ସୁନ୍ଦରଗଡ଼ ଜିଲ୍ଲା ବଣାଇଁରେ ଶୀତଳଷଷ୍ଠୀ ଯାତ୍ରା ଅବସରରେ ଦେବଦମ୍ପତି ଶିବ ଓ ପାର୍ବତୀଙ୍କ ଶୁଭ ବିବାହ ଗତକାଲି ବିଳମ୍ବିତ ରାତିରେ ଆନନ୍ଦ ଉଲ୍ଲାସର ସହ ସମ୍ପନ୍ନ ହୋଇଛି। ଏହି ଯାତ୍ରାର ମୁଖ୍ୟ ଆକର୍ଷଣ ଦେବଦମ୍ପତିଙ୍କ ଯୁଗଳ ଦର୍ଶନ ଓ ନଗର ପରିକ୍ରମା ଆଜି ଦିନ ତମାମ ଚାଲିବ। ବିବାହ ପୂର୍ବରୁ ସନ୍ଧ୍ୟା ୬ ଘଟିକା ସମୟରେ ବାବା ବାଣେଶ୍ୱର ମନ୍ଦିରରୁ ବର ବେଶରେ ମହାଦେବଙ୍କ ବରଯାତ୍ରୀ ଏକ ବଡ଼ ଶୋଭାଯାତ୍ରାରେ ବାହାରିଥିଲା। ନାଚଗୀତ ଓ ଡିଜେର ତାଳେ ତାଳେ ବିଭିନ୍ନ ଦେବାଦେବୀ ବେଶରେ ସୁସଜ୍ଜିତ ହୋଇ ହଜାର ହଜାର ସଂଖ୍ୟାରେ ଭକ୍ତମାନେ ବରାତି ନେଇ କୋପେଶ୍ୱର ମନ୍ଦିରରେ ଥିବା ମାତା ପାର୍ବତୀଙ୍କ ନିକଟରେ ପହଞ୍ଚିଥିଲେ। କୋପେଶ୍ୱର ମନ୍ଦିରରେ ମଧ୍ୟରାତ୍ରରେ ପାର୍ବତୀଙ୍କ ମାତା କବିତା ସାହୁ ଓ ପିତା ରାଜୁ ପୃସେଠ ବୈଦିକ ମତେ ଶିବ-ପାର୍ବତୀଙ୍କ ଶୁଭ ବିବାହ କାର୍ଯ୍ୟ ସମାପନ କରିଥିଲେ। ଏହି ବିବାହ ସମ୍ପୂର୍ଣ୍ଣ ବୈଦିକ ରୀତିରେ ହୋଇଥିଲା, ଯେଉଁଥିରେ ହାତଗଣ୍ଠି ପଡ଼ିଥିଲା ଏବଂ ମହାଦେବ ଦେବୀ ପାର୍ବତୀଙ୍କ ହାତରୁ ପାଣିଗ୍ରହଣ କରିଥିଲେ। ଦେବ, ଦାନବ ଠାରୁ ଆରମ୍ଭ କରି ନର ଓ କିନ୍ନର ପର୍ଯ୍ୟନ୍ତ ସମସ୍ତେ ଏହି ବରଯାତ୍ରୀରେ ସାମିଲ ହୋଇଥିଲେ। ବଣାଇଁ ରାଜା ସାହେବ ବୀର କେଶରୀ ଇନ୍ଦ୍ର ଦେଓଦେବ ମୁଖ୍ୟ ଅତିଥି ଭାବେ ଉପସ୍ଥିତ ଥିବାବେଳେ ପ୍ରଭୁ ଶିବଙ୍କର ମାତା ଭାବରେ ନିତୁରାଣୀ ଦାଶ ଓ ପିତା ଭାବରେ ସପନ କୁମାର ଦାଶ ଏକ ସୁସଜ୍ଜିତ ରଥରେ ବିରାଜମାନ ହୋଇ ନଗର ପରିକ୍ରମା କରି କନ୍ୟା ପାର୍ବତୀଙ୍କ ଘରକୁ ଯାଇଥିଲେ। ବିବାହ ପରେ ଦେବଦମ୍ପତି ଆଜି ଦିନ ତମାମ ଶ୍ୱଶୁର ଘରେ ବିଶ୍ରାମ କରିଛନ୍ତି। ଆଜି ସନ୍ଧ୍ୟାରେ ମହାଦେବ ନିଜ ପତ୍ନୀଙ୍କୁ ଧରି ନଗର ପରିକ୍ରମା କରିବେ ଏବଂ ନବବିବାହିତ ଦେବଦମ୍ପତିଙ୍କ ଯୁଗଳମୂର୍ତ୍ତି ଦର୍ଶନ ପାଇଁ ଶତାଧିକ ଭକ୍ତଙ୍କ ସମାଗମ ହେବାର ସମ୍ଭାବନା ରହିଛି। ଏଥିପାଇଁ ବ୍ୟାପକ ପ୍ରସ୍ତୁତି କରାଯାଇଛି। ଆଜି ଶିବ-ପାର୍ବତୀଙ୍କ ବାରନୁଗମନ କୋପେଶ୍ୱର ମନ୍ଦିରରୁ ବାହାରି ବାଣେଶ୍ୱର ମନ୍ଦିରକୁ ପ୍ରତ୍ୟାବର୍ତ୍ତନ କରିଥିଲା। ଏହି କାର୍ଯ୍ୟକ୍ରମରେ ବାବା ବାଣେଶ୍ୱର ମନ୍ଦିର ଉନ୍ନୟନ କମିଟି ସହଯୋଗ କରିଥିବାବେଳେ ଶ୍ରଦ୍ଧାଳୁମାନଙ୍କ ଭିଡ଼କୁ ଦୃଷ୍ଟିରେ ରଖି ପୋଲିସ ପ୍ରଶାସନ ପକ୍ଷରୁ କଡ଼ା ସୁରକ୍ଷା ବ୍ୟବସ୍ଥା କରାଯାଇଥିଲା। ଏହିପରି ଭାବେ ବଣାଇଁରେ ଶିବ-ପାର୍ବତୀଙ୍କ ବିବାହ ସହ ଶୀତଳଷଷ୍ଠୀ ଉତ୍ସବ ସମ୍ପନ୍ନ ହୋଇଛି।

ସନ୍ତୋଷ କୁମାର ଅଟୀ

Local News Reporter ବଣେଇ, ସୁନ୍ଦରଗଡ଼, ଓଡ଼ିଶା•

2 hrs ago

ସୁନ୍ଦରଗଡ଼ ଜିଲ୍ଲା ବଣାଇଁରେ ଶୀତଳଷଷ୍ଠୀ ଯାତ୍ରା ଅବସରରେ ଦେବଦମ୍ପତି ଶିବ ଓ ପାର୍ବତୀଙ୍କ ଶୁଭ ବିବାହ ଗତକାଲି ବିଳମ୍ବିତ ରାତିରେ ଆନନ୍ଦ ଉଲ୍ଲାସର ସହ ସମ୍ପନ୍ନ ହୋଇଛି। ଏହି ଯାତ୍ରାର ମୁଖ୍ୟ ଆକର୍ଷଣ ଦେବଦମ୍ପତିଙ୍କ ଯୁଗଳ ଦର୍ଶନ ଓ ନଗର ପରିକ୍ରମା ଆଜି ଦିନ ତମାମ ଚାଲିବ। ବିବାହ ପୂର୍ବରୁ ସନ୍ଧ୍ୟା ୬ ଘଟିକା ସମୟରେ ବାବା ବାଣେଶ୍ୱର ମନ୍ଦିରରୁ ବର ବେଶରେ ମହାଦେବଙ୍କ ବରଯାତ୍ରୀ ଏକ ବଡ଼ ଶୋଭାଯାତ୍ରାରେ ବାହାରିଥିଲା। ନାଚଗୀତ ଓ ଡିଜେର ତାଳେ ତାଳେ ବିଭିନ୍ନ ଦେବାଦେବୀ ବେଶରେ ସୁସଜ୍ଜିତ ହୋଇ ହଜାର ହଜାର ସଂଖ୍ୟାରେ ଭକ୍ତମାନେ ବରାତି ନେଇ କୋପେଶ୍ୱର ମନ୍ଦିରରେ ଥିବା ମାତା ପାର୍ବତୀଙ୍କ ନିକଟରେ ପହଞ୍ଚିଥିଲେ। କୋପେଶ୍ୱର ମନ୍ଦିରରେ ମଧ୍ୟରାତ୍ରରେ ପାର୍ବତୀଙ୍କ ମାତା କବିତା ସାହୁ ଓ ପିତା ରାଜୁ ପୃସେଠ ବୈଦିକ ମତେ ଶିବ-ପାର୍ବତୀଙ୍କ ଶୁଭ ବିବାହ କାର୍ଯ୍ୟ ସମାପନ କରିଥିଲେ। ଏହି ବିବାହ ସମ୍ପୂର୍ଣ୍ଣ ବୈଦିକ ରୀତିରେ ହୋଇଥିଲା, ଯେଉଁଥିରେ ହାତଗଣ୍ଠି ପଡ଼ିଥିଲା ଏବଂ ମହାଦେବ ଦେବୀ ପାର୍ବତୀଙ୍କ ହାତରୁ ପାଣିଗ୍ରହଣ କରିଥିଲେ। ଦେବ, ଦାନବ ଠାରୁ ଆରମ୍ଭ କରି ନର ଓ କିନ୍ନର

ପର୍ଯ୍ୟନ୍ତ ସମସ୍ତେ ଏହି ବରଯାତ୍ରୀରେ ସାମିଲ ହୋଇଥିଲେ। ବଣାଇଁ ରାଜା ସାହେବ ବୀର କେଶରୀ ଇନ୍ଦ୍ର ଦେଓଦେବ ମୁଖ୍ୟ ଅତିଥି ଭାବେ ଉପସ୍ଥିତ ଥିବାବେଳେ ପ୍ରଭୁ ଶିବଙ୍କର ମାତା ଭାବରେ ନିତୁରାଣୀ ଦାଶ ଓ ପିତା ଭାବରେ ସପନ କୁମାର ଦାଶ ଏକ ସୁସଜ୍ଜିତ ରଥରେ ବିରାଜମାନ ହୋଇ ନଗର ପରିକ୍ରମା କରି କନ୍ୟା ପାର୍ବତୀଙ୍କ ଘରକୁ ଯାଇଥିଲେ। ବିବାହ ପରେ ଦେବଦମ୍ପତି ଆଜି ଦିନ ତମାମ ଶ୍ୱଶୁର ଘରେ ବିଶ୍ରାମ କରିଛନ୍ତି। ଆଜି ସନ୍ଧ୍ୟାରେ ମହାଦେବ ନିଜ ପତ୍ନୀଙ୍କୁ ଧରି ନଗର ପରିକ୍ରମା କରିବେ ଏବଂ ନବବିବାହିତ ଦେବଦମ୍ପତିଙ୍କ ଯୁଗଳମୂର୍ତ୍ତି ଦର୍ଶନ ପାଇଁ ଶତାଧିକ ଭକ୍ତଙ୍କ ସମାଗମ ହେବାର ସମ୍ଭାବନା ରହିଛି। ଏଥିପାଇଁ ବ୍ୟାପକ ପ୍ରସ୍ତୁତି କରାଯାଇଛି। ଆଜି ଶିବ-ପାର୍ବତୀଙ୍କ ବାରନୁଗମନ କୋପେଶ୍ୱର ମନ୍ଦିରରୁ ବାହାରି ବାଣେଶ୍ୱର ମନ୍ଦିରକୁ ପ୍ରତ୍ୟାବର୍ତ୍ତନ କରିଥିଲା। ଏହି କାର୍ଯ୍ୟକ୍ରମରେ ବାବା ବାଣେଶ୍ୱର ମନ୍ଦିର ଉନ୍ନୟନ କମିଟି ସହଯୋଗ କରିଥିବାବେଳେ ଶ୍ରଦ୍ଧାଳୁମାନଙ୍କ ଭିଡ଼କୁ ଦୃଷ୍ଟିରେ ରଖି ପୋଲିସ ପ୍ରଶାସନ ପକ୍ଷରୁ କଡ଼ା ସୁରକ୍ଷା ବ୍ୟବସ୍ଥା କରାଯାଇଥିଲା। ଏହିପରି ଭାବେ ବଣାଇଁରେ ଶିବ-ପାର୍ବତୀଙ୍କ ବିବାହ ସହ ଶୀତଳଷଷ୍ଠୀ ଉତ୍ସବ ସମ୍ପନ୍ନ ହୋଇଛି।