దిగ్విజయంగా ముగిసిన మంత్రి సత్యకుమార్ యాదవ్ భారీ ఉచిత కంటి వైద్య శిబిరం. 356 మందికి విజయవంతంగా కంటి శస్త్రచికిత్సలు - పునర్దృష్టిని ప్రసాదించిన శంకర నేత్రాలయ USA. వైద్యులను, సిబ్బందిని ఘనంగా సత్కరించిన మంత్రి ఇంచార్జ్ హరీష్ బాబు ధర్మవరం ఆరోగ్య ఆంధ్రప్రదేశ్ లక్ష్యంగా రాష్ట్ర ఆరోగ్య శాఖ మంత్రి శ్రీ సత్యకుమార్ యాదవ్ నేతృత్వంలో నిర్వహించిన మహత్తర కంటి వైద్య శిబిరం దిగ్విజయంగా పూర్తయింది. సంస్కృతి సేవా సమితి ఆధ్వర్యంలో, ప్రఖ్యాత శంకర నేత్రాలయ USA వైద్యులు మరియు సిబ్బంది సహకారంతో జరిగిన ఈ సేవా యజ్ఞం ఎంతో మంది పేదలకు కొత్త చూపును ప్రసాదించింది. గత 10 రోజుల పాటు నిర్వహించిన అవుట్ పేషెంట్ (OP) విభాగంలో మొత్తం 900 మందికి కంటి పరీక్షలు నిర్వహించారు. నిశితంగా స్క్రీనింగ్ చేసిన అనంతరం, అందులో తీవ్రమైన కంటి సమస్యలతో బాధపడుతున్న 356 మందిని కటారాక్ట్ (శుక్లాలు) ఆపరేషన్లకు ఎంపిక చేశారు. మరో 290 మందిని మెరుగైన చికిత్స కోసం బేస్ హాస్పిటల్‌కు రిఫర్ చేయడం జరిగింది. ఎంపిక చేసిన 356 మంది బాధితులకు 6 రోజుల పాటు నిరంతరాయంగా శస్త్రచికిత్సలు నిర్వహించి, వారందరికీ విజయవంతంగా ఆపరేషన్లు పూర్తి చేశారు. అత్యున్నత ప్రమాణాలతో కూడిన ఉచిత వైద్యం తమ ముంగిటకే రావడంతో లబ్ధిదారులు హర్షం వ్యక్తం చేస్తున్నారు. ఈ కార్యక్రమం ముగింపు సందర్భంగా, మంత్రి సత్యకుమార్ యాదవ్ ఆదేశానుసారం ఆయన ఇంచార్జ్ హరీష్ బాబు శిబిరంలో పాల్గొన్న శంకర నేత్రాలయ USA వైద్యులను, సిబ్బందిని శాలువాలతో ఘనంగా సత్కరించారు. ఈ సందర్భంగా హరీష్ బాబు గారు మాట్లాడుతూ.. "పేదల కంటి వెలుగు కోసం శంకర నేత్రాలయ వైద్యులు అందిస్తున్న సేవలు అభినందనీయం. మంత్రి గారి చొరవతో సాగిన ఈ మహా యజ్ఞం వందలాది కుటుంబాల్లో వెలుగులు నింపింది. ప్రజల ఆరోగ్య పరిరక్షణే ధ్యేయంగా ఇలాంటి మరిన్ని సేవా కార్యక్రమాలు భవిష్యత్తులోనూ కొనసాగుతాయి" అని పేర్కొన్నారు. ఈ కార్యక్రమంలో సంస్కృతి సేవా సమితి ప్రతినిధులు, స్థానిక నాయకులు మరియు వైద్య సిబ్బంది పాల్గొన్నారు.

Thiruveedhula Rameshnaidu

Farmer ధర్మవరం, శ్రీ సత్య సాయి, ఆంధ్రప్రదేశ్•

5 hrs ago

దిగ్విజయంగా ముగిసిన మంత్రి సత్యకుమార్ యాదవ్ భారీ ఉచిత కంటి వైద్య శిబిరం. 356 మందికి విజయవంతంగా కంటి శస్త్రచికిత్సలు - పునర్దృష్టిని ప్రసాదించిన శంకర నేత్రాలయ USA. వైద్యులను, సిబ్బందిని ఘనంగా సత్కరించిన మంత్రి ఇంచార్జ్ హరీష్ బాబు ధర్మవరం ఆరోగ్య ఆంధ్రప్రదేశ్ లక్ష్యంగా రాష్ట్ర ఆరోగ్య శాఖ మంత్రి శ్రీ సత్యకుమార్ యాదవ్ నేతృత్వంలో నిర్వహించిన మహత్తర కంటి వైద్య శిబిరం దిగ్విజయంగా పూర్తయింది. సంస్కృతి సేవా సమితి ఆధ్వర్యంలో, ప్రఖ్యాత శంకర నేత్రాలయ USA వైద్యులు మరియు సిబ్బంది సహకారంతో జరిగిన ఈ సేవా యజ్ఞం ఎంతో మంది పేదలకు కొత్త చూపును ప్రసాదించింది. గత 10 రోజుల పాటు నిర్వహించిన అవుట్ పేషెంట్ (OP) విభాగంలో మొత్తం 900 మందికి కంటి పరీక్షలు నిర్వహించారు. నిశితంగా స్క్రీనింగ్ చేసిన అనంతరం, అందులో తీవ్రమైన కంటి సమస్యలతో బాధపడుతున్న 356 మందిని కటారాక్ట్ (శుక్లాలు) ఆపరేషన్లకు ఎంపిక చేశారు. మరో 290 మందిని

మెరుగైన చికిత్స కోసం బేస్ హాస్పిటల్‌కు రిఫర్ చేయడం జరిగింది. ఎంపిక చేసిన 356 మంది బాధితులకు 6 రోజుల పాటు నిరంతరాయంగా శస్త్రచికిత్సలు నిర్వహించి, వారందరికీ విజయవంతంగా ఆపరేషన్లు పూర్తి చేశారు. అత్యున్నత ప్రమాణాలతో కూడిన ఉచిత వైద్యం తమ ముంగిటకే రావడంతో లబ్ధిదారులు హర్షం వ్యక్తం చేస్తున్నారు. ఈ కార్యక్రమం ముగింపు సందర్భంగా, మంత్రి సత్యకుమార్ యాదవ్ ఆదేశానుసారం ఆయన ఇంచార్జ్ హరీష్ బాబు శిబిరంలో పాల్గొన్న శంకర నేత్రాలయ USA వైద్యులను, సిబ్బందిని శాలువాలతో ఘనంగా సత్కరించారు. ఈ సందర్భంగా హరీష్ బాబు గారు మాట్లాడుతూ.. "పేదల కంటి వెలుగు కోసం శంకర నేత్రాలయ వైద్యులు అందిస్తున్న సేవలు అభినందనీయం. మంత్రి గారి చొరవతో సాగిన ఈ మహా యజ్ఞం వందలాది కుటుంబాల్లో వెలుగులు నింపింది. ప్రజల ఆరోగ్య పరిరక్షణే ధ్యేయంగా ఇలాంటి మరిన్ని సేవా కార్యక్రమాలు భవిష్యత్తులోనూ కొనసాగుతాయి" అని పేర్కొన్నారు. ఈ కార్యక్రమంలో సంస్కృతి సేవా సమితి ప్రతినిధులు, స్థానిక నాయకులు మరియు వైద్య సిబ్బంది పాల్గొన్నారు.