टाकळीवाडीत निवडणुकीपूर्वी ‘भानामती’चा संशय; गावकऱ्यांत चिंता, प्रशासनाला सतर्कतेचे आवाहन शिरोळ तालुक्यातील टाकळीवाडी येथे ग्रामपंचायत निवडणुकीच्या पार्श्वभूमीवर संशयास्पद प्रकार घडल्याने गावात खळबळ उडाली आहे. शनिवार दिनांक 21 मार्च रोजी सकाळी सुमारे ११.४१ वाजण्याच्या सुमारास गावातील विविध तिनतट्टी रस्त्यांवर नारळ टाकण्यात आल्याचे निदर्शनास आले. या घटनेमुळे काही नागरिकांनी यामागे भानामतीसारख्या अंधश्रद्धेचा प्रकार असल्याचा संशय व्यक्त केला आहे.केंदबा कांबळे यांच्या घराशेजारील तिनतट्टी रस्ता, हायस्कूल परिसर, बाजीराव गोरे यांच्या शेजारील कारखाना रोड, चेतन गोरवाडे यांच्या ऊस रोपवाटिकेजवळील रस्ता तसेच कारखान्याकडे जाणाऱ्या मार्गावर अशा अनेक ठिकाणी हा प्रकार घडल्याचे आढळून आले. विशेष म्हणजे या घटनांचे सीसीटीव्ही फुटेज उपलब्ध असून त्यामध्ये संबंधित हालचाली स्पष्टपणे दिसत असल्याचे स्थानिकांनी सांगितले.ग्रामपंचायत निवडणुका अवघ्या काही दिवसांवर येऊन ठेपल्या असताना अशा प्रकारामुळे गावात भीती आणि संभ्रमाचे वातावरण निर्माण झाले आहे. काहींनी हा प्रकार जाणीवपूर्वक घडवून वातावरण ढवळून काढण्याचा प्रयत्न असल्याची शक्यता व्यक्त केली आहे.या पार्श्वभूमीवर ग्रामस्थांनी पोलीस प्रशासनाने तातडीने चौकशी करून दोषींवर कारवाई करावी, अशी मागणी केली आहे. तसेच अंधश्रद्धा निर्मूलनासाठी कार्यरत संघटनांनीही पुढाकार घेऊन जनजागृती करावी, असे आवाहन करण्यात आले आहे.गावातील नागरिकांनी अफवांवर विश्वास न ठेवता सतर्क राहण्याचे आवाहन करण्यात येत असून, शांतता व कायदा-सुव्यवस्था राखण्यासाठी सर्वांनी सहकार्य करावे, असे मत व्यक्त होत आहे.

आमची मराठी.com

शिरोळ, कोल्हापूर, महाराष्ट्र•

on 22 March

टाकळीवाडीत निवडणुकीपूर्वी ‘भानामती’चा संशय; गावकऱ्यांत चिंता, प्रशासनाला सतर्कतेचे आवाहन शिरोळ तालुक्यातील टाकळीवाडी येथे ग्रामपंचायत निवडणुकीच्या पार्श्वभूमीवर संशयास्पद प्रकार घडल्याने गावात खळबळ उडाली आहे. शनिवार दिनांक 21 मार्च रोजी सकाळी सुमारे ११.४१ वाजण्याच्या सुमारास गावातील विविध तिनतट्टी रस्त्यांवर नारळ टाकण्यात आल्याचे निदर्शनास आले. या घटनेमुळे काही नागरिकांनी यामागे भानामतीसारख्या अंधश्रद्धेचा प्रकार असल्याचा संशय व्यक्त केला आहे.केंदबा कांबळे यांच्या घराशेजारील तिनतट्टी रस्ता, हायस्कूल परिसर, बाजीराव गोरे यांच्या शेजारील कारखाना रोड, चेतन गोरवाडे यांच्या ऊस रोपवाटिकेजवळील रस्ता तसेच कारखान्याकडे जाणाऱ्या मार्गावर अशा अनेक ठिकाणी हा प्रकार घडल्याचे आढळून आले. विशेष म्हणजे या घटनांचे सीसीटीव्ही फुटेज उपलब्ध असून त्यामध्ये संबंधित हालचाली स्पष्टपणे दिसत असल्याचे स्थानिकांनी सांगितले.ग्रामपंचायत निवडणुका अवघ्या काही दिवसांवर येऊन ठेपल्या असताना अशा प्रकारामुळे गावात भीती आणि संभ्रमाचे वातावरण निर्माण झाले आहे. काहींनी हा प्रकार जाणीवपूर्वक घडवून वातावरण ढवळून काढण्याचा प्रयत्न असल्याची शक्यता व्यक्त केली आहे.या पार्श्वभूमीवर ग्रामस्थांनी पोलीस प्रशासनाने तातडीने चौकशी करून दोषींवर कारवाई करावी, अशी मागणी केली आहे. तसेच अंधश्रद्धा निर्मूलनासाठी कार्यरत संघटनांनीही पुढाकार घेऊन जनजागृती करावी, असे आवाहन करण्यात आले आहे.गावातील नागरिकांनी अफवांवर विश्वास न ठेवता सतर्क राहण्याचे आवाहन करण्यात येत असून, शांतता व कायदा-सुव्यवस्था राखण्यासाठी सर्वांनी सहकार्य करावे, असे मत व्यक्त होत आहे.