बोईसर: भरधाव कंटेनरची दुचाकीला धडक; २१ वर्षीय तरुण गंभीर जखमी बोईसर: बोईसर एमआयडीसी परिसरातील टाटा कंपनीजवळ एका भरधाव कंटेनरने दुचाकीला जोरदार धडक दिल्याची घटना घडली आहे. या भीषण अपघातात २१ वर्षीय तरुण गंभीर जखमी झाला असून, कंटेनर चालकाविरुद्ध बोईसर पोलीस ठाण्यात गुन्हा दाखल करण्यात आला आहे. मिळालेल्या माहितीनुसार, फिर्यादी कपिल म्यानकुमार सिंग (४३, रा. स्वामी विवेकानंद नगर, बोईसर) यांचा मुलगा हर्षे कपिल सिंग (२१) हा ७ मार्च २०२६ रोजी सकाळी ५:०० वाजेच्या सुमारास आपल्या ॲक्टिव्हा स्कुटीने (क्र. एम.एच. ४८ सी.जी. ६७२९) जात होता. यावेळी टाटा कंपनीजवळ समोरून येणाऱ्या कंटेनरने (क्र. एन.एल. ०१ ए.एफ. ५२८६) वाहतुकीच्या नियमांकडे दुर्लक्ष करून हर्षेच्या स्कुटीला जोरदार धडक दिली. या धडकेत हर्षेच्या चेहऱ्याला, हाता-पायाला, कंबरेला आणि डोक्याला गंभीर दुखापत झाली आहे. अपघाताची माहिती मिळताच परिसरातील नागरिकांनी जखमी तरुणाला तातडीने उपचारासाठी रुग्णालयात दाखल केले. बोईसर पोलिसांनी कंटेनर चालक नालेमिठा लतीफ खान (३४, रा. बाडमेर, राजस्थान) याच्याविरुद्ध भारतीय न्याय संहिता २०२३ च्या कलम २८१, १२५ (अ) (ब) सह मोटार वाहन कायदा कलम १८४ अन्वये गुन्हा नोंदवला आहे. आरोपीला भारतीय सुरक्षा संहिता २०२३ च्या कलम ३५(३) प्रमाणे नोटीस बजावण्यात आली असून पोलीस अधिक तपास करत आहेत.

अमोल काळे

Newspaper advertising department पालघर, पालघर, महाराष्ट्र•

16 hrs ago

बोईसर: भरधाव कंटेनरची दुचाकीला धडक; २१ वर्षीय तरुण गंभीर जखमी बोईसर: बोईसर एमआयडीसी परिसरातील टाटा कंपनीजवळ एका भरधाव कंटेनरने दुचाकीला जोरदार धडक दिल्याची घटना घडली आहे. या भीषण अपघातात २१ वर्षीय तरुण गंभीर जखमी झाला असून, कंटेनर चालकाविरुद्ध बोईसर पोलीस ठाण्यात गुन्हा दाखल करण्यात आला आहे. मिळालेल्या माहितीनुसार, फिर्यादी कपिल म्यानकुमार सिंग (४३, रा. स्वामी विवेकानंद नगर, बोईसर) यांचा मुलगा हर्षे कपिल सिंग (२१) हा ७ मार्च २०२६ रोजी सकाळी ५:०० वाजेच्या सुमारास आपल्या ॲक्टिव्हा स्कुटीने (क्र. एम.एच. ४८ सी.जी. ६७२९) जात होता. यावेळी टाटा कंपनीजवळ समोरून येणाऱ्या कंटेनरने (क्र. एन.एल. ०१ ए.एफ. ५२८६) वाहतुकीच्या नियमांकडे दुर्लक्ष करून हर्षेच्या स्कुटीला जोरदार धडक दिली. या धडकेत हर्षेच्या चेहऱ्याला, हाता-पायाला, कंबरेला आणि डोक्याला गंभीर दुखापत झाली आहे. अपघाताची माहिती मिळताच परिसरातील नागरिकांनी जखमी तरुणाला तातडीने उपचारासाठी रुग्णालयात दाखल केले. बोईसर पोलिसांनी कंटेनर चालक नालेमिठा लतीफ खान (३४, रा. बाडमेर, राजस्थान) याच्याविरुद्ध भारतीय न्याय संहिता २०२३ च्या कलम २८१, १२५ (अ) (ब) सह मोटार वाहन कायदा कलम १८४ अन्वये गुन्हा नोंदवला आहे. आरोपीला भारतीय सुरक्षा संहिता २०२३ च्या कलम ३५(३) प्रमाणे नोटीस बजावण्यात आली असून पोलीस अधिक तपास करत आहेत.