శ్రీ సత్యసాయి జిల్లా కలెక్టర్ ఏ.శ్యామ్ ప్రసాద్ శనివారం పుట్టపర్తి కేంద్రంలోని 6, 7వ వార్డు సచివాలయాలను, అలాగే యెనుమలపల్లి గ్రామ సచివాలయాన్ని ఆకస్మికంగా తనిఖీ చేశారు. జిల్లాలో ప్రస్తుతం అత్యంత ప్రతిష్టాత్మకంగా కొనసాగుతున్న ఓటర్ల జాబితా ప్రత్యేక ముమ్మర సవరణ (SIR-2026) సర్వే పురోగతిని క్షేత్రస్థాయిలో స్వయంగా పరిశీలించేందుకు ఆయన ఈ తనిఖీలు చేపట్టారు. ఈ సందర్భంగా సచివాలయాల్లోని వివిధ విభాగాలను కలెక్టర్ నిశితంగా పరిశీలించారు. బూత్ స్థాయి అధికారులు (BLO) నిర్వహిస్తున్న ఇంటింటి సర్వే రికార్డులను, ఎన్యూమరేషన్ ఫారాలను మరియు ఓటర్ల వివరాల నమోదు ప్రక్రియను ఆయన స్వయంగా తనిఖీ చేసి, అధికారులకు పలు కీలక సూచనలు చేశారు. ఈ సందర్భంగా జిల్లా కలెక్టర్ మాట్లాడుతూ, ఓటర్ల జాబితా ప్రత్యేక ముమ్మర సవరణ ప్రక్రియ అత్యంత పారదర్శకంగా, ఎలాంటి తప్పులు లేకుండా సాగాలని ఆదేశించారు. అర్హులైన ప్రతి ఒక్కరికీ ఓటు హక్కు కల్పించేలా బీఎల్‌ఓలు బాధ్యతాయుతంగా పనిచేయాలని స్పష్టం చేశారు. గ్రామ, వార్డు సచివాలయ సిబ్బంది అంతా విధిగా కార్యాలయాల్లో ఉంటూ ప్రజలకు ఎల్లప్పుడూ అందుబాటులో ఉండాలని, ప్రభుత్వ సేవలను సకాలంలో అందిస్తూ ప్రజల నమ్మకాన్ని నిలబెట్టుకోవాలని ఆదేశించారు. సచివాలయాల పనితీరుపై, సర్వేల పురోగతిపై నిరంతరం నిఘా ఉంటుందని, విధుల్లో ఎలాంటి అలసత్వాన్ని సహించేది లేదని కలెక్టర్ గారు హెచ్చరించారు. ఈ ఆకస్మిక తనిఖీ కార్యక్రమంలో పుట్టపర్తి మున్సిపల్ కమిషనర్ జి. శ్రీనివాసులు, పుట్టపర్తి ఆర్‌డీఓ సువర్ణ, సచివాలయాల ఈఓలు, బీఎల్‌ఓలు, డిజిటల్ అసిస్టెంట్లు మరియు సచివాలయ సిబ్బంది పాల్గొన్నారు.

Saddala Adi

ధర్మవరం, శ్రీ సత్య సాయి, ఆంధ్రప్రదేశ్•

1 hr ago

శ్రీ సత్యసాయి జిల్లా కలెక్టర్ ఏ.శ్యామ్ ప్రసాద్ శనివారం పుట్టపర్తి కేంద్రంలోని 6, 7వ వార్డు సచివాలయాలను, అలాగే యెనుమలపల్లి గ్రామ సచివాలయాన్ని ఆకస్మికంగా తనిఖీ చేశారు. జిల్లాలో ప్రస్తుతం అత్యంత ప్రతిష్టాత్మకంగా కొనసాగుతున్న ఓటర్ల జాబితా ప్రత్యేక ముమ్మర సవరణ (SIR-2026) సర్వే పురోగతిని క్షేత్రస్థాయిలో స్వయంగా పరిశీలించేందుకు ఆయన ఈ తనిఖీలు చేపట్టారు. ఈ సందర్భంగా సచివాలయాల్లోని వివిధ విభాగాలను కలెక్టర్ నిశితంగా పరిశీలించారు. బూత్ స్థాయి అధికారులు (BLO) నిర్వహిస్తున్న ఇంటింటి సర్వే రికార్డులను, ఎన్యూమరేషన్ ఫారాలను మరియు ఓటర్ల వివరాల నమోదు ప్రక్రియను ఆయన స్వయంగా తనిఖీ చేసి, అధికారులకు పలు కీలక సూచనలు చేశారు. ఈ సందర్భంగా జిల్లా కలెక్టర్ మాట్లాడుతూ, ఓటర్ల జాబితా ప్రత్యేక ముమ్మర సవరణ ప్రక్రియ అత్యంత పారదర్శకంగా, ఎలాంటి తప్పులు లేకుండా సాగాలని ఆదేశించారు. అర్హులైన ప్రతి ఒక్కరికీ ఓటు హక్కు కల్పించేలా బీఎల్‌ఓలు బాధ్యతాయుతంగా పనిచేయాలని స్పష్టం చేశారు. గ్రామ, వార్డు సచివాలయ సిబ్బంది అంతా విధిగా కార్యాలయాల్లో ఉంటూ ప్రజలకు ఎల్లప్పుడూ అందుబాటులో ఉండాలని, ప్రభుత్వ సేవలను సకాలంలో అందిస్తూ ప్రజల నమ్మకాన్ని నిలబెట్టుకోవాలని ఆదేశించారు. సచివాలయాల పనితీరుపై, సర్వేల పురోగతిపై నిరంతరం నిఘా ఉంటుందని, విధుల్లో ఎలాంటి అలసత్వాన్ని సహించేది లేదని కలెక్టర్ గారు హెచ్చరించారు. ఈ ఆకస్మిక తనిఖీ కార్యక్రమంలో పుట్టపర్తి మున్సిపల్ కమిషనర్ జి. శ్రీనివాసులు, పుట్టపర్తి ఆర్‌డీఓ సువర్ణ, సచివాలయాల ఈఓలు, బీఎల్‌ఓలు, డిజిటల్ అసిస్టెంట్లు మరియు సచివాలయ సిబ్బంది పాల్గొన్నారు.