ठाकरे सेना-मनसे युतीचा नवी मुंबईसाठी कर्तव्यनामा आगामी नवी मुंबई महानगरपालिका निवडणुकीच्या रणधुमाळीत सर्वच पक्ष प्रचारात व्यस्त असताना उद्धव ठाकरेंची शिवसेना आणि मनसे युतीने बुधवारी आपला कर्तव्यनामा प्रसिद्ध केला. शहराच्या सर्वांगीण विकासाला प्राधान्य देणाऱ्या विविध आश्वासनांचा समावेश या कर्तव्यनाम्यात करण्यात आला असून, शिक्षण आणि आरोग्य सेवांवर विशेष भर देण्यात आला आहे. नवी मुंबईकरांसाठी शिवशक्तीचा 'कर्तव्यनामा' जाहीर करताना 'शब्द ठाकरेंचा' या घोषवाक्याखाली युतीकडून कर्तव्यनाम्यात दिलेल्या आश्वासनांची पूर्तता करण्याचा शब्द देण्यात आला आहे. कर्तव्यनामा जाहीर करताना ठाकरे सेना आणि मनसेकडून विरोधकांचा जोरदार समाचार घेण्यात आला. सुनियोजित शहराचा विकास विस्कळीत होण्यामागे तत्कालीन सत्ताधारी कारणीभूत असून, इथले नगरसेवकच कंत्राटदार असल्याने विकासकांमध्ये मोठ्याप्रमाणात भ्रष्टाचार झाल्याचा आरोप युतीच्या नेत्यांकडून करण्यात आला. त्यामुळे युतीचा महापौर सत्तेत बसल्यास प्रभाग निहाय बैठका घेऊन जनतेचे मत जाणून घेतल्याशिवाय कोणतेही विकासकाम करणार नाही असे आश्वासन युतीचे नेते गजानन काळे, मनसे आणि प्रवीण म्हात्रे, ठाकरे सेना यांनी दिले.

लोक हिंद चॅनल

Journalist शहापूर, ठाणे, महाराष्ट्र•

3 days ago

ठाकरे सेना-मनसे युतीचा नवी मुंबईसाठी कर्तव्यनामा आगामी नवी मुंबई महानगरपालिका निवडणुकीच्या रणधुमाळीत सर्वच पक्ष प्रचारात व्यस्त असताना उद्धव ठाकरेंची शिवसेना आणि मनसे युतीने बुधवारी आपला कर्तव्यनामा प्रसिद्ध केला. शहराच्या सर्वांगीण विकासाला प्राधान्य देणाऱ्या विविध आश्वासनांचा समावेश या कर्तव्यनाम्यात करण्यात आला असून, शिक्षण आणि आरोग्य सेवांवर विशेष भर देण्यात आला आहे. नवी मुंबईकरांसाठी शिवशक्तीचा 'कर्तव्यनामा' जाहीर करताना 'शब्द ठाकरेंचा' या घोषवाक्याखाली युतीकडून कर्तव्यनाम्यात दिलेल्या आश्वासनांची पूर्तता करण्याचा शब्द देण्यात आला आहे. कर्तव्यनामा जाहीर करताना ठाकरे सेना आणि मनसेकडून विरोधकांचा जोरदार समाचार घेण्यात आला. सुनियोजित शहराचा विकास विस्कळीत होण्यामागे तत्कालीन सत्ताधारी कारणीभूत असून, इथले नगरसेवकच कंत्राटदार असल्याने विकासकांमध्ये मोठ्याप्रमाणात भ्रष्टाचार झाल्याचा आरोप युतीच्या नेत्यांकडून करण्यात आला. त्यामुळे युतीचा महापौर सत्तेत बसल्यास प्रभाग निहाय बैठका घेऊन जनतेचे मत जाणून घेतल्याशिवाय कोणतेही विकासकाम करणार नाही असे आश्वासन युतीचे नेते गजानन काळे, मनसे आणि प्रवीण म्हात्रे, ठाकरे सेना यांनी दिले.