தூத்துக்குடி மாவட்டத்தில் ஒரே நாளில் அடுத்தடுத்து வெவ்வேறு இடங்களில் தீவிர கண்காணிப்பு நடவடிக்கைகளின் விளைவாக 5 கஞ்சா வியாபாரிகள் கைது செய்யப்பட்டுள்ளனர். இவர்களிடமிருந்து மொத்தம் 950 கிராம் கஞ்சா, 4 இருசக்கர வாகனங்கள் மற்றும் சில செல்போன்கள் பறிமுதல் செய்யப்பட்டுள்ளன. கஞ்சா உள்ளிட்ட போதைப்பொருட்களின் நடமாட்டத்தைத் தடுப்பதற்கும், விற்பனையாளர்களைக் கைது செய்வதற்கும் மாவட்டக் காவல் துறை தீவிர கண்காணிப்புப் பணிகளை மேற்கொண்டு வரும் சூழலில் இந்த நடவடிக்கைகள் மேற்கொள்ளப்பட்டுள்ளன. இந்தத் தீவிர கண்காணிப்பின் ஒரு பகுதியாக, இன்று மாவட்டத்தின் ஓட்டப்பிடாரம் மற்றும் குரும்பூர் காவல் நிலைய எல்லைக்குட்பட்ட பகுதிகளில் தனித்தனியாக நடத்தப்பட்ட சோதனைகளில் 5 இளைஞர்கள் கஞ்சா விற்பனையில் ஈடுபட்டிருந்ததாகக் கைது செய்யப்பட்டனர். ஓட்டப்பிடாரம் காவல் நிலைய எல்லைக்குட்பட்ட பரும்பூர் பகுதியில் சட்ட விரோதமாகக் கஞ்சா விற்பனை நடைபெறுவதாகக் கிடைத்த ரகசியத் தகவலின் பேரில், ஆய்வாளர் கார்த்திக் தலைமையிலான காவல்துறையினர் சோதனை நடத்தினர். அப்போது விற்பனைக்காகக் கஞ்சா வைத்திருந்தது உறுதி செய்யப்பட்டதைத் தொடர்ந்து, சங்கரபாண்டியின் மகன் மகேஷ் குமார் (19), ராசுக்குட்டியின் மகன் அறிவுமதி என்ற அழகு (23) மற்றும் பாஸ் என்ற பாலமுருகன் (22) ஆகிய 3 பேர் கைது செய்யப்பட்டனர். இவர்களிடமிருந்து 600 கிராம் கஞ்சா மற்றும் கடத்தலுக்குப் பயன்படுத்தப்பட்ட 2 இருசக்கர வாகனங்கள் பறிமுதல் செய்யப்பட்டன. இதேபோல், குரும்பூர் காவல் நிலைய எல்லைக்குட்பட்ட நாலுமாவடி பகுதியில் சார்பு ஆய்வாளர் மம்முது தலைமையிலான போலீசார் கண்காணிப்பில் ஈடுபட்டிருந்தபோது, சந்தேகத்திற்கிடமான முறையில் கஞ்சா வைத்திருந்த நல்லூரைச் சேர்ந்த நவீன்குமார் (28) மற்றும் அலேக்காபுரத்தைச் சேர்ந்த கார்த்தி (20) ஆகிய 2 பேரைக் கைது செய்தனர். அவர்களிடமிருந்து 350 கிராம் கஞ்சா, 2 இருசக்கர வாகனங்கள் மற்றும் 2 செல்போன்கள் பறிமுதல் செய்யப்பட்டுள்ளன.

AMS MEDIA

Local News Reporter ஒட்டப்பிடாரம், தூத்துக்குடி, தமிழ்நாடு•

11 hrs ago

தூத்துக்குடி மாவட்டத்தில் ஒரே நாளில் அடுத்தடுத்து வெவ்வேறு இடங்களில் தீவிர கண்காணிப்பு நடவடிக்கைகளின் விளைவாக 5 கஞ்சா வியாபாரிகள் கைது செய்யப்பட்டுள்ளனர். இவர்களிடமிருந்து மொத்தம் 950 கிராம் கஞ்சா, 4 இருசக்கர வாகனங்கள் மற்றும் சில செல்போன்கள் பறிமுதல் செய்யப்பட்டுள்ளன. கஞ்சா உள்ளிட்ட போதைப்பொருட்களின் நடமாட்டத்தைத் தடுப்பதற்கும், விற்பனையாளர்களைக் கைது செய்வதற்கும் மாவட்டக் காவல் துறை தீவிர கண்காணிப்புப் பணிகளை மேற்கொண்டு வரும் சூழலில் இந்த நடவடிக்கைகள் மேற்கொள்ளப்பட்டுள்ளன. இந்தத் தீவிர கண்காணிப்பின் ஒரு பகுதியாக, இன்று மாவட்டத்தின் ஓட்டப்பிடாரம் மற்றும் குரும்பூர் காவல் நிலைய எல்லைக்குட்பட்ட பகுதிகளில் தனித்தனியாக நடத்தப்பட்ட சோதனைகளில் 5 இளைஞர்கள் கஞ்சா விற்பனையில் ஈடுபட்டிருந்ததாகக் கைது செய்யப்பட்டனர். ஓட்டப்பிடாரம் காவல் நிலைய எல்லைக்குட்பட்ட பரும்பூர் பகுதியில் சட்ட விரோதமாகக் கஞ்சா விற்பனை நடைபெறுவதாகக் கிடைத்த ரகசியத் தகவலின் பேரில், ஆய்வாளர்

கார்த்திக் தலைமையிலான காவல்துறையினர் சோதனை நடத்தினர். அப்போது விற்பனைக்காகக் கஞ்சா வைத்திருந்தது உறுதி செய்யப்பட்டதைத் தொடர்ந்து, சங்கரபாண்டியின் மகன் மகேஷ் குமார் (19), ராசுக்குட்டியின் மகன் அறிவுமதி என்ற அழகு (23) மற்றும் பாஸ் என்ற பாலமுருகன் (22) ஆகிய 3 பேர் கைது செய்யப்பட்டனர். இவர்களிடமிருந்து 600 கிராம் கஞ்சா மற்றும் கடத்தலுக்குப் பயன்படுத்தப்பட்ட 2 இருசக்கர வாகனங்கள் பறிமுதல் செய்யப்பட்டன. இதேபோல், குரும்பூர் காவல் நிலைய எல்லைக்குட்பட்ட நாலுமாவடி பகுதியில் சார்பு ஆய்வாளர் மம்முது தலைமையிலான போலீசார் கண்காணிப்பில் ஈடுபட்டிருந்தபோது, சந்தேகத்திற்கிடமான முறையில் கஞ்சா வைத்திருந்த நல்லூரைச் சேர்ந்த நவீன்குமார் (28) மற்றும் அலேக்காபுரத்தைச் சேர்ந்த கார்த்தி (20) ஆகிய 2 பேரைக் கைது செய்தனர். அவர்களிடமிருந்து 350 கிராம் கஞ்சா, 2 இருசக்கர வாகனங்கள் மற்றும் 2 செல்போன்கள் பறிமுதல் செய்யப்பட்டுள்ளன.