రాష్ట్ర వైద్య, ఆరోగ్య, కుటుంబ సంక్షేమ మరియు వైద్య విద్య శాఖ మంత్రి, ధర్మవరం ఎమ్మెల్యే సత్యకుమార్ యాదవ్ జూన్ 24, 25 తేదీల్లో ధర్మవరం నియోజకవర్గంలో పర్యటించనున్నారు. ఈ మేరకు మంత్రి కార్యాలయం ఆదివారం ఒక ప్రకటన విడుదల చేసింది. ఈ రెండు రోజుల పర్యటనలో ఆయన ఆధ్యాత్మిక, సామాజిక, అభివృద్ధి కార్యక్రమాల్లో పాల్గొని ప్రజలతో మమేకం కానున్నారు. జూన్ 24న జరగనున్న మహాశాంతి ప్రతిష్ఠ, కుంభాభిషేక మహోత్సవాల్లో మంత్రి పాల్గొని ప్రత్యేక పూజలు నిర్వహిస్తారు. ప్రతి 12 ఏళ్లకు ఒకసారి జరిగే ఈ మహోత్సవాల్లో భక్తులతో కలిసి పాల్గొంటారని కార్యాలయం తెలిపింది. అనంతరం జూన్ 25న ఉదయం 10 గంటలకు ధర్మవరంలోని సీఎన్‌బీ కళ్యాణ మండపంలో నిర్వహించే ఎన్డీఏ ప్రభుత్వాల విజయోత్సవ సభకు మంత్రి హాజరవుతారు. ఈ సభ కేంద్రంలో 12 ఏళ్లు, రాష్ట్రంలో 2 ఏళ్లు పూర్తి చేసుకున్న ఎన్డీఏ ప్రభుత్వ విజయాలను గుర్తుచేస్తుంది. ఈ సందర్భంగా కేంద్ర, రాష్ట్ర ప్రభుత్వాలు అమలు చేసిన అభివృద్ధి కార్యక్రమాలు, సంక్షేమ పథకాలు, ప్రజా సేవలు, భవిష్యత్ కార్యాచరణపై మంత్రి వివరించనున్నారు.

Bandi vasava datta sanjay

Local News Reporter ధర్మవరం, శ్రీ సత్య సాయి, ఆంధ్రప్రదేశ్•

8 hrs ago

రాష్ట్ర వైద్య, ఆరోగ్య, కుటుంబ సంక్షేమ మరియు వైద్య విద్య శాఖ మంత్రి, ధర్మవరం ఎమ్మెల్యే సత్యకుమార్ యాదవ్ జూన్ 24, 25 తేదీల్లో ధర్మవరం నియోజకవర్గంలో పర్యటించనున్నారు. ఈ మేరకు మంత్రి కార్యాలయం ఆదివారం ఒక ప్రకటన విడుదల చేసింది. ఈ రెండు రోజుల పర్యటనలో ఆయన ఆధ్యాత్మిక, సామాజిక, అభివృద్ధి కార్యక్రమాల్లో పాల్గొని ప్రజలతో మమేకం కానున్నారు. జూన్ 24న జరగనున్న మహాశాంతి ప్రతిష్ఠ, కుంభాభిషేక మహోత్సవాల్లో మంత్రి పాల్గొని ప్రత్యేక పూజలు నిర్వహిస్తారు. ప్రతి 12 ఏళ్లకు ఒకసారి జరిగే ఈ మహోత్సవాల్లో భక్తులతో కలిసి పాల్గొంటారని కార్యాలయం తెలిపింది. అనంతరం జూన్ 25న ఉదయం 10 గంటలకు ధర్మవరంలోని సీఎన్‌బీ కళ్యాణ మండపంలో నిర్వహించే ఎన్డీఏ ప్రభుత్వాల విజయోత్సవ సభకు మంత్రి హాజరవుతారు. ఈ సభ కేంద్రంలో 12 ఏళ్లు, రాష్ట్రంలో 2 ఏళ్లు పూర్తి చేసుకున్న ఎన్డీఏ ప్రభుత్వ విజయాలను గుర్తుచేస్తుంది. ఈ సందర్భంగా కేంద్ర, రాష్ట్ర ప్రభుత్వాలు అమలు చేసిన అభివృద్ధి కార్యక్రమాలు, సంక్షేమ పథకాలు, ప్రజా సేవలు, భవిష్యత్ కార్యాచరణపై మంత్రి వివరించనున్నారు.