आज रविवार, दिनांक ३१ रोजी बीड तालुक्यातील लिंबागणेश येथील पुण्यश्लोक अहिल्यादेवी होळकर चौकात पुण्यश्लोक अहिल्यादेवी होळकर यांची ३०१ वी जयंती मोठ्या उत्साहात साजरी करण्यात आली. या प्रसंगी अहिल्यादेवींच्या प्रतिमेस पुष्पहार अर्पण करून आदराने वंदन करण्यात आले. कार्यक्रमादरम्यान, डॉ. गणेश ढवळे यांनी उपस्थितांना मार्गदर्शन करताना पुण्यश्लोक अहिल्यादेवी होळकर यांच्या कार्याचा जीवनपट उलगडून सांगितला. त्यांनी स्पष्ट केले की ‘पुण्यश्लोक’ हा शब्द अहिल्यामाईंच्या पुण्यकर्मांचा आणि जनकल्याणकारी कार्याचा गौरव करणारा आहे, ज्याचा पुराणातील अर्थ पवित्र, चारित्र्यसंपन्न आणि आपल्या पुण्यकर्मांद्वारे जनहित साधणारी व्यक्ती असा आहे. डॉ. ढवळे यांनी नमूद केले की, भारतीय इतिहासात आपल्या पराक्रम, शौर्य आणि आदर्श राज्यकारभारामुळे अजरामर स्थान निर्माण करणारे व्यक्तिमत्त्व म्हणजे अहिल्यादेवी होळकर होत. काशीपासून रामेश्वरपर्यंत मंदिरे, घाट, धर्मशाळा, अन्नछत्रे आणि विहिरी यांची उभारणी व जीर्णोद्धार करण्याचे त्यांचे कार्य केवळ धार्मिकतेपुरते मर्यादित नसून, त्यामागे दूरदृष्टी, प्रजाहितदक्षता, न्यायप्रियता आणि कुशल प्रशासनाची भूमिका होती. अहिल्यादेवी एक मुत्सद्दी राजकारणी, कर्तव्यदक्ष सेनानी आणि जनतेच्या हितासाठी कार्य करणाऱ्या आदर्श शासक होत्या, असे प्रतिपादन त्यांनी केले. या जयंती सोहळ्याला सरपंच बालासाहेब जाधव, रविबापू निर्मळ, अनंतकाका मुळे, यश जाधव, रामदास मुळे, शहादेव धलपे, गोवर्धन मुळे, संदीप मुळे, महावीर मुळे, विठ्ठल तागड, शिवम कोकाटे, नवनाथ मुळे, विशाल तागड, सुमुख मुळे, अमोल गिरे, गणेश तागड, श्याम गिरे, प्रविण मुळे यांच्यासह अनेक ग्रामस्थ मोठ्या संख्येने उपस्थित होते.

शेख महेशर ताहेर(पञकार)

पाटोदा, बीड, महाराष्ट्र•

1 hr ago

आज रविवार, दिनांक ३१ रोजी बीड तालुक्यातील लिंबागणेश येथील पुण्यश्लोक अहिल्यादेवी होळकर चौकात पुण्यश्लोक अहिल्यादेवी होळकर यांची ३०१ वी जयंती मोठ्या उत्साहात साजरी करण्यात आली. या प्रसंगी अहिल्यादेवींच्या प्रतिमेस पुष्पहार अर्पण करून आदराने वंदन करण्यात आले. कार्यक्रमादरम्यान, डॉ. गणेश ढवळे यांनी उपस्थितांना मार्गदर्शन करताना पुण्यश्लोक अहिल्यादेवी होळकर यांच्या कार्याचा जीवनपट उलगडून सांगितला. त्यांनी स्पष्ट केले की ‘पुण्यश्लोक’ हा शब्द अहिल्यामाईंच्या पुण्यकर्मांचा आणि जनकल्याणकारी कार्याचा गौरव करणारा आहे, ज्याचा पुराणातील अर्थ पवित्र, चारित्र्यसंपन्न आणि आपल्या पुण्यकर्मांद्वारे जनहित साधणारी व्यक्ती असा आहे. डॉ. ढवळे यांनी नमूद केले की, भारतीय इतिहासात आपल्या पराक्रम, शौर्य आणि आदर्श राज्यकारभारामुळे अजरामर स्थान निर्माण करणारे

व्यक्तिमत्त्व म्हणजे अहिल्यादेवी होळकर होत. काशीपासून रामेश्वरपर्यंत मंदिरे, घाट, धर्मशाळा, अन्नछत्रे आणि विहिरी यांची उभारणी व जीर्णोद्धार करण्याचे त्यांचे कार्य केवळ धार्मिकतेपुरते मर्यादित नसून, त्यामागे दूरदृष्टी, प्रजाहितदक्षता, न्यायप्रियता आणि कुशल प्रशासनाची भूमिका होती. अहिल्यादेवी एक मुत्सद्दी राजकारणी, कर्तव्यदक्ष सेनानी आणि जनतेच्या हितासाठी कार्य करणाऱ्या आदर्श शासक होत्या, असे प्रतिपादन त्यांनी केले. या जयंती सोहळ्याला सरपंच बालासाहेब जाधव, रविबापू निर्मळ, अनंतकाका मुळे, यश जाधव, रामदास मुळे, शहादेव धलपे, गोवर्धन मुळे, संदीप मुळे, महावीर मुळे, विठ्ठल तागड, शिवम कोकाटे, नवनाथ मुळे, विशाल तागड, सुमुख मुळे, अमोल गिरे, गणेश तागड, श्याम गिरे, प्रविण मुळे यांच्यासह अनेक ग्रामस्थ मोठ्या संख्येने उपस्थित होते.