திண்டுக்கல் மாவட்டம் ஒட்டன்சத்திரம் பகுதியில் இரவு நேர மது விற்பனைக்கு காவல்துறை தடை விதித்துள்ளது. இரவு முதல் நண்பகல் 12 மணி வரை மது விற்பனை செய்தால் கடும் நடவடிக்கை எடுக்கப்படும் என எச்சரிக்கை விடுக்கப்பட்டுள்ளது.

தேனி மாவட்டம் ஆண்டிபட்டி அருகே உள்ள பாலக்கோம்பை அருள்மிகு சக்தி மாரியம்மன் கோயிலின் 29 ஆம் ஆண்டு சித்திரைத் திருவிழாவில் பூக்குழி இறங்கும் வைபவம் கோலாகலமாக நடைபெற்றது. ஏராளமான பக்தர்கள் பக்திப் பரவசத்துடன் தீச்சட்டி ஏந்தியும், காவடி எடுத்தும், பூக்குழியில் இறங்கியும் தங்களது நேர்த்திக்கடனை செலுத்தினர்.

தேனி மாவட்டம் ஆண்டிபட்டி பகவதி அம்மன் கோயில் சித்திரைத் திருவிழாவில் 200க்கும் மேற்பட்ட பக்தர்கள் நேர்த்திக்கடன் செலுத்தினர். வாயில் வேல் அழகு குத்தியும், பால்குடம் ஏந்தியும் ஊர்வலமாக வந்த பக்தர்கள் அம்மனுக்கு சிறப்பு பாலபிஷேகம் செய்து வழிபட்டனர். இந்த விழாவில் ஆண்டிபட்டி மற்றும் சுற்றுவட்டாரப் பகுதிகளைச் சேர்ந்த நூற்றுக்கணக்கான பொதுமக்கள் கலந்து கொண்டு அம்மனை தரிசித்தனர்.

கேரளாவின் மூணாறுக்குச் சுற்றுலா வந்த தமிழ்நாட்டைச் சேர்ந்தவர்கள் பயணித்த பேருந்து விபத்துக்குள்ளானது. பெரிய கனால் அருகே வளைவில் திரும்பும்போது கட்டுப்பாட்டை இழந்ததால் இந்த விபத்து ஏற்பட்டது; காயமடைந்தவர்கள் மருத்துவமனைக்கு அனுப்பப்பட்டனர்.

திருச்சி திருவானைக்காவல் ஜம்புகேஸ்வரர் அகிலாண்டேஸ்வரி கோவிலில் ஓய்வு மண்டபத்தில் அமர்ந்திருந்த பக்தர்களை பணியாளர் தண்ணீர் ஊற்றி விரட்டிய சம்பவம் அதிர்ச்சியை ஏற்படுத்தியுள்ளது. தமிழகத்தின் பல பகுதிகளில் இருந்து வரும் பக்தர்கள் இந்த செயல் குறித்து உரிய நடவடிக்கை எடுக்க வலியுறுத்தியுள்ளனர்.

மதுரை மாவட்டம் பொம்மன்பட்டி கிராமத்தில் நெல் கொள்முதல் நிலையம் செயல்படாததால், விவசாயிகள் ஆட்சியர் அலுவலகம் முன் போராட்டத்தில் ஈடுபட்டனர். கைகளில் நெல்மணிகளை ஏந்தி, உடனடி நடவடிக்கை கோரி முழக்கமிட்டனர்.

திருப்பூர் ரயில் நிலையத்தில் அம்ருத் பாரத் திட்டத்தின் கீழ் நடக்கும் மேம்பாட்டுப் பணிகளை சேலம் ரயில்வே கோட்ட கூடுதல் மேலாளர் சரவணன் ஆய்வு செய்தார். அப்போது அவர் பயணிகளின் வசதிகள் மற்றும் பாதுகாப்பு அம்சங்களை நேரில் ஆய்வு செய்து பல்வேறு உத்தரவுகளைப் பிறப்பித்தார்.

பட்டிவீரன்பட்டி அருகே நடந்து சென்றவர்கள் மீது கார் மோதிய பகீர் சிசிடிவி காட்சி வெளியானது. விபத்தில் காயமடைந்தவர்கள் திண்டுக்கல் அரசு மருத்துவமனையில் அனுமதிக்கப்பட்டு, பட்டிவீரன்பட்டி காவல்துறை விசாரணை நடத்தி வருகிறது.

ஆந்திராவில் இருந்து தேனி மாவட்டத்திற்கு கஞ்சா கடத்தி வந்த நான்கு சிறுவர்கள் உட்பட ஐந்து நபர்கள் கைது. ஆந்திராவில் இருந்து தேனி மாவட்டத்திற்கு கஞ்சா கடத்தி வந்த நான்கு சிறுவர்கள் உட்பட ஐந்து நபர்கள் கைது. கைது செய்யப்பட்டவர்களிடமிருந்து எட்டு கிலோ கஞ்சா பறிமுதல். காவல்துறையினர் வழக்கு பதிவு செய்து விசாரணை. தேனி மாவட்டம் பெரியகுளம் தென்கரை காவல்துறையினருக்கு பேருந்தில் கஞ்சா கடத்தி வருவதாக ரகசிய தகவல் கிடைத்தது. மேலும் அந்த ரகசிய தகவலின் அடிப்படையில் தென்கரை காவல்துறையினர் வடுகபட்டி அருகே உள்ள பெரியகுளம் புறவழிச் சாலைப் பகுதியில் தீவிர கண்காணிப்பில் ஈடுபட்டனர். அப்பொழுது தேனி நோக்கிச் சென்ற அதிவிரைவு அரசு பேருந்தில் இருந்து இறங்கி நடந்து சென்றனர். மேலும் அவர்களை மரித்து சந்தேகிக்கும் படியாக இருந்த நான்கு சிறுவர்கள் உட்பட ஐந்து நபர்களின் உடைமைகள் பையை சோதனை செய்த பொழுது அவற்றில் கஞ்சா பதுக்கி வைத்திருந்தது தெரிய வந்தது. இதனைத் தொடர்ந்து நான்கு சிறுவர்கள் உட்பட ஐந்து நபர்களையும் கைது செய்த தென்கரை காவல் துறையினர் விசாரணை மேற்கொண்டதில், கம்பம் புதுப்பட்டியைச் சேர்ந்த ராஜேஷ் என்ற இளைஞர் நான்கு சிறுவர்களை அழைத்துக் கொண்டு ஆந்திர மாநிலம் விசாகப்பட்டினத்திற்கு சென்று கஞ்சா வாங்கியதாகவும், வாங்கிய எட்டு கிலோ கஞ்சாவை ஆந்திராவில் இருந்து ரயில் மூலமாக சென்னை வந்து அதன் பின் சென்னையில் இருந்து தேனி சென்ற அரசு விரைவு பேருந்தில் கஞ்சாவை கடத்தி வந்ததாக காவல்துறை விசாரணையில் தெரியவந்துள்ளது. அதனைத் தொடர்ந்து நான்கு சிறுவர்கள் உட்பட ஐந்து பேரை கைது செய்த காவல்துறையினர் எட்டு கிலோ கஞ்சாவையும் பறிமுதல் செய்து விசாரணை மேற்கொண்டு வருகின்றனர்

மணப்பாறை அடுத்த குப்பனார்பட்டியைச் சேர்ந்த அறிவழகன், மாட்டுக்கு தட்டை எடுக்கச் சென்றபோது கிணற்றில் விழுந்து உயிரிழந்தார். நீண்ட நேரமாகியும் வீடு திரும்பாததால், தேடப்பட்ட நிலையில் அவர் கிணற்றிலிருந்து சடலமாக மீட்கப்பட்டார். இந்த சம்பவம் குறித்து மணப்பாறை காவல்துறையினர் வழக்குப்பதிவு செய்து விசாரித்து வருகின்றனர்.