പീരുമേട്ടിലെ തേൻപുഴയിലുള്ള ഒരു നൂറ്റാണ്ടിന്റെ പഴക്കമുള്ള തൂക്കുപാലം എന്ന് കോൺക്രീറ്റ് പാലമാകുമെന്ന ചോദ്യത്തിന് പതിറ്റാണ്ടുകൾ കഴിഞ്ഞിട്ടും ഉത്തരമില്ലാതെ തുടരുകയാണ്. കോട്ടയം - ഇടുക്കി ജില്ലകളെയും കൂട്ടിക്കൽ - കൊക്കയാർ പഞ്ചായത്തുകളെയും തമ്മിൽ ബന്ധിപ്പിക്കുന്ന ഈ പാലം പൂഞ്ഞാർ, പീരുമേട് നിയമസഭാ മണ്ഡലങ്ങളുടെ അതിർത്തികൂടിയാണ്. ബ്രിട്ടീഷ് ഭരണകാലത്ത് തോട്ടം തൊഴിലാളികൾക്കായി നിർമ്മിച്ച തടിപ്പാലം പിന്നീട് കമ്പിപ്പാലമായി മാറിയത് മുതൽ അങ്ങേയറ്റം അപകടാവസ്ഥയിലാണ്. വല്ലപ്പോഴും മാത്രം നടത്തുന്ന അറ്റകുറ്റപ്പണിക്കിടെ ഒരാൾ താഴെ വീണ് മരിച്ച സംഭവവും ഉണ്ടായിട്ടുണ്ട്. നിയമസഭാ - ലോക്സഭാ തിരഞ്ഞെടുപ്പുകളിൽ ഈ പാലം പ്രധാന വാഗ്ദാനമായി ഇടംപിടിച്ചിരുന്നു. ഓരോ ബജറ്റുകളിലും 3 കോടി മുതൽ 21 കോടി രൂപ വരെ തുക അനുവദിച്ചതായി രാഷ്ട്രീയക്കാർ പ്രചരിപ്പിക്കുകയും ഫ്ലക്സ് ബോർഡുകൾ സ്ഥാപിക്കുകയും ചെയ്തിരുന്നെങ്കിലും, രണ്ടു പതിറ്റാണ്ട് കഴിഞ്ഞിട്ടും പദ്ധതി യാഥാർത്ഥ്യമായില്ല. ഇരുട്ടിന്റെ മറവിൽ രാഷ്ട്രീയ പ്രവർത്തകർ തന്നെ ഈ ബോർഡുകൾ പിന്നീട് നീക്കം ചെയ്യുകയായിരുന്നു. തേൻപുഴയിൽ നിന്നും അപ്രോച്ച് റോഡ് നിർമ്മിച്ചാൽ മാത്രമേ പാലം പണിയാൻ കഴിയൂ എന്ന അധികാരികളുടെ തീരുമാനം പ്രതിസന്ധി ഇരട്ടിയാക്കുന്നു. പാലം മുതൽ തേൻപുഴ വരെയുള്ള ഭാഗം സ്വകാര്യ വ്യക്തികളുടെ തോട്ടമായതിനാൽ, ആദ്യം സ്ഥലം വിട്ടുനൽകാൻ സമ്മതിച്ച ഉടമകൾ പിന്നീട് സർക്കാർ പണം നൽകിയാലേ ഭൂമി നൽകൂ എന്ന നിലപാടെടുത്തതോടെ പദ്ധതി തടസ്സപ്പെട്ടു. നിലവിലെ തൂക്കുപാലത്തിൽ നിന്ന് 400 മീറ്റർ മാറി വെട്ടിക്കാനം ഭാഗത്ത് പാലത്തിനായി സ്ഥലം സൗജന്യമായി നൽകാൻ മറ്റൊരു സ്വകാര്യ വ്യക്തി തയ്യാറായി മുന്നോട്ട് വന്നിട്ടും അധികൃതർ യാതൊരു നടപടിയും സ്വീകരിച്ചിട്ടില്ല. കൂട്ടിക്കൽ സർക്കാർ ആശുപത്രി, സ്കൂളുകൾ, കോളേജുകൾ എന്നിവിടങ്ങളിലേക്ക് പോകാനുള്ള ഏക ആശ്രയമാണിത്. 2021-ലെ പ്രളയത്തിൽ ബലക്ഷയം സംഭവിച്ച പാലത്തിന് മുകളിലേക്ക് ഏഴു മാസം മുമ്പ് ഒരു മരം കൂടി വീണത് ഇതിന്റെ അവസ്ഥ കൂടുതൽ ദയനീയമാക്കി. പുതിയ ജനപ്രതിനിധികളും സർക്കാരും അധികാരത്തിലെത്തിയതോടെ നാട്ടുകാർ വലിയ പ്രതീക്ഷയിലാണ്. മുഖ്യമന്ത്രിയെയും എം.എൽ.എയെയും നേരിൽ കണ്ട് നിവേദനം നൽകാനാണ് അവരുടെ തീരുമാനം. വാർഡ് മെമ്പറും പഞ്ചായത്ത് വൈസ് പ്രസിഡന്റുമായ രജനി രാജൻ പറയുന്നതനുസരിച്ച്, വെംബ്ലിയിലെ കോൺക്രീറ്റ് പാലമെന്ന നാട്ടുകാരുടെ സ്വപ്നം യാഥാർത്ഥ്യമാക്കാൻ പരമാവധി ശ്രമിക്കും. ഈ വിഷയം പുതിയ എം.എൽ.എയുടെ ശ്രദ്ധയിൽപ്പെടുത്തിയിട്ടുണ്ടെന്നും സർക്കാരിൽ പൂർണ്ണ പ്രതീക്ഷയുണ്ടെന്നും പഞ്ചായത്ത് ഭരണസമിതിയുമായി കൂടിയാലോചിച്ച് എം.എൽ.എ മുഖാന്തിരം സർക്കാരിനെ സമീപിക്കാനാണ് ആലോചിക്കുന്നതെന്നും അവർ കൂട്ടിച്ചേർത്തു.

സുനിൽ ജോസഫ്

പീരുമേട്, ഇടുക്കി, കേരളം•

3 hrs ago

പീരുമേട്ടിലെ തേൻപുഴയിലുള്ള ഒരു നൂറ്റാണ്ടിന്റെ പഴക്കമുള്ള തൂക്കുപാലം എന്ന് കോൺക്രീറ്റ് പാലമാകുമെന്ന ചോദ്യത്തിന് പതിറ്റാണ്ടുകൾ കഴിഞ്ഞിട്ടും ഉത്തരമില്ലാതെ തുടരുകയാണ്. കോട്ടയം - ഇടുക്കി ജില്ലകളെയും കൂട്ടിക്കൽ - കൊക്കയാർ പഞ്ചായത്തുകളെയും തമ്മിൽ ബന്ധിപ്പിക്കുന്ന ഈ പാലം പൂഞ്ഞാർ, പീരുമേട് നിയമസഭാ മണ്ഡലങ്ങളുടെ അതിർത്തികൂടിയാണ്. ബ്രിട്ടീഷ് ഭരണകാലത്ത് തോട്ടം തൊഴിലാളികൾക്കായി നിർമ്മിച്ച തടിപ്പാലം പിന്നീട് കമ്പിപ്പാലമായി മാറിയത് മുതൽ അങ്ങേയറ്റം അപകടാവസ്ഥയിലാണ്. വല്ലപ്പോഴും മാത്രം നടത്തുന്ന അറ്റകുറ്റപ്പണിക്കിടെ ഒരാൾ താഴെ വീണ് മരിച്ച സംഭവവും ഉണ്ടായിട്ടുണ്ട്. നിയമസഭാ - ലോക്സഭാ തിരഞ്ഞെടുപ്പുകളിൽ ഈ പാലം പ്രധാന വാഗ്ദാനമായി ഇടംപിടിച്ചിരുന്നു. ഓരോ ബജറ്റുകളിലും 3 കോടി മുതൽ 21 കോടി രൂപ വരെ തുക അനുവദിച്ചതായി രാഷ്ട്രീയക്കാർ പ്രചരിപ്പിക്കുകയും ഫ്ലക്സ് ബോർഡുകൾ സ്ഥാപിക്കുകയും ചെയ്തിരുന്നെങ്കിലും, രണ്ടു പതിറ്റാണ്ട് കഴിഞ്ഞിട്ടും പദ്ധതി യാഥാർത്ഥ്യമായില്ല. ഇരുട്ടിന്റെ മറവിൽ രാഷ്ട്രീയ പ്രവർത്തകർ തന്നെ ഈ ബോർഡുകൾ പിന്നീട് നീക്കം ചെയ്യുകയായിരുന്നു. തേൻപുഴയിൽ നിന്നും അപ്രോച്ച് റോഡ് നിർമ്മിച്ചാൽ മാത്രമേ പാലം പണിയാൻ കഴിയൂ എന്ന അധികാരികളുടെ തീരുമാനം പ്രതിസന്ധി ഇരട്ടിയാക്കുന്നു. പാലം മുതൽ തേൻപുഴ വരെയുള്ള ഭാഗം സ്വകാര്യ വ്യക്തികളുടെ തോട്ടമായതിനാൽ, ആദ്യം സ്ഥലം വിട്ടുനൽകാൻ സമ്മതിച്ച ഉടമകൾ പിന്നീട് സർക്കാർ പണം നൽകിയാലേ ഭൂമി നൽകൂ എന്ന നിലപാടെടുത്തതോടെ പദ്ധതി തടസ്സപ്പെട്ടു. നിലവിലെ തൂക്കുപാലത്തിൽ നിന്ന് 400 മീറ്റർ മാറി വെട്ടിക്കാനം ഭാഗത്ത് പാലത്തിനായി സ്ഥലം സൗജന്യമായി നൽകാൻ മറ്റൊരു സ്വകാര്യ വ്യക്തി തയ്യാറായി മുന്നോട്ട് വന്നിട്ടും അധികൃതർ യാതൊരു നടപടിയും സ്വീകരിച്ചിട്ടില്ല. കൂട്ടിക്കൽ സർക്കാർ ആശുപത്രി, സ്കൂളുകൾ, കോളേജുകൾ എന്നിവിടങ്ങളിലേക്ക് പോകാനുള്ള ഏക ആശ്രയമാണിത്. 2021-ലെ പ്രളയത്തിൽ ബലക്ഷയം സംഭവിച്ച പാലത്തിന് മുകളിലേക്ക് ഏഴു മാസം മുമ്പ് ഒരു മരം കൂടി വീണത് ഇതിന്റെ അവസ്ഥ കൂടുതൽ ദയനീയമാക്കി. പുതിയ ജനപ്രതിനിധികളും സർക്കാരും അധികാരത്തിലെത്തിയതോടെ നാട്ടുകാർ വലിയ പ്രതീക്ഷയിലാണ്. മുഖ്യമന്ത്രിയെയും എം.എൽ.എയെയും നേരിൽ കണ്ട് നിവേദനം നൽകാനാണ് അവരുടെ തീരുമാനം. വാർഡ് മെമ്പറും പഞ്ചായത്ത് വൈസ് പ്രസിഡന്റുമായ രജനി രാജൻ പറയുന്നതനുസരിച്ച്, വെംബ്ലിയിലെ കോൺക്രീറ്റ് പാലമെന്ന നാട്ടുകാരുടെ സ്വപ്നം യാഥാർത്ഥ്യമാക്കാൻ പരമാവധി ശ്രമിക്കും. ഈ വിഷയം പുതിയ എം.എൽ.എയുടെ ശ്രദ്ധയിൽപ്പെടുത്തിയിട്ടുണ്ടെന്നും സർക്കാരിൽ പൂർണ്ണ പ്രതീക്ഷയുണ്ടെന്നും പഞ്ചായത്ത് ഭരണസമിതിയുമായി കൂടിയാലോചിച്ച് എം.എൽ.എ മുഖാന്തിരം സർക്കാരിനെ സമീപിക്കാനാണ് ആലോചിക്കുന്നതെന്നും അവർ കൂട്ടിച്ചേർത്തു.