हृदयद्रावक - लोखंडी गेट कोसळून १३ महिन्यांच्या चिमुकलीचा मृत्यू हृदयद्रावक - लोखंडी गेट कोसळून १३ महिन्यांच्या चिमुकलीचा मृत्यू नाशिक शहरातील गंगापूर रोड परिसरात सोमवारी दुपारी घडलेल्या एका दुर्दैवी घटनेत १३ महिन्यांच्या चिमुकलीचा मृत्यू झाला. इमारतीचे जड लोखंडी गेट अंगावर कोसळल्याने हा हृदयद्रावक अपघात घडला असून संपूर्ण परिसरात शोककळा पसरली आहे. मिळालेल्या माहितीनुसार, गंगापूर रोडवरील ध्रुवनगर भागातील खंडेराव महाराज मंदिराजवळ असलेल्या महालक्ष्मी लोटस अपार्टमेंटमध्ये मामुलकर कुटुंब राहते. या अपघातात मृत्यू झालेल्या चिमुकलीचे नाव आराध्या दीपक मामुलकर असे आहे. सोमवारी दुपारी सुमारे १ वाजेच्या सुमारास आराध्याची आई घरातील कचरा टाकण्यासाठी खाली आली होती. त्यानंतर आराध्या आईसोबत इमारतीत परत येत असताना अचानक इमारतीचे जड लोखंडी गेट बिजागरीतून निखळून थेट तिच्या अंगावर कोसळले. या भीषण अपघातात गेट डोक्यावर आदळल्याने आराध्याला गंभीर दुखापत झाली. ती रक्ताच्या थारोळ्यात बेशुद्ध पडली. हा प्रसंग पाहून आईने आरडाओरडा केला. आवाज ऐकून कुटुंबीय आणि परिसरातील नागरिक तत्काळ धावून आले. आराध्याला तातडीने जिल्हा रुग्णालयात दाखल करण्यात आले; मात्र डॉक्टरांच्या प्रयत्नांनंतरही तिचा मृत्यू झाला. घटनेची माहिती मिळताच गंगापूर पोलिसांनी रुग्णालय आणि घटनास्थळी धाव घेतली. पोलिसांनी पंचनामा करून तपास सुरू केला असून, गेट अचानक कसे निखळले, बसवताना काही तांत्रिक त्रुटी होत्या का, तसेच या घटनेला जबाबदार कोण, याचा शोध घेतला जात आहे.

पत्रकार ओमप्रकाश उढाण

घनसावंगी, जालना, महाराष्ट्र•

4 hrs ago

हृदयद्रावक - लोखंडी गेट कोसळून १३ महिन्यांच्या चिमुकलीचा मृत्यू हृदयद्रावक - लोखंडी गेट कोसळून १३ महिन्यांच्या चिमुकलीचा मृत्यू नाशिक शहरातील गंगापूर रोड परिसरात सोमवारी दुपारी घडलेल्या एका दुर्दैवी घटनेत १३ महिन्यांच्या चिमुकलीचा मृत्यू झाला. इमारतीचे जड लोखंडी गेट अंगावर कोसळल्याने हा हृदयद्रावक अपघात घडला असून संपूर्ण परिसरात शोककळा पसरली आहे. मिळालेल्या माहितीनुसार, गंगापूर रोडवरील ध्रुवनगर भागातील खंडेराव महाराज मंदिराजवळ असलेल्या महालक्ष्मी लोटस अपार्टमेंटमध्ये मामुलकर कुटुंब राहते. या अपघातात मृत्यू झालेल्या चिमुकलीचे नाव आराध्या दीपक मामुलकर असे आहे. सोमवारी दुपारी सुमारे १ वाजेच्या सुमारास आराध्याची आई घरातील कचरा टाकण्यासाठी खाली आली होती. त्यानंतर आराध्या आईसोबत इमारतीत परत येत असताना अचानक इमारतीचे जड लोखंडी गेट बिजागरीतून निखळून थेट तिच्या अंगावर कोसळले. या भीषण अपघातात गेट डोक्यावर आदळल्याने आराध्याला गंभीर दुखापत झाली. ती रक्ताच्या थारोळ्यात बेशुद्ध पडली. हा प्रसंग पाहून आईने आरडाओरडा केला. आवाज ऐकून कुटुंबीय आणि परिसरातील नागरिक तत्काळ धावून आले. आराध्याला तातडीने जिल्हा रुग्णालयात दाखल करण्यात आले; मात्र डॉक्टरांच्या प्रयत्नांनंतरही तिचा मृत्यू झाला. घटनेची माहिती मिळताच गंगापूर पोलिसांनी रुग्णालय आणि घटनास्थळी धाव घेतली. पोलिसांनी पंचनामा करून तपास सुरू केला असून, गेट अचानक कसे निखळले, बसवताना काही तांत्रिक त्रुटी होत्या का, तसेच या घटनेला जबाबदार कोण, याचा शोध घेतला जात आहे.