ಶಿರಾಳಕೊಪ್ಪ: ಜಮಾತೆ ಇಸ್ಲಾಮಿ ಹಿಂದ್ ವತಿಯಿಂದ ಆಯೋಜಿಸಿದ್ದ ‘ಕ್ರಾಂತಿಯ ಜ್ಯೋತಿ ಪ್ರವಾದಿ ಮಹಮ್ಮದ್(ಸ)’ ಸೀರತ್ ಪ್ರವಚನ ಸಾಹಿತಿ ಯೋಗೇಶ್ ಮಾಸ್ಟರ್ ಶಿರಾಳಕೊಪ್ಪ: ಅಕ್ಕಮಹಾದೇವಿ, ಅಲ್ಲಮಪ್ರಭು ಹಾಗೂ ಪ್ರವಾದಿ ಮಹಮ್ಮದ್(ಸ) ಒಂದೇ ಧರ್ಮದವರಲ್ಲ, ಒಂದೇ ಭಾಷೆಯವರಲ್ಲ, ಒಂದೇ ಸೀಮೆಯವರಲ್ಲ. ಆದರೆ ಅವರ ಮನದ ತಲ್ಲಣ ಒಂದೇ ಆಗಿದೆ. ಪ್ರತಿಯೊಂದು ಜೀವಿಗೂ ಬದುಕುವ ಹಕ್ಕಿದೆ. ಪ್ರವಾದಿ ಮಹಮ್ಮದ್ ಅವರು ಕೇವಲ ಬೋಧನೆ ಮಾಡಲಿಲ್ಲ; ಬದುಕಿ ತೋರಿಸಿದರು ಎಂದು ಸಾಹಿತಿ ಯೋಗೇಶ್ ಮಾಸ್ಟರ್ ಹೇಳಿದರು. ಜಮಾತೆ ಇಸ್ಲಾಮಿ ಹಿಂದ್ ವತಿಯಿಂದ ಆಯೋಜಿಸಿದ್ದ ‘ಕ್ರಾಂತಿಯ ಜ್ಯೋತಿ ಪ್ರವಾದಿ ಮಹಮ್ಮದ್(ಸ)’ ಸೀರತ್ ಪ್ರವಚನ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ಮನುಷ್ಯರನ್ನು ಕೈಯಿಂದಾಗಲಿ, ಮಾತಿನಿಂದಾಗಲಿ ನೋಯಿಸಬಾರದು. ಪ್ರಚೋದನಕಾರಿ ಮಾತುಗಳನ್ನು ಆಡದೆ ಮಾನವೀಯತೆ ಮತ್ತು ಸೌಹಾರ್ದತೆಯನ್ನು ಬೆಳೆಸಬೇಕು ಎಂದರು. ‘ನಿರಾಕಾರ – ಸೌಂದರ್ಯದ ಅರಿವಿನ ಕಡೆಗೆ’ ಎಂಬ ವಿಚಾರದ ಕುರಿತು ಮಾತನಾಡಿದ ಅವರು, ಜನರನ್ನು ಬಳಸಿಕೊಳ್ಳಲಾಗುತ್ತದೆ, ಆದರೆ ವಸ್ತುಗಳನ್ನು ಪ್ರೀತಿಸಲಾಗುತ್ತದೆ. ಶಿಕ್ಷಣ ಪಡೆದ ವ್ಯಕ್ತಿ ಭ್ರಷ್ಟನಾಗಬಹುದು; ಆದರೆ ಸಂಸ್ಕಾರ ಪಡೆದ ವ್ಯಕ್ತಿ ಭ್ರಷ್ಟನಾಗಲಾರ ಎಂದರು. ಪ್ರವಚನಕಾರ ಲಾಲ್ ಹುಸೇನ್ ಕಂದಗಲ್ ಮಾತನಾಡಿ, ಹಿಂದೂ ಸಮುದಾಯದ ಯೋಗೇಶ್ ಮಾಸ್ಟರ್ ಅವರು ‘ನನ್ನ ಅರಿವಿನ ಮಹಮ್ಮದ್’ ಎಂಬ ಕೃತಿ ಬರೆದಿರುವಂತೆ, ಮುಸ್ಲಿಂ ಲೇಖಕರು ಕೂಡ ಬಸವಣ್ಣ, ಸ್ವಾಮಿ ವಿವೇಕಾನಂದ ಹಾಗೂ ಅಕ್ಕಮಹಾದೇವಿ ಅವರ ಕುರಿತು ‘ನನ್ನ ಅರಿವಿನ ಬಸವಣ್ಣ’, ‘ನನ್ನ ಅರಿವಿನ ಸ್ವಾಮಿ ವಿವೇಕಾನಂದ’, ‘ನನ್ನ ಅರಿವಿನ ಅಕ್ಕಮಹಾದೇವಿ’ ಎಂಬ ರೀತಿಯ ಕೃತಿಗಳನ್ನು ಬರೆಯಬೇಕು ಎಂದು ಹೇಳಿದರು. ಕೋಮು ಸೌಹಾರ್ದತೆ, ಮಾನವರ ಸೇವೆ ಹಾಗೂ ಪರಸ್ಪರ ಧರ್ಮ ಗೌರವದ ಮೂಲಕ ಸಮಾಜದಲ್ಲಿ ಸಾಮರಸ್ಯ ಬೆಳೆಸಬೇಕು ಎಂಬ ಸಂದೇಶವನ್ನು ನೀಡಲಾಯಿತು. ಅಕ್ರಮುಲ್ಲಾ ಷರೀಫ್ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಈ ಕಾರ್ಯಕ್ರಮದಲ್ಲಿ ಜಮಾತೆ ಇಸ್ಲಾಮಿಕ್ ಹಿಂದ್ ನ ಪ್ರಮುಖರಾದ ಚಮನ್ ಮಿಯಾಸಾಬ್, ಹುಸೇನ್, ಆಸಿಫ್, ಪುಟ್ಟರಾಜ ಸ್ವಾಮೀಜಿ ತಳೆಬೈಲು, ಜಿಲ್ಲಾ ರೈತ ಸಂಘದ ಗೌರವಾಧ್ಯಕ್ಷ ಪಾರ್ಟಿ ಈರಣ್ಣ ಸೇರಿದಂತೆ ಹಲವರು ಉಪಸ್ಥಿತರಿದ್ದರು.

Press Narashimha swamy SN

Newspaper publisher ಶಿಕಾರಿಪುರ, ಶಿವಮೊಗ್ಗ, ಕರ್ನಾಟಕ•

13 hrs ago

ಶಿರಾಳಕೊಪ್ಪ: ಜಮಾತೆ ಇಸ್ಲಾಮಿ ಹಿಂದ್ ವತಿಯಿಂದ ಆಯೋಜಿಸಿದ್ದ ‘ಕ್ರಾಂತಿಯ ಜ್ಯೋತಿ ಪ್ರವಾದಿ ಮಹಮ್ಮದ್(ಸ)’ ಸೀರತ್ ಪ್ರವಚನ ಸಾಹಿತಿ ಯೋಗೇಶ್ ಮಾಸ್ಟರ್ ಶಿರಾಳಕೊಪ್ಪ: ಅಕ್ಕಮಹಾದೇವಿ, ಅಲ್ಲಮಪ್ರಭು ಹಾಗೂ ಪ್ರವಾದಿ ಮಹಮ್ಮದ್(ಸ) ಒಂದೇ ಧರ್ಮದವರಲ್ಲ, ಒಂದೇ ಭಾಷೆಯವರಲ್ಲ, ಒಂದೇ ಸೀಮೆಯವರಲ್ಲ. ಆದರೆ ಅವರ ಮನದ ತಲ್ಲಣ ಒಂದೇ ಆಗಿದೆ. ಪ್ರತಿಯೊಂದು ಜೀವಿಗೂ ಬದುಕುವ ಹಕ್ಕಿದೆ. ಪ್ರವಾದಿ ಮಹಮ್ಮದ್ ಅವರು ಕೇವಲ ಬೋಧನೆ ಮಾಡಲಿಲ್ಲ; ಬದುಕಿ ತೋರಿಸಿದರು ಎಂದು ಸಾಹಿತಿ ಯೋಗೇಶ್ ಮಾಸ್ಟರ್ ಹೇಳಿದರು. ಜಮಾತೆ ಇಸ್ಲಾಮಿ ಹಿಂದ್ ವತಿಯಿಂದ ಆಯೋಜಿಸಿದ್ದ ‘ಕ್ರಾಂತಿಯ ಜ್ಯೋತಿ ಪ್ರವಾದಿ ಮಹಮ್ಮದ್(ಸ)’ ಸೀರತ್ ಪ್ರವಚನ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ಮನುಷ್ಯರನ್ನು ಕೈಯಿಂದಾಗಲಿ, ಮಾತಿನಿಂದಾಗಲಿ ನೋಯಿಸಬಾರದು. ಪ್ರಚೋದನಕಾರಿ ಮಾತುಗಳನ್ನು ಆಡದೆ ಮಾನವೀಯತೆ ಮತ್ತು ಸೌಹಾರ್ದತೆಯನ್ನು ಬೆಳೆಸಬೇಕು ಎಂದರು. ‘ನಿರಾಕಾರ – ಸೌಂದರ್ಯದ ಅರಿವಿನ ಕಡೆಗೆ’ ಎಂಬ ವಿಚಾರದ ಕುರಿತು ಮಾತನಾಡಿದ ಅವರು, ಜನರನ್ನು ಬಳಸಿಕೊಳ್ಳಲಾಗುತ್ತದೆ, ಆದರೆ ವಸ್ತುಗಳನ್ನು ಪ್ರೀತಿಸಲಾಗುತ್ತದೆ. ಶಿಕ್ಷಣ ಪಡೆದ ವ್ಯಕ್ತಿ ಭ್ರಷ್ಟನಾಗಬಹುದು; ಆದರೆ ಸಂಸ್ಕಾರ ಪಡೆದ ವ್ಯಕ್ತಿ ಭ್ರಷ್ಟನಾಗಲಾರ ಎಂದರು. ಪ್ರವಚನಕಾರ ಲಾಲ್ ಹುಸೇನ್ ಕಂದಗಲ್ ಮಾತನಾಡಿ, ಹಿಂದೂ ಸಮುದಾಯದ ಯೋಗೇಶ್ ಮಾಸ್ಟರ್ ಅವರು ‘ನನ್ನ ಅರಿವಿನ ಮಹಮ್ಮದ್’ ಎಂಬ ಕೃತಿ ಬರೆದಿರುವಂತೆ, ಮುಸ್ಲಿಂ ಲೇಖಕರು ಕೂಡ ಬಸವಣ್ಣ, ಸ್ವಾಮಿ ವಿವೇಕಾನಂದ ಹಾಗೂ ಅಕ್ಕಮಹಾದೇವಿ ಅವರ ಕುರಿತು ‘ನನ್ನ ಅರಿವಿನ ಬಸವಣ್ಣ’, ‘ನನ್ನ ಅರಿವಿನ ಸ್ವಾಮಿ ವಿವೇಕಾನಂದ’, ‘ನನ್ನ ಅರಿವಿನ ಅಕ್ಕಮಹಾದೇವಿ’ ಎಂಬ ರೀತಿಯ ಕೃತಿಗಳನ್ನು ಬರೆಯಬೇಕು ಎಂದು ಹೇಳಿದರು. ಕೋಮು ಸೌಹಾರ್ದತೆ, ಮಾನವರ ಸೇವೆ ಹಾಗೂ ಪರಸ್ಪರ ಧರ್ಮ ಗೌರವದ ಮೂಲಕ ಸಮಾಜದಲ್ಲಿ ಸಾಮರಸ್ಯ ಬೆಳೆಸಬೇಕು ಎಂಬ ಸಂದೇಶವನ್ನು ನೀಡಲಾಯಿತು. ಅಕ್ರಮುಲ್ಲಾ ಷರೀಫ್ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಈ ಕಾರ್ಯಕ್ರಮದಲ್ಲಿ ಜಮಾತೆ ಇಸ್ಲಾಮಿಕ್ ಹಿಂದ್ ನ ಪ್ರಮುಖರಾದ ಚಮನ್ ಮಿಯಾಸಾಬ್, ಹುಸೇನ್, ಆಸಿಫ್, ಪುಟ್ಟರಾಜ ಸ್ವಾಮೀಜಿ ತಳೆಬೈಲು, ಜಿಲ್ಲಾ ರೈತ ಸಂಘದ ಗೌರವಾಧ್ಯಕ್ಷ ಪಾರ್ಟಿ ಈರಣ್ಣ ಸೇರಿದಂತೆ ಹಲವರು ಉಪಸ್ಥಿತರಿದ್ದರು.