ಪ್ರವಾಸಿ ಮಂದಿರದ ಆವರಣ ಸ್ವಚ್ಛಗೊಳಿಸಿ, ಅಲಂಕಾರಿಕ ಗಿಡ ನೆಡಲು ಕರವೇ ಒತ್ತಾಯ ಲಿಂಗಸುಗೂರು, ಸೆ.15: ಪಟ್ಟಣದ ಪ್ರವಾಸಿ ಮಂದಿರದ ಎರಡನೇ ಪ್ರವೇಶ ದ್ವಾರವನ್ನು ತೆರೆದು ಆವರಣವನ್ನು ಸ್ವಚ್ಛಗೊಳಿಸಿ ಅಲಂಕಾರಿಕ ಗಿಡಗಳನ್ನು ನೆಟ್ಟು ಸುಂದರಗೊಳಿಸಬೇಕು ಎಂದು ಕರ್ನಾಟಕ ರಕ್ಷಣಾ ವೇದಿಕೆ (ಪ್ರವೀಣ ಕುಮಾರ ಶೆಟ್ಟಿ) ಕಾರ್ಯಕರ್ತರು ಒತ್ತಾಯಿಸಿದರು. ಪ್ರವಾಸಿ ಮಂದಿರವು ಪಟ್ಟಣದ ಪ್ರಮುಖ ಸರ್ಕಾರಿ ಆಸ್ತಿಯಾಗಿದ್ದು, ವಿವಿಧ ಇಲಾಖೆಗಳ ಅಧಿಕಾರಿಗಳು, ಜನಪ್ರತಿನಿಧಿಗಳು ಹಾಗೂ ಗಣ್ಯರು ಇಲ್ಲಿಗೆ ಭೇಟಿ ನೀಡುತ್ತಾರೆ. ಆದರೆ ಮಂದಿರದ ಎರಡನೇ ಪ್ರವೇಶ ದ್ವಾರ ಬಳಿಯ ಪ್ರದೇಶ ಹಾಗೂ ಆವರಣದಲ್ಲಿ ಸ್ವಚ್ಛತೆಯ ಕೊರತೆ ಕಂಡುಬರುತ್ತಿದ್ದು, ನಿರ್ವಹಣೆ ಅಗತ್ಯವಾಗಿದೆ. ಎರಡನೇ ಪ್ರವೇಶ ದ್ವಾರವನ್ನು ಸಾರ್ವಜನಿಕರ ಅನುಕೂಲಕ್ಕಾಗಿ ಸಮರ್ಪಕವಾಗಿ ತೆರೆಯುವುದರ ಜೊತೆಗೆ, ಆವರಣದಲ್ಲಿರುವ ಅನಗತ್ಯ ಗಿಡಗಂಟಿ ಹಾಗೂ ಕಸವನ್ನು ತೆರವುಗೊಳಿಸಬೇಕು. ನಂತರ ಅಲಂಕಾರಿಕ ಗಿಡಗಳು, ಹೂವಿನ ಗಿಡಗಳನ್ನು ನೆಟ್ಟು ಹಸಿರು ಪರಿಸರ ನಿರ್ಮಿಸಬೇಕು. ಇದರಿಂದ ಪ್ರವಾಸಿ ಮಂದಿರದ ಸೌಂದರ್ಯ ಹೆಚ್ಚುವುದಲ್ಲದೆ, ಪಟ್ಟಣದ ಪ್ರಮುಖ ಸ್ಥಳವೊಂದು ಆಕರ್ಷಕವಾಗಿ ಕಾಣಿಸಿಕೊಳ್ಳಲಿದೆ. ಸಂಬಂಧಿಸಿದ ಅಧಿಕಾರಿಗಳು ಕೂಡಲೇ ಸ್ಥಳ ಪರಿಶೀಲಿಸಿ ಅಗತ್ಯ ಕ್ರಮ ಕೈಗೊಳ್ಳಬೇಕು ಎಂದು ಸಾರ್ವಜನಿಕರು ಆಗ್ರಹಿಸಿದರು. ಈ ಸಂದರ್ಭದಲ್ಲಿ ಸಂಘಟನೆ ಅಧ್ಯಕ್ಷ ಅಂಜನೇಯ ಭಂಡಾರಿ, ಭೀಮೇಶ ನಾಯಕ, ಶಿವು ಪತ್ತಾರ, ಸಲಿಂಖಾನ್, ಮೌನೇಶ ಬುಳ್ಳಾಪುರ, ಸಿದ್ದು ಚಲವಾದಿ ಸೇರಿ ಇತರರು ಇದ್ದರು.

Amarayya Ghanti

ಲಿಂಗಸುಗೂರು, ರಾಯಚೂರು, ಕರ್ನಾಟಕ•

12 hrs ago

ಪ್ರವಾಸಿ ಮಂದಿರದ ಆವರಣ ಸ್ವಚ್ಛಗೊಳಿಸಿ, ಅಲಂಕಾರಿಕ ಗಿಡ ನೆಡಲು ಕರವೇ ಒತ್ತಾಯ ಲಿಂಗಸುಗೂರು, ಸೆ.15: ಪಟ್ಟಣದ ಪ್ರವಾಸಿ ಮಂದಿರದ ಎರಡನೇ ಪ್ರವೇಶ ದ್ವಾರವನ್ನು ತೆರೆದು ಆವರಣವನ್ನು ಸ್ವಚ್ಛಗೊಳಿಸಿ ಅಲಂಕಾರಿಕ ಗಿಡಗಳನ್ನು ನೆಟ್ಟು ಸುಂದರಗೊಳಿಸಬೇಕು ಎಂದು ಕರ್ನಾಟಕ ರಕ್ಷಣಾ ವೇದಿಕೆ (ಪ್ರವೀಣ ಕುಮಾರ ಶೆಟ್ಟಿ) ಕಾರ್ಯಕರ್ತರು ಒತ್ತಾಯಿಸಿದರು. ಪ್ರವಾಸಿ ಮಂದಿರವು ಪಟ್ಟಣದ ಪ್ರಮುಖ ಸರ್ಕಾರಿ ಆಸ್ತಿಯಾಗಿದ್ದು, ವಿವಿಧ ಇಲಾಖೆಗಳ ಅಧಿಕಾರಿಗಳು, ಜನಪ್ರತಿನಿಧಿಗಳು ಹಾಗೂ ಗಣ್ಯರು ಇಲ್ಲಿಗೆ ಭೇಟಿ ನೀಡುತ್ತಾರೆ. ಆದರೆ ಮಂದಿರದ ಎರಡನೇ ಪ್ರವೇಶ ದ್ವಾರ ಬಳಿಯ ಪ್ರದೇಶ ಹಾಗೂ ಆವರಣದಲ್ಲಿ ಸ್ವಚ್ಛತೆಯ ಕೊರತೆ ಕಂಡುಬರುತ್ತಿದ್ದು, ನಿರ್ವಹಣೆ ಅಗತ್ಯವಾಗಿದೆ. ಎರಡನೇ ಪ್ರವೇಶ ದ್ವಾರವನ್ನು ಸಾರ್ವಜನಿಕರ ಅನುಕೂಲಕ್ಕಾಗಿ ಸಮರ್ಪಕವಾಗಿ ತೆರೆಯುವುದರ ಜೊತೆಗೆ, ಆವರಣದಲ್ಲಿರುವ ಅನಗತ್ಯ ಗಿಡಗಂಟಿ ಹಾಗೂ ಕಸವನ್ನು ತೆರವುಗೊಳಿಸಬೇಕು. ನಂತರ ಅಲಂಕಾರಿಕ ಗಿಡಗಳು, ಹೂವಿನ ಗಿಡಗಳನ್ನು ನೆಟ್ಟು ಹಸಿರು ಪರಿಸರ ನಿರ್ಮಿಸಬೇಕು. ಇದರಿಂದ ಪ್ರವಾಸಿ ಮಂದಿರದ ಸೌಂದರ್ಯ ಹೆಚ್ಚುವುದಲ್ಲದೆ, ಪಟ್ಟಣದ ಪ್ರಮುಖ ಸ್ಥಳವೊಂದು ಆಕರ್ಷಕವಾಗಿ ಕಾಣಿಸಿಕೊಳ್ಳಲಿದೆ. ಸಂಬಂಧಿಸಿದ ಅಧಿಕಾರಿಗಳು ಕೂಡಲೇ ಸ್ಥಳ ಪರಿಶೀಲಿಸಿ ಅಗತ್ಯ ಕ್ರಮ ಕೈಗೊಳ್ಳಬೇಕು ಎಂದು ಸಾರ್ವಜನಿಕರು ಆಗ್ರಹಿಸಿದರು. ಈ ಸಂದರ್ಭದಲ್ಲಿ ಸಂಘಟನೆ ಅಧ್ಯಕ್ಷ ಅಂಜನೇಯ ಭಂಡಾರಿ, ಭೀಮೇಶ ನಾಯಕ, ಶಿವು ಪತ್ತಾರ, ಸಲಿಂಖಾನ್, ಮೌನೇಶ ಬುಳ್ಳಾಪುರ, ಸಿದ್ದು ಚಲವಾದಿ ಸೇರಿ ಇತರರು ಇದ್ದರು.