शेतकऱ्यांसाठी लढलो म्हणून सरकारने दिले 'तडीपारीचे' बक्षीस;गजानन ‌कावरखे यांचा गंभीर आरोप!दुष्काळ,कर्जमाफी आणि पीकविम्याच्या आंदोलनाची प्रशासनाने धास्ती घेतल्याचा दावा! सेनगाव/विश्वनाथ देशमुख शेतकऱ्यांच्या विविध न्याय्य मागण्यांसाठी प्रशासनाविरोधात सातत्याने रस्त्यावर उतरणारे क्रांतिकारी शेतकरी संघटनेचे मराठवाडा अध्यक्ष गजानन प्रकाश कावरखे यांच्यावर हिंगोली पोलिसांनी तडीपारीची मोठी कारवाई केली आहे.पोलिसांनी प्रतिबंधात्मक पाऊल उचलत त्यांना हिंगोली जिल्ह्यातुन तडीपार केले आहे.या धक्कादायक कारवाईमुळे राजकीय आणि शेतकरी वर्तुळात तीव्र खळबळ उडाली असून,"शेतकऱ्यांच्या हक्कासाठी आवाज उठवला म्हणून सरकारने आम्हाला तडीपारीचे बक्षीस दिले," असा घणाघाती आरोप कावरखे यांनी केला आहे. या कारवाईनंतर गजानन कावरखे यांनी जाहीर निवेदन प्रसिद्ध करत सरकार आणि प्रशासनाविरोधात अत्यंत आक्रमक पवित्रा घेतला आहे. ते म्हणाले,"सरकारला वाटत असेल की तडीपार करून माझा आवाज बंद करता येईल,तर हा त्यांचा मोठा गैरसमज आहे. मला केवळ हिंगोलीच्या भौगोलिक हद्दीतून बाहेर काढले आहे, शेतकऱ्यांच्या प्रश्नांपासून नाही! आज वाशिममध्ये नेऊन सोडले, उद्या महाराष्ट्राच्या कोणत्याही जिल्ह्यात नेऊन सोडा… शेतकऱ्यांच्या अन्यायाविरुद्ध आमचा संघर्ष थांबणार नाही."कावरखे यांनी प्रशासकीय कारवाईचा निषेध करत सत्ताधाऱ्यांना थेट इशारा दिला आहे. "ज्यांच्याकडे सत्ता आहे त्यांनी लक्षात ठेवावे—दडपशाहीच्या मार्गाने लोकशाहीतील आंदोलने दडपता येत नाहीत,उलट संघर्षाची आग आणखी भडकते. हद्द बदलली… पण लढा नाही! ठिकाण बदलले… पण आवाज नाही! शेवटच्या श्वासापर्यंत शेतकऱ्यांसाठी लढत राहणार,"असा निर्धार त्यांनी व्यक्त केला.कावरखे हे गेल्या काही काळापासून हिंगोली आणि मराठवाडा परिसरात शेतकरी प्रश्नांवर अत्यंत सक्रिय आहेत.त्यांनी खालील प्रमुख मुद्द्यांवर प्रशासनाला धारेवर धरले होते, ज्याची प्रशासनाने धास्ती घेतल्याचा आरोप कार्यकर्त्यांकडून होत आहे.दुष्काळग्रस्त शेतकऱ्यांना तात्काळ नुकसानभरपाई मिळावी म्हणून रस्त्यावरील संघर्ष करुन शेतकऱ्यांच्या संपूर्ण कर्जमाफीसाठी आणि बँकेच्या जाचक अटींविरोधात उभारलेले आंदोलन विमा कंपन्यांच्या मनमानी कारभाराविरुद्ध आणि शेतकऱ्यांना हक्काचा विमा मिळवून देण्यासाठी केलेली निदर्शने.तसेच बोगस औषधी,खते कंपन्याविरोधात आवाज उडवून शेतकऱ्यांना न्याय मिळवुन देण्यासाठी लढणे आदीसाठी सतत पाठपुरावा केल्यानेच तडीपारी केल्याचे ठाम मत जिल्हाध्यक्ष नामदेव पतंगे यांनी केले.या तडीपारीच्या कारवाईमुळे क्रांतिकारी शेतकरी संघटनेच्या कार्यकर्त्यांसह इतर अनेक शेतकरी संघटनांनीही प्रशासनाचा तीव्र निषेध केला आहे.लोकशाही मार्गाने शेतकऱ्यांचे हक्क मागणाऱ्या कार्यकर्त्यांचा आवाज दाबण्याचा हा प्रयत्न असल्याचा आरोप होत आहे. दरम्यान,कायदा व सुव्यवस्था राखण्यासाठी ही प्रतिबंधात्मक कारवाई करण्यात आल्याची चर्चा पोलीस वर्तुळात आहे.

Vishwanath Deshmukh

सेनगाव, हिंगोली, महाराष्ट्र•

3 hrs ago

शेतकऱ्यांसाठी लढलो म्हणून सरकारने दिले 'तडीपारीचे' बक्षीस;गजानन ‌कावरखे यांचा गंभीर आरोप!दुष्काळ,कर्जमाफी आणि पीकविम्याच्या आंदोलनाची प्रशासनाने धास्ती घेतल्याचा दावा! सेनगाव/विश्वनाथ देशमुख शेतकऱ्यांच्या विविध न्याय्य मागण्यांसाठी प्रशासनाविरोधात सातत्याने रस्त्यावर उतरणारे क्रांतिकारी शेतकरी संघटनेचे मराठवाडा अध्यक्ष गजानन प्रकाश कावरखे यांच्यावर हिंगोली पोलिसांनी तडीपारीची मोठी कारवाई केली आहे.पोलिसांनी प्रतिबंधात्मक पाऊल उचलत त्यांना हिंगोली जिल्ह्यातुन तडीपार केले आहे.या धक्कादायक कारवाईमुळे राजकीय आणि शेतकरी वर्तुळात तीव्र खळबळ उडाली असून,"शेतकऱ्यांच्या हक्कासाठी आवाज उठवला म्हणून सरकारने आम्हाला तडीपारीचे बक्षीस दिले," असा घणाघाती आरोप कावरखे यांनी केला आहे. या कारवाईनंतर गजानन कावरखे यांनी जाहीर निवेदन प्रसिद्ध करत सरकार आणि प्रशासनाविरोधात अत्यंत आक्रमक पवित्रा घेतला आहे. ते म्हणाले,"सरकारला वाटत असेल की तडीपार करून माझा आवाज बंद करता येईल,तर हा त्यांचा मोठा गैरसमज आहे. मला केवळ हिंगोलीच्या भौगोलिक हद्दीतून बाहेर काढले आहे, शेतकऱ्यांच्या प्रश्नांपासून नाही! आज वाशिममध्ये नेऊन सोडले, उद्या महाराष्ट्राच्या कोणत्याही जिल्ह्यात नेऊन सोडा… शेतकऱ्यांच्या अन्यायाविरुद्ध आमचा संघर्ष थांबणार नाही."कावरखे यांनी प्रशासकीय कारवाईचा निषेध करत सत्ताधाऱ्यांना थेट इशारा दिला आहे. "ज्यांच्याकडे सत्ता आहे त्यांनी लक्षात ठेवावे—दडपशाहीच्या मार्गाने लोकशाहीतील आंदोलने दडपता येत नाहीत,उलट संघर्षाची आग आणखी भडकते. हद्द बदलली… पण लढा नाही! ठिकाण बदलले… पण आवाज नाही! शेवटच्या श्वासापर्यंत शेतकऱ्यांसाठी लढत राहणार,"असा निर्धार त्यांनी व्यक्त केला.कावरखे हे गेल्या काही काळापासून हिंगोली आणि मराठवाडा परिसरात शेतकरी प्रश्नांवर अत्यंत सक्रिय आहेत.त्यांनी खालील प्रमुख मुद्द्यांवर प्रशासनाला धारेवर धरले होते, ज्याची प्रशासनाने धास्ती घेतल्याचा आरोप कार्यकर्त्यांकडून होत आहे.दुष्काळग्रस्त शेतकऱ्यांना तात्काळ नुकसानभरपाई मिळावी म्हणून रस्त्यावरील संघर्ष करुन शेतकऱ्यांच्या संपूर्ण कर्जमाफीसाठी आणि बँकेच्या जाचक अटींविरोधात उभारलेले आंदोलन विमा कंपन्यांच्या मनमानी कारभाराविरुद्ध आणि शेतकऱ्यांना हक्काचा विमा मिळवून देण्यासाठी केलेली निदर्शने.तसेच बोगस औषधी,खते कंपन्याविरोधात आवाज उडवून शेतकऱ्यांना न्याय मिळवुन देण्यासाठी लढणे आदीसाठी सतत पाठपुरावा केल्यानेच तडीपारी केल्याचे ठाम मत जिल्हाध्यक्ष नामदेव पतंगे यांनी केले.या तडीपारीच्या कारवाईमुळे क्रांतिकारी शेतकरी संघटनेच्या कार्यकर्त्यांसह इतर अनेक शेतकरी संघटनांनीही प्रशासनाचा तीव्र निषेध केला आहे.लोकशाही मार्गाने शेतकऱ्यांचे हक्क मागणाऱ्या कार्यकर्त्यांचा आवाज दाबण्याचा हा प्रयत्न असल्याचा आरोप होत आहे. दरम्यान,कायदा व सुव्यवस्था राखण्यासाठी ही प्रतिबंधात्मक कारवाई करण्यात आल्याची चर्चा पोलीस वर्तुळात आहे.