रेल्वे रस्ता बांधकामामुळे नागरिक त्रस्त; धुळीचा बंदोबस्त करण्याची मागणी दारव्हा शहरातील रेल्वे स्टेशन व पुलाच्या बांधकामामुळे काढण्यात आलेल्या बायपास रस्त्यामुळे प्रवाशांना मोठा त्रास सहन करावा लागत असल्याची तक्रार नागरिकांकडून होत आहे. दारव्हा–डोल्हारी मार्गे नेर व दारव्हा–तळेगाव या मार्गांवरील सुमारे २०० ते ३०० मीटर अंतरावर सिमेंट रस्ता न झाल्यामुळे त्या ठिकाणी धुळीचे प्रमाण वाढले असून खड्ड्यांचे साम्राज्य निर्माण झाले आहे. या मार्गावर रात्रीच्या वेळी वाहन चालकांना दिशा दाखविणारे फलक किंवा रस्त्याचे काम सुरू असल्याचे इशारे देखील दिसत नसल्याने अपघाताची शक्यता वाढली आहे. यापूर्वी ऑगस्ट २०२५ मध्ये रेल्वे स्टेशनच्या बांधकामाच्या खड्ड्यात पडून चार मुलांचा मृत्यू झाल्याची घटना घडली होती. यामुळे संभाव्य अपघात टाळण्यासाठी संबंधित रस्ता तातडीने सुरळीत करावा व धुळीचा बंदोबस्त करावा, तसेच या प्रश्नाकडे रेल्वे प्रशासन, जिल्हाधिकारी व पालकमंत्र्यांनी तातडीने लक्ष द्यावे, अशी मागणी बहुजन मुक्ती पार्टीचे लोकसभा अध्यक्ष बिमोद मुधाने यांनी प्रसिद्धी माध्यमांद्वारे केली आहे.

GAJAANNAN THHAKKARE

दारव्हा, यवतमाळ, महाराष्ट्र•

on 7 March

रेल्वे रस्ता बांधकामामुळे नागरिक त्रस्त; धुळीचा बंदोबस्त करण्याची मागणी दारव्हा शहरातील रेल्वे स्टेशन व पुलाच्या बांधकामामुळे काढण्यात आलेल्या बायपास रस्त्यामुळे प्रवाशांना मोठा त्रास सहन करावा लागत असल्याची तक्रार नागरिकांकडून होत आहे. दारव्हा–डोल्हारी मार्गे नेर व दारव्हा–तळेगाव या मार्गांवरील सुमारे २०० ते ३०० मीटर अंतरावर सिमेंट रस्ता न झाल्यामुळे त्या ठिकाणी धुळीचे प्रमाण वाढले असून खड्ड्यांचे साम्राज्य निर्माण झाले आहे. या मार्गावर रात्रीच्या वेळी वाहन चालकांना दिशा दाखविणारे फलक किंवा रस्त्याचे काम सुरू असल्याचे इशारे देखील दिसत नसल्याने अपघाताची शक्यता वाढली आहे. यापूर्वी ऑगस्ट २०२५ मध्ये रेल्वे स्टेशनच्या बांधकामाच्या खड्ड्यात पडून चार मुलांचा मृत्यू झाल्याची घटना घडली होती. यामुळे संभाव्य अपघात टाळण्यासाठी संबंधित रस्ता तातडीने सुरळीत करावा व धुळीचा बंदोबस्त करावा, तसेच या प्रश्नाकडे रेल्वे प्रशासन, जिल्हाधिकारी व पालकमंत्र्यांनी तातडीने लक्ष द्यावे, अशी मागणी बहुजन मुक्ती पार्टीचे लोकसभा अध्यक्ष बिमोद मुधाने यांनी प्रसिद्धी माध्यमांद्वारे केली आहे.