अर्जुनी-मोरगाव विधानसभा मतदारसंघाचे आमदार आणि माजी मंत्री राजकुमार बडोले यांनी सामाजिक न्याय मंत्री संजय शिरसाट यांच्याकडे अनुसूचित जाती व नवबौद्ध मुलांसाठी तात्पुरत्या स्वरूपात भाडेतत्त्वावरील इमारतीमध्ये निवासी शाळा सुरू करण्याची मागणी केली आहे. चालू शैक्षणिक वर्षात प्रवेश घेतलेल्या विद्यार्थ्यांचे शैक्षणिक नुकसान टाळण्यासाठी त्यांनी पत्राद्वारे ही मागणी केली आहे. आमदार बडोले यांनी पत्रात नमूद केले आहे की, सामाजिक न्याय विभागाच्या माध्यमातून अर्जुनी-मोरगाव येथे ही शाळा सुरू करण्यात येत असून चालू शैक्षणिक वर्षासाठी ६५ विद्यार्थ्यांनी प्रवेश घेतला आहे. मात्र, सार्वजनिक बांधकाम विभागामार्फत सुरू असलेले शाळेच्या नवीन इमारतीचे बांधकाम अद्याप पूर्ण झालेले नाही, त्यामुळे ही इमारत सामाजिक न्याय विभागाकडे हस्तांतरित झालेली नाही. बांधकाम विभागाच्या माहितीनुसार, इमारतीचे काम पूर्ण होण्यासाठी आणखी एक ते दोन महिने किंवा दिवाळीपर्यंतचा कालावधी लागू शकतो, ज्यामुळे निवासी शाळा सुरू होण्यास विलंब होऊन विद्यार्थ्यांच्या शिक्षणावर प्रतिकूल परिणाम होण्याची शक्यता आहे. या पार्श्वभूमीवर, विद्यार्थ्यांचे शैक्षणिक नुकसान टाळण्यासाठी आणि त्यांचे शैक्षणिक वर्ष सुरळीत सुरू राहण्यासाठी तातडीने भाडेतत्त्वावरील योग्य इमारत उपलब्ध करून शाळा सुरू करण्याचे निर्देश संबंधित यंत्रणेला द्यावेत, अशी विनंती बडोले यांनी केली आहे. तसेच नवीन इमारतीचे काम पूर्ण होऊन ती हस्तांतरित झाल्यानंतर शाळा त्या नवीन इमारतीत स्थलांतरित करण्यात यावी, असेही त्यांनी पत्रात नमूद केले असून या मागणीवर तातडीने सकारात्मक निर्णय घेण्याची विनंती केली आहे.

Ashlesh Made

साडक-अर्जुनी, गोंदिया, महाराष्ट्र•

1 hr ago

अर्जुनी-मोरगाव विधानसभा मतदारसंघाचे आमदार आणि माजी मंत्री राजकुमार बडोले यांनी सामाजिक न्याय मंत्री संजय शिरसाट यांच्याकडे अनुसूचित जाती व नवबौद्ध मुलांसाठी तात्पुरत्या स्वरूपात भाडेतत्त्वावरील इमारतीमध्ये निवासी शाळा सुरू करण्याची मागणी केली आहे. चालू शैक्षणिक वर्षात प्रवेश घेतलेल्या विद्यार्थ्यांचे शैक्षणिक नुकसान टाळण्यासाठी त्यांनी पत्राद्वारे ही मागणी केली आहे. आमदार बडोले यांनी पत्रात नमूद केले आहे की, सामाजिक न्याय विभागाच्या माध्यमातून अर्जुनी-मोरगाव येथे ही शाळा सुरू करण्यात येत असून चालू शैक्षणिक वर्षासाठी ६५ विद्यार्थ्यांनी प्रवेश घेतला आहे. मात्र, सार्वजनिक बांधकाम विभागामार्फत सुरू असलेले शाळेच्या नवीन इमारतीचे बांधकाम अद्याप पूर्ण झालेले नाही, त्यामुळे ही इमारत सामाजिक न्याय विभागाकडे हस्तांतरित झालेली नाही. बांधकाम विभागाच्या माहितीनुसार, इमारतीचे काम पूर्ण होण्यासाठी आणखी एक ते दोन महिने किंवा दिवाळीपर्यंतचा कालावधी लागू शकतो, ज्यामुळे निवासी शाळा सुरू होण्यास विलंब होऊन विद्यार्थ्यांच्या शिक्षणावर प्रतिकूल परिणाम होण्याची शक्यता आहे. या पार्श्वभूमीवर, विद्यार्थ्यांचे शैक्षणिक नुकसान टाळण्यासाठी आणि त्यांचे शैक्षणिक वर्ष सुरळीत सुरू राहण्यासाठी तातडीने भाडेतत्त्वावरील योग्य इमारत उपलब्ध करून शाळा सुरू करण्याचे निर्देश संबंधित यंत्रणेला द्यावेत, अशी विनंती बडोले यांनी केली आहे. तसेच नवीन इमारतीचे काम पूर्ण होऊन ती हस्तांतरित झाल्यानंतर शाळा त्या नवीन इमारतीत स्थलांतरित करण्यात यावी, असेही त्यांनी पत्रात नमूद केले असून या मागणीवर तातडीने सकारात्मक निर्णय घेण्याची विनंती केली आहे.