అనుమతులు లేని ప్రైవేట్ విద్యాసంస్థలపై వెంటనే చర్యలు తీసుకోవాలి - యుడైస్ కోడ్ నమోదు కాకుండానే శ్రీ చైతన్య తపస్య విద్యాసంస్థ నిర్వహణ - డీఈవో నిర్లక్ష్య వైఖరిపై స్వతంత్ర విచారణ జరపాలి: యూఎస్‌ఎఫ్‌ఐ మదనపల్లె : ప్రభుత్వ అనుమతులు, యూడైస్ నమోదు లేకుండానే నిర్వహిస్తున్న ప్రైవేట్ విద్యాసంస్థలపై తక్షణ చర్యలు తీసుకోవాలని భారత ఐక్య విద్యార్థి ఫెడరేషన్ (యూఎస్‌ఎఫ్‌ఐ) డిమాండ్ చేసింది. మదనపల్లి మండలం కోళ్ల బైలు పంచాయతీ పరిధిలోని శ్రీ చైతన్య తపస్యా విద్యాసంస్థ ప్రభుత్వ అనుమతులు లేకుండానే సుమారు 300 నుంచి 400 మంది విద్యార్థులతో తరగతులు నిర్వహిస్తున్నట్లు ఆరోపించిన యూఎస్‌ఎఫ్‌ఐ, దీనిపై సంబంధిత అధికారులు ఇప్పటివరకు చర్యలు తీసుకోకపోవడం పట్ల తీవ్ర ఆందోళన వ్యక్తం చేసింది. ఈ అంశంపై శుక్రవారం జిల్లా విద్యాశాఖ కార్యాలయం ఎదుట యూఎస్‌ఎఫ్‌ఐ ఆధ్వర్యంలో ధర్నా నిర్వహించి, కార్యాలయ సూపరింటెండెంట్ ఉషారాణికి వినతిపత్రం సమర్పించారు. ఈ సందర్భంగా యూఎస్‌ఎఫ్‌ఐ రాష్ట్ర ఉపాధ్యక్షుడు నరసింహ సర్వేపల్లి మాట్లాడుతూ, అనుమతి లేని ప్రైవేట్ విద్యాసంస్థల్లో విద్యార్థుల హాజరు యూడైస్ లో నమోదు లేకపోవడం వల్ల విద్యార్థుల విద్యా రికార్డులు, తదుపరి తరగతులకు ప్రమోషన్, ప్రభుత్వ సంక్షేమ పథకాల అమలు వంటి అంశాలు ప్రభావితమయ్యే అవకాశం ఉందన్నారు. విద్యార్థుల నుంచి అడ్మిషన్ ఫీజులు, పాఠ్యపుస్తకాలు, యూనిఫాం తదితర పేర్లతో భారీ మొత్తంలో ఫీజులు వసూలు చేస్తున్నప్పటికీ, ప్రభుత్వ నిబంధనల అమలుపై డీఈవో నిర్లక్ష్యం చూపుతున్నారన్నారు. అలాగే మదనపల్లెలో అనేక ప్లే స్కూళ్లు కూడా ప్రభుత్వ అనుమతులు లేకుండానే నిర్వహిస్తూ ఒక్కో విద్యార్థి నుంచి రూ.45 వేల నుంచి రూ.60 వేల వరకు ఫీజులు వసూలు చేస్తున్నప్పటికీ అధికారులు పట్టించుకోవడం లేదని ఆరోపించారు. రాయచోటి ప్రాంతంలోని ఫ్యూచర్ ఆన్, డెక్కన్ స్కూల్, కలికిరిలోని తపస్యా స్కూల్, విజయవాణి స్కూల్ తదితర విద్యాసంస్థల్లో ప్రభుత్వ అనుమతులు, యూడైస్ నమోదు, ఇతర నిబంధనల అమలుపై సమగ్ర విచారణ చేపట్టాలని డిమాండ్ చేశారు. జిల్లా విద్యాశాఖ అధికారి డా. కే. సుబ్రమణ్యం పనితీరు పై ప్రభుత్వం స్వతంత్ర విచారణ జరపాలన్నారు. ప్రభుత్వ అనుమతులు లేకుండా నడుస్తున్న విద్యాసంస్థలపై తక్షణ చర్యలు తీసుకోకపోతే ఆందోళన ఉధృతం చేస్తామని హెచ్చరించారు. కార్యక్రమంలో జిల్లా నాయకులు కమలాకర్, గణేష్, ఆఫ్రిద్, యువరాజ్, ప్రేమ్, యాసిన్ పాల్గొన్నారు.

శ్రీనాధుడు ఎం

మదనపల్లె, అన్నమయ్య, ఆంధ్రప్రదేశ్•

8 hrs ago

అనుమతులు లేని ప్రైవేట్ విద్యాసంస్థలపై వెంటనే చర్యలు తీసుకోవాలి - యుడైస్ కోడ్ నమోదు కాకుండానే శ్రీ చైతన్య తపస్య విద్యాసంస్థ నిర్వహణ - డీఈవో నిర్లక్ష్య వైఖరిపై స్వతంత్ర విచారణ జరపాలి: యూఎస్‌ఎఫ్‌ఐ మదనపల్లె : ప్రభుత్వ అనుమతులు, యూడైస్ నమోదు లేకుండానే నిర్వహిస్తున్న ప్రైవేట్ విద్యాసంస్థలపై తక్షణ చర్యలు తీసుకోవాలని భారత ఐక్య విద్యార్థి ఫెడరేషన్ (యూఎస్‌ఎఫ్‌ఐ) డిమాండ్ చేసింది. మదనపల్లి మండలం కోళ్ల బైలు పంచాయతీ పరిధిలోని శ్రీ చైతన్య తపస్యా విద్యాసంస్థ ప్రభుత్వ అనుమతులు లేకుండానే సుమారు 300 నుంచి 400 మంది విద్యార్థులతో తరగతులు నిర్వహిస్తున్నట్లు ఆరోపించిన యూఎస్‌ఎఫ్‌ఐ, దీనిపై సంబంధిత అధికారులు ఇప్పటివరకు చర్యలు తీసుకోకపోవడం పట్ల తీవ్ర ఆందోళన వ్యక్తం చేసింది. ఈ అంశంపై శుక్రవారం జిల్లా విద్యాశాఖ కార్యాలయం ఎదుట యూఎస్‌ఎఫ్‌ఐ ఆధ్వర్యంలో ధర్నా నిర్వహించి, కార్యాలయ సూపరింటెండెంట్ ఉషారాణికి వినతిపత్రం సమర్పించారు. ఈ సందర్భంగా యూఎస్‌ఎఫ్‌ఐ రాష్ట్ర ఉపాధ్యక్షుడు నరసింహ సర్వేపల్లి మాట్లాడుతూ, అనుమతి లేని ప్రైవేట్ విద్యాసంస్థల్లో విద్యార్థుల హాజరు యూడైస్ లో నమోదు లేకపోవడం వల్ల విద్యార్థుల విద్యా రికార్డులు,

తదుపరి తరగతులకు ప్రమోషన్, ప్రభుత్వ సంక్షేమ పథకాల అమలు వంటి అంశాలు ప్రభావితమయ్యే అవకాశం ఉందన్నారు. విద్యార్థుల నుంచి అడ్మిషన్ ఫీజులు, పాఠ్యపుస్తకాలు, యూనిఫాం తదితర పేర్లతో భారీ మొత్తంలో ఫీజులు వసూలు చేస్తున్నప్పటికీ, ప్రభుత్వ నిబంధనల అమలుపై డీఈవో నిర్లక్ష్యం చూపుతున్నారన్నారు. అలాగే మదనపల్లెలో అనేక ప్లే స్కూళ్లు కూడా ప్రభుత్వ అనుమతులు లేకుండానే నిర్వహిస్తూ ఒక్కో విద్యార్థి నుంచి రూ.45 వేల నుంచి రూ.60 వేల వరకు ఫీజులు వసూలు చేస్తున్నప్పటికీ అధికారులు పట్టించుకోవడం లేదని ఆరోపించారు. రాయచోటి ప్రాంతంలోని ఫ్యూచర్ ఆన్, డెక్కన్ స్కూల్, కలికిరిలోని తపస్యా స్కూల్, విజయవాణి స్కూల్ తదితర విద్యాసంస్థల్లో ప్రభుత్వ అనుమతులు, యూడైస్ నమోదు, ఇతర నిబంధనల అమలుపై సమగ్ర విచారణ చేపట్టాలని డిమాండ్ చేశారు. జిల్లా విద్యాశాఖ అధికారి డా. కే. సుబ్రమణ్యం పనితీరు పై ప్రభుత్వం స్వతంత్ర విచారణ జరపాలన్నారు. ప్రభుత్వ అనుమతులు లేకుండా నడుస్తున్న విద్యాసంస్థలపై తక్షణ చర్యలు తీసుకోకపోతే ఆందోళన ఉధృతం చేస్తామని హెచ్చరించారు. కార్యక్రమంలో జిల్లా నాయకులు కమలాకర్, గణేష్, ఆఫ్రిద్, యువరాజ్, ప్రేమ్, యాసిన్ పాల్గొన్నారు.