राज्यात सध्या हवामानात बदल होण्यास सुरुवात झाली असून, १ जूनपासून सुरू होणाऱ्या आठवड्यात हवामानात आणखी बदल अपेक्षित आहे. या काळात, प्रामुख्याने विदर्भ, मराठवाडा, मध्य महाराष्ट्र आणि खानदेशात दुपारनंतर ढग आणि काही प्रमाणात वादळी पावसाचा अंदाज वर्तवण्यात आला आहे. कोकणात देखील काही प्रमाणात पावसाची शक्यता आहे, मात्र आगामी वादळी पावसाचा मान्सूनशी कोणताही संबंध नाही, कारण मान्सून अद्याप केरळात पोहोचलेला नाही. मे महिन्याच्या तुलनेत राज्यातील कमाल तापमानात घट होईल, तरीही पूर्व विदर्भासह विदर्भाच्या काही भागांमध्ये कमाल तापमान ४० अंशांच्या वर कायम राहील. सध्याच्या स्थितीनुसार, राज्यातील बहुतांश भागांमध्ये किमान १० जूनपर्यंत मान्सूनच्या आगमनाची शक्यता नाही, असे हवामान विभागाने म्हटले आहे. कृषी आणि आपत्ती व्यवस्थापन विभागांनी शेतकरी आणि नागरिकांना संभाव्य हवामान बदल लक्षात घेऊन योग्य ती प्रतिबंधात्मक उपाययोजना करण्याचे आवाहन केले आहे. शेतकऱ्यांनी वादळी पावसावर अवलंबून राहून मान्सूनचे आगमन होण्यापूर्वी पेरणीची घाई करू नये, असा सल्ला देण्यात आला आहे. तसेच, विजेच्या कडकडाटाच्या वेळी नागरिकांनी व शेतकऱ्यांनी स्वतःची आणि पाळीव जनावरांची सुरक्षितता सुनिश्चित करावी, अशा वेळी झाडाखाली, टिनशेडखाली तसेच विद्युत ट्रान्सफॉर्मर, वीज खांब आणि विद्युत वाहिन्यांच्या जवळ उभे राहणे टाळावे, असे आवाहन करण्यात आले आहे.

कर्जत लाईव्ह

Advertising agency कर्जत, अहमदनगर, महाराष्ट्र•

1 hr ago

राज्यात सध्या हवामानात बदल होण्यास सुरुवात झाली असून, १ जूनपासून सुरू होणाऱ्या आठवड्यात हवामानात आणखी बदल अपेक्षित आहे. या काळात, प्रामुख्याने विदर्भ, मराठवाडा, मध्य महाराष्ट्र आणि खानदेशात दुपारनंतर ढग आणि काही प्रमाणात वादळी पावसाचा अंदाज वर्तवण्यात आला आहे. कोकणात देखील काही प्रमाणात पावसाची शक्यता आहे, मात्र आगामी वादळी पावसाचा मान्सूनशी कोणताही संबंध नाही, कारण मान्सून अद्याप केरळात पोहोचलेला नाही. मे महिन्याच्या तुलनेत राज्यातील कमाल तापमानात घट होईल, तरीही पूर्व विदर्भासह विदर्भाच्या काही भागांमध्ये कमाल तापमान ४० अंशांच्या वर कायम राहील. सध्याच्या स्थितीनुसार, राज्यातील बहुतांश भागांमध्ये किमान १० जूनपर्यंत मान्सूनच्या आगमनाची शक्यता नाही, असे हवामान विभागाने म्हटले आहे. कृषी आणि आपत्ती व्यवस्थापन विभागांनी शेतकरी आणि नागरिकांना संभाव्य हवामान बदल लक्षात घेऊन योग्य ती प्रतिबंधात्मक उपाययोजना करण्याचे आवाहन केले आहे. शेतकऱ्यांनी वादळी पावसावर अवलंबून राहून मान्सूनचे आगमन होण्यापूर्वी पेरणीची घाई करू नये, असा सल्ला देण्यात आला आहे. तसेच, विजेच्या कडकडाटाच्या वेळी नागरिकांनी व शेतकऱ्यांनी स्वतःची आणि पाळीव जनावरांची सुरक्षितता सुनिश्चित करावी, अशा वेळी झाडाखाली, टिनशेडखाली तसेच विद्युत ट्रान्सफॉर्मर, वीज खांब आणि विद्युत वाहिन्यांच्या जवळ उभे राहणे टाळावे, असे आवाहन करण्यात आले आहे.