಕಣೆಯವರು ಪ್ರತಿ ವರ್ಷ ₹10 ಸಾವಿರ ದೇಣಿಗೆಯನ್ನು ನೀಡುತ್ತಿದ್ದು, ಸಂಗ್ರಹವಾದ ₹50 ಸಾವಿರ ಮೊತ್ತವನ್ನು ಬ್ಯಾಂಕಿನಲ್ಲಿ ಠೇವಣಿ ಇರಿಸಿ ಬಂದ ಬಡ್ಡಿಯಲ್ಲಿ ಬಹುಮಾನಗಳನ್ನು ವಿತರಿಸಲಾಗುತ್ತಿದೆ. ಆರ್.ಎಸ್. ಶಿಂಗಟೆ ಕ್ರೀಡಾಪಟುಗಳಿಗೆ ಸಮವಸ್ತ್ರ ನೀಡಿದರೆ, ಐ.ಎಂ. ಕಾಂಬೋಜ ಮತ್ತು ಅಮೆರಿಕಾದಲ್ಲಿರುವ ಅಪ್ಪಾಸಾಬ ಮಡಿವಾಳೆ ಅವರು ಪ್ರತಿ ವರ್ಷ ಸ್ಕೌಟ್ಸ್‌ ಮತ್ತು ಗೈಡ್ ವಿದ್ಯಾರ್ಥಿಗಳಿಗೆ ಸಮವಸ್ತ್ರಗಳನ್ನು ಉಡುಗೊರೆಯಾಗಿ ನೀಡುತ್ತಿದ್ದಾರೆ. ಶಾಸಕ ಗಣೇಶ ಹುಕ್ಕೇರಿ ಹಾಗೂ ವಿಧಾನ ಪರಿಷತ್ ಸದಸ್ಯ ಪ್ರಕಾಶ ಹುಕ್ಕೇರಿ ಅವರು ಶಾಲಾ ಕಟ್ಟಡ ನಿರ್ಮಾಣಕ್ಕಾಗಿ ಸಾಕಷ್ಟು ಅನುದಾನವನ್ನು ತರುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಾರೆ.

Shiva Belagavi

Photographer ಅಥಣಿ, ಬೆಳಗಾವಿ, ಕರ್ನಾಟಕ•

7 hrs ago

ಚಿಕ್ಕೋಡಿ ತಾಲ್ಲೂಕಿನ ನಣದಿ ಗ್ರಾಮದ ಹೃದಯಭಾಗದಲ್ಲಿರುವ ಸರ್ಕಾರಿ ಹಿರಿಯ ಪ್ರಾಥಮಿಕ ಕನ್ನಡ ಮಾಧ್ಯಮ ಶಾಲೆಯು ದಾನಿಗಳ ಅಪಾರ ಸಹಕಾರದಿಂದ ಆಕರ್ಷಣೆಯ ಕೇಂದ್ರಬಿಂದುವಾಗಿದೆ. 1964ರಲ್ಲಿ ಸ್ಥಾಪನೆಯಾದ ಈ ಶಾಲೆಯು ಪ್ರಸ್ತುತ 1 ರಿಂದ 7ನೇ ತರಗತಿಯವರೆಗೆ 8 ಶಿಕ್ಷಕರು ಹಾಗೂ 200ಕ್ಕೂ ಹೆಚ್ಚು ವಿದ್ಯಾರ್ಥಿಗಳನ್ನು ಹೊಂದಿದೆ. ದಾನಿಗಳ ನಿರಂತರ ನೆರವಿನಿಂದಾಗಿ ಈ ಶಾಲೆಯು ಇದೀಗ ಖಾಸಗಿ ಶಾಲೆಗಳಿಗೆ ಸೆಡ್ಡು ಹೊಡೆಯುವ ಮಟ್ಟಕ್ಕೆ ಅಭಿವೃದ್ಧಿ ಕಂಡಿದೆ. ನಿವೃತ್ತ ಮುಖ್ಯ ಶಿಕ್ಷಕರಾದ ಪ್ರಕಾಶ ಪಾಯನ್ನವರ ಅವರು ದಾನಿಗಳನ್ನು ಮನವೊಲಿಸಿ ಶಾಲೆಗೆ 15 ಗುಂಟೆ ಜಾಗವನ್ನು ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಸಂಜೀವಿನಿ ಹಿರೇಮಠ, ಮಹಾದೇವ ಹಿರೇಮಠ, ನರಸಿಂಗ ಕೊಂಕಣೆ, ಮಾರುತಿ ಹವಾಲ್ದಾರ, ಸಂಜು ಸುಳೆ, ಹಾಗೂ ಸುಭಾಶ್ ಸುಳೆ ಅವರು ಲಕ್ಷಾಂತರ ರೂಪಾಯಿ ಬೆಲೆ ಬಾಳುವ ತಮ್ಮ ಮನೆಗಳನ್ನೇ ಶಾಲೆಗೆ ದೇಣಿಗೆಯಾಗಿ ನೀಡಿದ್ದಾರೆ. ಅಸ್ಲಂ ಅಪರಾಜ, ಸಚಿನ ಸುತಾರ, ಡಾ. ಯೋಗಿತಾ ರಾವ್, ಸಂತೋಷ ರವಳುಕೇದಾರಿ, ಹಾಗೂ ದುಂಡಪ್ಪ ಸುಳೆ ಅವರು ಎಲೆಕ್ಟ್ರಾನಿಕ್‌ ಉಪಕರಣಗಳನ್ನು ನೀಡಿದರೆ, ಅಪ್ಪಸಾಬ ಅವಟೆ ವಿದ್ಯುತ್ ಸಂಪರ್ಕವನ್ನು, ಪ್ರಭಾಕರ ಕುಲಕರ್ಣಿ ಅವರು ನೆಲಹಾಸು ಮಾಡಿಸಿದ್ದಾರೆ. ಗ್ರಾಮಸ್ಥರು 400 ಊಟದ ತಟ್ಟೆ ಮತ್ತು 350 ಲೋಟಗಳನ್ನು ಶಾಲೆಯ ಬಳಕೆಗೆ ನೀಡಿದ್ದಾರೆ. ರಾಹುಲ್‌ ಕೋಕಣೆಯವರು ಪ್ರತಿ ವರ್ಷ ₹10 ಸಾವಿರ ದೇಣಿಗೆಯನ್ನು ನೀಡುತ್ತಿದ್ದು, ಸಂಗ್ರಹವಾದ ₹50 ಸಾವಿರ ಮೊತ್ತವನ್ನು ಬ್ಯಾಂಕಿನಲ್ಲಿ ಠೇವಣಿ ಇರಿಸಿ ಬಂದ ಬಡ್ಡಿಯಲ್ಲಿ ಬಹುಮಾನಗಳನ್ನು ವಿತರಿಸಲಾಗುತ್ತಿದೆ. ಆರ್.ಎಸ್. ಶಿಂಗಟೆ ಕ್ರೀಡಾಪಟುಗಳಿಗೆ ಸಮವಸ್ತ್ರ ನೀಡಿದರೆ, ಐ.ಎಂ. ಕಾಂಬೋಜ ಮತ್ತು ಅಮೆರಿಕಾದಲ್ಲಿರುವ ಅಪ್ಪಾಸಾಬ ಮಡಿವಾಳೆ ಅವರು ಪ್ರತಿ ವರ್ಷ ಸ್ಕೌಟ್ಸ್‌ ಮತ್ತು ಗೈಡ್ ವಿದ್ಯಾರ್ಥಿಗಳಿಗೆ ಸಮವಸ್ತ್ರಗಳನ್ನು ಉಡುಗೊರೆಯಾಗಿ ನೀಡುತ್ತಿದ್ದಾರೆ. ಶಾಸಕ ಗಣೇಶ ಹುಕ್ಕೇರಿ ಹಾಗೂ ವಿಧಾನ ಪರಿಷತ್ ಸದಸ್ಯ ಪ್ರಕಾಶ ಹುಕ್ಕೇರಿ ಅವರು ಶಾಲಾ ಕಟ್ಟಡ ನಿರ್ಮಾಣಕ್ಕಾಗಿ ಸಾಕಷ್ಟು ಅನುದಾನವನ್ನು ತರುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಾರೆ.