aggagsssshhwhwhhwwwhwhwhsshshshshshehehshshehehehehhwhhhhh

ଭଦ୍ରକର ବନ୍ତରେ ବିଦ୍ୟୁତ୍ କର୍ମଚାରୀଙ୍କୁ ମାଡ଼ ମାରିବା ଘଟଣାରେ ବିଦ୍ୟୁତ୍ ବିଭାଗ ଏକ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଏହି କାର୍ଯ୍ୟାନୁଷ୍ଠାନ ସ୍ୱରୂପ, ସମ୍ପୃକ୍ତ ବିଦ୍ୟୁତ୍ ଉପଭୋକ୍ତାଙ୍କ ଘରୁ ବିଦ୍ୟୁତ୍ ସଂଯୋଗକୁ ସବୁଦିନ ପାଇଁ କାଟି ଦିଆଯାଇଛି। ଫଳରେ ବିଦ୍ୟୁତ୍ ଉପଭୋକ୍ତା ବଡ଼ ସମସ୍ୟାରେ ପଡ଼ିଥିବା ଦେଖିବାକୁ ମିଳିଛି।

ଭଦ୍ରକ ଜିଲ୍ଲା ବନ୍ତ ଥାନା ଅଧୀନ ଚଣ୍ଡୀପୁର ଗାଁରେ ବିଦ୍ୟୁତ୍ କର୍ମଚାରୀଙ୍କ ଉପରେ ହୋଇଥିବା ଆକ୍ରମଣ ଘଟଣା ପରେ ବିଦ୍ୟୁତ୍ ବିଭାଗ ପୋଲିସ୍ ଫୋର୍ସ ସହିତ ସେଠାରେ ପହଞ୍ଚିଛି। ବିଭାଗ ଘଟଣାସ୍ଥଳରୁ ମିଟର ଓ ତାର ଜବତ କରିବା ସହ ଲଟକା ଜାରି କରିଛି।

ଭଦ୍ରକ ତହସିଲଦାରଙ୍କ କାର୍ଯ୍ୟାଳୟ ନିକଟରେ ଏକ ମଲା ଗଛ ବିପଦପୂର୍ଣ୍ଣ ଅବସ୍ଥାରେ ରହିଛି। ଏହି ମୃତ ଗଛଟି ଯେକୌଣସି ସମୟରେ ତଳକୁ ଖସି କାହାର ଜୀବନ ନେଇପାରେ ବୋଲି ଆଶଙ୍କା ପ୍ରକାଶ ପାଇଛି। ଏହାକୁ ଦୃଷ୍ଟିରେ ରଖି ଭଦ୍ରକ ପ୍ରଶାସନ ତୁରନ୍ତ ଏହି ବିଷୟରେ ଧ୍ୟାନ ଦେବାକୁ ଅନୁରୋଧ କରାଯାଇଛି।

ରାୟଗଡ଼ା ଜିଲ୍ଲାରେ ଏକ ଅଭାବନୀୟ ଘଟଣା ସାମ୍ନାକୁ ଆସିଛି, ଯେଉଁଠାରେ ବାହାର ରାଜ୍ୟରୁ ଆସି ଏକ NGO ସଂସ୍ଥାରେ ତଥ୍ୟ ସଂଗ୍ରହ କରୁଥିବା ଜଣେ ଯୁବତୀଙ୍କୁ ପିଲାଚୋର ସନ୍ଦେହରେ ଘେରି ଯାଇ ଭୟଙ୍କର ଭାବେ ଆକ୍ରମଣ କରାଯାଇଛି। ଶତାଧିକ ପୁଅଙ୍କ ମେଳରେ ଗୋଟିଏ ଝିଅକୁ ଏଭଳି ଅବସ୍ଥାକୁ ଠେଲି ଦିଆଗଲା ଯେ ସେ ନିଜ ଜୀବନ ବଞ୍ଚାଇବା ପାଇଁ ଚିତ୍କାର କରିବାକୁ ବାଧ୍ୟ ହୋଇଥିଲେ। ଏହି ଘଟଣା ପରେ ପୋଲିସ ଯୁବତୀଙ୍କୁ ଉଦ୍ଧାର କରିବା ସହ ତଦନ୍ତ ଆରମ୍ଭ କରିଥିଲା ଏବଂ ମୋଟ ୨୦ ଜଣଙ୍କୁ ଗିରଫ କରିଛି। ଏଭଳି ନିନ୍ଦନୀୟ କାର୍ଯ୍ୟ ଓଡ଼ିଶାର ମୁଣ୍ଡକୁ ତଳକୁ କରିଦେଇଥିବା କହିବାକୁ ପଡ଼ିବ।

ରାଜ୍ୟସ୍ତରୀୟ ପ୍ରାକୃତିକ ବିପର୍ଯ୍ୟୟ କମିଟିର ବୈଠକ ଶେଷ ହୋଇଛି। ଏହି ବୈଠକରେ ଓଡିଶା ସରକାରଙ୍କ ତରଫରୁ ଗୁରୁତ୍ୱପୂର୍ଣ୍ଣ ଆଲୋଚନା କରାଯାଇଛି ଯେ ଏଲ ନିନୋ ପ୍ରଭାବରେ ରାଜ୍ୟରେ ନିଅଣ୍ଟିଆ ବର୍ଷା ହୋଇପାରେ। ଏହା ସହିତ, ୱେଷ୍ଟ ଏସିଆରେ ଦେଖାଦେଇଥିବା ସଙ୍କଟ ଯୋଗୁଁ ରାଜ୍ୟରେ ସାରର ଅଭାବ ହେବାର ମଧ୍ୟ ଆଶଙ୍କା ରହିଛି।

ଭଦ୍ରକ ଜିଲ୍ଲାରେ ଡ୍ରଗ୍ସ ମାଫିଆମାନଙ୍କ ବେପାର ଖୁଲମ୍ ଖୋଲା ଭାବେ ଚାଲିଥିବା ସୂଚନା ମିଳିଛି। ଏହି କ୍ରମରେ, ଭଦ୍ରକ ପୋଲିସର ସ୍ପେସିଆଲ ସ୍କୁଆର୍ଡ୍ କାର୍ଯ୍ୟାନୁଷ୍ଠାନ ଗ୍ରହଣ କରି ଦୁଇ ଜଣ ଡ୍ରଗ୍ସ ମାଫିଆଙ୍କୁ କାବୁ କରିବାରେ ସଫଳ ହୋଇଛି।

ଯାଜପୁର ଜିଲ୍ଲାର କୋରେଇ ବ୍ଲକ ଅନ୍ତର୍ଗତ ପୂର୍ବକୋଟ ଅଞ୍ଚଳରେ ଦୁଇଜଣ ଦୁର୍ବୃତ୍ତ ଧଡ଼ ଧଡ଼ କରି ଗୁଳି ଚଳାଇଛନ୍ତି। ଏହି ପୂରା ଘଟଣାଟି CCTV କ୍ୟାମେରାରେ କଏଦ ହୋଇଛି। ଏଭଳି ପରିସ୍ଥିତିରେ ପ୍ରଶ୍ନ ଉଠୁଛି ଯେ ଯାଜପୁର ପୋଲିସ ଏହି ଗୁଳି ଚଳାଇଥିବା ଦୁର୍ବୃତ୍ତମାନଙ୍କୁ କେବେ ଧରିବାରେ ସଫଳ ହେବ।