*విద్యార్థులు లక్ష్యశుద్ధితో చదివి ఉన్నత శిఖరాలను అధిరోహించాలి: జిల్లా కలెక్టర్ రాజర్షిషా* విద్యార్థులు క్రమశిక్షణతో చదువుకుని, ఉన్నత లక్ష్యాలను చేరుకోవాలని జిల్లా కలెక్టర్ రాజర్షిషా పిలుపునిచ్చారు. పత్రికా ప్రకటన ఏప్రిల్ 21, 2026_ఆదిలాబాదు: మంగళవారం ‘ప్రజాపాలన - ప్రగతి ప్రణాళిక’ 99 రోజుల సంక్షేమ వారోత్సవాల్లో భాగంగా ఇచ్చోడ మండలంలోని గిరిజన సంక్షేమ గురుకుల బాలికల పాఠశాల ఆయన సందర్శించారు. ఈ సందర్భంగా పాఠశాలలో ‘స్టూడెంట్ టాలెంట్ ఫెస్ట్’లో భాగంగా నిర్వహించిన వక్తృత్వ, క్విజ్, చిత్రలేఖన పోటీల్లో గెలుపొందిన విద్యార్థులకు కలెక్టర్ బహుమతులు అందజేశారు. అనంతరం కలెక్టర్ మాట్లాడుతూ, విద్యార్థుల్లో దాగి ఉన్న సృజనాత్మకతను బయటకు తీసేందుకు ఇలాంటి వేదికలు ఎంతగానో దోహదపడతాయని అన్నారు. గత ఏడాది ఇంటర్ ఫలితాల్లో ఈ కళాశాల 91 శాతం ఉత్తీర్ణత సాధించడం పట్ల హర్షం వ్యక్తం చేశారు. ఉచిత విద్యతో పాటు ఉన్నత చదువుల కోసం ప్రభుత్వం కల్పిస్తున్న ‘స్టార్ 50’ వంటి శిక్షణ కార్యక్రమాలను విద్యార్థులు సద్వినియోగం చేసుకోవాలని కోరారు. ముఖ్యంగా బాలికా విద్య ఆవశ్యకతను గుర్తు చేస్తూ, 6 నుండి 14 ఏళ్ల పిల్లలందరికీ ఉచిత నిర్బంధ విద్యను అందించే 'రైట్ టు ఎడ్యుకేషన్' చట్టం గురించి వివరించారు. సెలవుల అనంతరం విద్యార్థులు గైర్హాజరు కాకుండా పాఠశాలలకు రావాలని, డ్రాపౌట్స్ లేకుండా చూడటంలో ఉపాధ్యాయులు, తల్లిదండ్రులు చొరవ చూపాలని సూచించారు. అనంతరం అధికారులతో కలిసి పాఠశాల ప్రాంగణాన్ని కలెక్టర్ తనిఖీ చేశారు. గత ఏడాది వరదల కారణంగా కూలిపోయిన ప్రహరీ గోడ సమస్యను పరిష్కరించేందుకు, పాఠశాల ఆధునీకరణకు 2 కోట్ల రూపాయల నిధులు మంజూరయ్యాయని వెల్లడించారు. ఈ నిధులతో విద్యుత్, తాగునీరు, టాయిలెట్లు, అదనపు తరగతి గదులు, డార్మిటరీల మరమ్మత్తు పనులు చేపట్టనున్నట్లు తెలిపారు. వేసవి దృష్ట్యా విద్యార్థులు ఆరోగ్యంపై శ్రద్ధ వహించాలని, సరిపడా నీరు తాగుతూ హైడ్రేటెడ్‌గా ఉండాలని, ప్రతి గురువారం ఐరన్ ఫోలిక్ యాసిడ్ టాబ్లెట్లను తప్పనిసరిగా తీసుకోవాలని సూచించారు. అనంతరం పాఠశాల ప్రాంగణంలోని కూలిన ప్రహరీగోడ, డ్రైనేజీ నిర్మాణాలను కలెక్టర్, అధికారులతో కలిసి పరిశీలించి పలు సూచనలు చేశారు. ఈ కార్యక్రమంలో డిపిఓ రమేష్, డిఎల్పిఓ ఫణిందర్, పంచాయతీ రాజ్ ఈఈ శివరాం, ట్రైబల్ వెల్ఫేర్ ఈఈ తనాజీ, తహసిల్దార్ ఇమ్రాన్ ఖాన్, ఎంపిడిఓ రవీందర్, ప్రిన్సిపాల్ గీతాంజలి, ఉపాధ్యాయులు, విద్యార్థులు పాల్గొన్నారు.

M.RAJKIRAN REDDY

Adilabad Rural, Telangana•

2 hrs ago

*విద్యార్థులు లక్ష్యశుద్ధితో చదివి ఉన్నత శిఖరాలను అధిరోహించాలి: జిల్లా కలెక్టర్ రాజర్షిషా* విద్యార్థులు క్రమశిక్షణతో చదువుకుని, ఉన్నత లక్ష్యాలను చేరుకోవాలని జిల్లా కలెక్టర్ రాజర్షిషా పిలుపునిచ్చారు. పత్రికా ప్రకటన ఏప్రిల్ 21, 2026_ఆదిలాబాదు: మంగళవారం ‘ప్రజాపాలన - ప్రగతి ప్రణాళిక’ 99 రోజుల సంక్షేమ వారోత్సవాల్లో భాగంగా ఇచ్చోడ మండలంలోని గిరిజన సంక్షేమ గురుకుల బాలికల పాఠశాల ఆయన సందర్శించారు. ఈ సందర్భంగా పాఠశాలలో ‘స్టూడెంట్ టాలెంట్ ఫెస్ట్’లో భాగంగా నిర్వహించిన వక్తృత్వ, క్విజ్, చిత్రలేఖన పోటీల్లో గెలుపొందిన విద్యార్థులకు కలెక్టర్ బహుమతులు అందజేశారు. అనంతరం కలెక్టర్ మాట్లాడుతూ, విద్యార్థుల్లో

దాగి ఉన్న సృజనాత్మకతను బయటకు తీసేందుకు ఇలాంటి వేదికలు ఎంతగానో దోహదపడతాయని అన్నారు. గత ఏడాది ఇంటర్ ఫలితాల్లో ఈ కళాశాల 91 శాతం ఉత్తీర్ణత సాధించడం పట్ల హర్షం వ్యక్తం చేశారు. ఉచిత విద్యతో పాటు ఉన్నత చదువుల కోసం ప్రభుత్వం కల్పిస్తున్న ‘స్టార్ 50’ వంటి శిక్షణ కార్యక్రమాలను విద్యార్థులు సద్వినియోగం చేసుకోవాలని కోరారు. ముఖ్యంగా బాలికా విద్య ఆవశ్యకతను గుర్తు చేస్తూ, 6 నుండి 14 ఏళ్ల పిల్లలందరికీ ఉచిత నిర్బంధ విద్యను అందించే 'రైట్ టు

ఎడ్యుకేషన్' చట్టం గురించి వివరించారు. సెలవుల అనంతరం విద్యార్థులు గైర్హాజరు కాకుండా పాఠశాలలకు రావాలని, డ్రాపౌట్స్ లేకుండా చూడటంలో ఉపాధ్యాయులు, తల్లిదండ్రులు చొరవ చూపాలని సూచించారు. అనంతరం అధికారులతో కలిసి పాఠశాల ప్రాంగణాన్ని కలెక్టర్ తనిఖీ చేశారు. గత ఏడాది వరదల కారణంగా కూలిపోయిన ప్రహరీ గోడ సమస్యను పరిష్కరించేందుకు, పాఠశాల ఆధునీకరణకు 2 కోట్ల రూపాయల నిధులు మంజూరయ్యాయని వెల్లడించారు. ఈ నిధులతో విద్యుత్, తాగునీరు, టాయిలెట్లు, అదనపు తరగతి గదులు, డార్మిటరీల మరమ్మత్తు పనులు చేపట్టనున్నట్లు తెలిపారు. వేసవి దృష్ట్యా

విద్యార్థులు ఆరోగ్యంపై శ్రద్ధ వహించాలని, సరిపడా నీరు తాగుతూ హైడ్రేటెడ్‌గా ఉండాలని, ప్రతి గురువారం ఐరన్ ఫోలిక్ యాసిడ్ టాబ్లెట్లను తప్పనిసరిగా తీసుకోవాలని సూచించారు. అనంతరం పాఠశాల ప్రాంగణంలోని కూలిన ప్రహరీగోడ, డ్రైనేజీ నిర్మాణాలను కలెక్టర్, అధికారులతో కలిసి పరిశీలించి పలు సూచనలు చేశారు. ఈ కార్యక్రమంలో డిపిఓ రమేష్, డిఎల్పిఓ ఫణిందర్, పంచాయతీ రాజ్ ఈఈ శివరాం, ట్రైబల్ వెల్ఫేర్ ఈఈ తనాజీ, తహసిల్దార్ ఇమ్రాన్ ఖాన్, ఎంపిడిఓ రవీందర్, ప్రిన్సిపాల్ గీతాంజలి, ఉపాధ్యాయులు, విద్యార్థులు పాల్గొన్నారు.