डॉ.बाबासाहेब आंबेडकर अध्यासनात संत सेवालाल महाराज जयंती उत्साहात नागपूर : (ता.१७-२-२०२६) राष्ट्रसंत तुकडोजी महाराज नागपूर विद्यापीठातील डॉ. बाबासाहेब आंबेडकर अध्यासनात संत सेवालाल महाराज यांची २८७ वी जयंती उत्साहात साजरी करण्यात आली. मा. कुलगुरू डॉ. मनाली क्षीरसागर यांच्या मार्गदर्शनाखाली आयोजित या कार्यक्रमाच्या अध्यक्षस्थानी अध्यासन प्रमुख डॉ. अविनाश फुलझेले होते. कार्यक्रमाचे प्रमुख वक्ते डॉ. रमेश राठोड यांनी संत सेवालाल महाराजांच्या विचारांचे आजच्या काळातील महत्त्व स्पष्ट केले. “कोई कोणी भजो मत, कोई कोणी पुजो मत; भजे-पुजेपेक्षा कर्म करेर शिको” या संदेशातून संत सेवालाल महाराजांनी अंधश्रद्धा व अंधभक्तीपासून दूर राहून स्वकर्मावर विश्वास ठेवण्याचा आणि विवेकनिष्ठ जीवन जगण्याचा उपदेश केल्याचे त्यांनी सांगितले. तसेच “जाणजो, छाणजो आणि पछच मानजो” या शिकवणीद्वारे कुणावरही आंधळा विश्वास न ठेवता विचारपूर्वक निर्णय घेण्याचा संदेश दिला असल्याचे त्यांनी नमूद केले. पर्यावरण संरक्षण, स्त्री-सन्मान, मानवता, बंधुभाव, संयमी जीवन आणि ज्ञानार्जन यांसारख्या मूल्यांचा प्रसार संतांनी आपल्या शिकवणीतून केला असल्याचेही त्यांनी अधोरेखित केले. अध्यक्षीय भाषणात डॉ. अविनाश फुलझेले यांनी संत सेवालाल महाराजांनी समाजात नैतिक मूल्ये, सदाचार, नशाबंदी आणि पर्यावरण संवर्धन यांचा प्रसार करण्यासाठी केलेल्या कार्याचा उल्लेख केला. त्यांच्या विचारांची आजच्या समाजात विशेष गरज असल्याचे त्यांनी सांगितले. कार्यक्रमाचे संचालन निशा वाहने यांनी केले, तर आभार प्रदर्शन सुशीला बागडे यांनी मानले. यावेळी डॉ. रमेश शंभरकर, डॉ. सरोज डांगे, डॉ. मोहन वानखडे, डॉ. सुनीता सावरकर, प्रा. मंगेश जुनघरे, डॉ. शिल्पा मेश्राम आदी उपस्थित होते. डॉ. बाबासाहेब आंबेडकर विचारधारा अभ्यासक्रमाचे बहुसंख्य विद्यार्थी कार्यक्रमात सहभागी झाले होते.

SATISH M. BHALERAO

Nagpur (Rural), Maharashtra•

5 hrs ago

डॉ.बाबासाहेब आंबेडकर अध्यासनात संत सेवालाल महाराज जयंती उत्साहात नागपूर : (ता.१७-२-२०२६) राष्ट्रसंत तुकडोजी महाराज नागपूर विद्यापीठातील डॉ. बाबासाहेब आंबेडकर अध्यासनात संत सेवालाल महाराज यांची २८७ वी जयंती उत्साहात साजरी करण्यात आली. मा. कुलगुरू डॉ. मनाली क्षीरसागर यांच्या मार्गदर्शनाखाली आयोजित या कार्यक्रमाच्या अध्यक्षस्थानी अध्यासन प्रमुख डॉ. अविनाश फुलझेले होते. कार्यक्रमाचे प्रमुख वक्ते डॉ. रमेश राठोड यांनी संत सेवालाल महाराजांच्या विचारांचे आजच्या काळातील महत्त्व स्पष्ट केले. “कोई कोणी भजो मत, कोई कोणी पुजो मत; भजे-पुजेपेक्षा कर्म करेर शिको” या संदेशातून संत सेवालाल महाराजांनी अंधश्रद्धा व अंधभक्तीपासून दूर राहून स्वकर्मावर विश्वास ठेवण्याचा आणि विवेकनिष्ठ जीवन जगण्याचा उपदेश केल्याचे त्यांनी सांगितले. तसेच “जाणजो, छाणजो आणि पछच मानजो” या शिकवणीद्वारे कुणावरही आंधळा विश्वास न ठेवता विचारपूर्वक निर्णय घेण्याचा संदेश दिला असल्याचे त्यांनी नमूद केले. पर्यावरण संरक्षण, स्त्री-सन्मान, मानवता, बंधुभाव, संयमी जीवन आणि ज्ञानार्जन यांसारख्या मूल्यांचा प्रसार संतांनी आपल्या शिकवणीतून केला असल्याचेही त्यांनी अधोरेखित केले. अध्यक्षीय भाषणात डॉ. अविनाश फुलझेले यांनी संत सेवालाल महाराजांनी समाजात नैतिक मूल्ये, सदाचार, नशाबंदी आणि पर्यावरण संवर्धन यांचा प्रसार करण्यासाठी केलेल्या कार्याचा उल्लेख केला. त्यांच्या विचारांची आजच्या समाजात विशेष गरज असल्याचे त्यांनी सांगितले. कार्यक्रमाचे संचालन निशा वाहने यांनी केले, तर आभार प्रदर्शन सुशीला बागडे यांनी मानले. यावेळी डॉ. रमेश शंभरकर, डॉ. सरोज डांगे, डॉ. मोहन वानखडे, डॉ. सुनीता सावरकर, प्रा. मंगेश जुनघरे, डॉ. शिल्पा मेश्राम आदी उपस्थित होते. डॉ. बाबासाहेब आंबेडकर विचारधारा अभ्यासक्रमाचे बहुसंख्य विद्यार्थी कार्यक्रमात सहभागी झाले होते.