చిరుత దాడితో రెండు ఆవులు మృతి రూ.60 వేల నష్టం.. ప్రభుత్వ పరిహారం అందించాలని బాధితుడి విజ్ఞప్తి గండీడ్: గండీడ్ మండలం పెద్ద వార్వాల్ గ్రామంలో చిరుత దాడి కలకలం రేపింది. సోమవారం రాత్రి పొలం వద్ద కట్టేసిన రెండు ఆవులు చిరుత దాడిలో మృతి చెందాయి. గ్రామానికి చెందిన శివ్వని బాలయ్య ఎప్పటిలాగే తన ఆవులను పొలం వద్ద కట్టేసి సాయంత్రం ఇంటికి చేరుకున్నారు. రాత్రి 8.30 గంటల సమయంలో పశువులు పెద్దగా అరుస్తుండటాన్ని గమనించిన సాలార్‌నగర్ గ్రామస్తులు బాలయ్యకు సమాచారం అందించారు.వెంటనే బాలయ్యతో పాటు పలువురు రైతులు పశువులు ఉన్న ప్రాంతానికి వెళ్లారు. అయితే రాత్రి 10 గంటల సమయంలో అక్కడికి చేరుకునే సరికి రెండు ఆవులు మృతి చెంది కనిపించాయి. పశువులపై చిరుత దాడి చేయడంతోనే అవి మృతి చెందినట్లు గ్రామస్తులు తెలిపారు. ఈ ఘటనతో బాలయ్య కుటుంబం తీవ్ర విషాదంలో మునిగిపోయింది. గండీడ్ మండలంలోని పలు గ్రామాల్లో చిరుతల సంచారం పెరిగిందని, తరచూ పశువులపై దాడులు జరుగుతున్నా అధికారులు తగిన చర్యలు తీసుకోవడం లేదని గ్రామస్తులు ఆరోపించారు. గతంలోనూ ఈ ప్రాంతంలో చిరుతల దాడుల కారణంగా 10 నుంచి 15 పశువులు మృతి చెందినట్లు తెలిపారు. మనుషులపై దాడి జరిగిన తర్వాతే అధికారులు స్పందిస్తారా అంటూ ఆందోళన వ్యక్తం చేశారు. దీంతో రైతులు పొలాల వద్ద పశువులను కట్టివేయడానికి భయపడుతున్నారు.మృతి చెందిన రెండు ఆవుల విలువ సుమారు రూ.60 వేల వరకు ఉంటుందని బాధితుడు బాలయ్య తెలిపారు. పశువులే తమ కుటుంబానికి ప్రధాన జీవనాధారమని, వాటి మృతితో తీవ్ర ఆర్థిక నష్టం వాటిల్లిందని ఆవేదన వ్యక్తం చేశారు. ప్రభుత్వం వెంటనే స్పందించి పరిహారం అందించాలని కోరారు. చిరుతల సంచారాన్ని నియంత్రించేందుకు అటవీశాఖ అధికారులు చర్యలు చేపట్టి, గ్రామాల్లో భద్రతా ఏర్పాట్లు చేయాలని గ్రామస్తులు విజ్ఞప్తి చేశారు.

J.rr

మహమ్మదాబాద్, మహబూబ్‌నగర్, తెలంగాణ•

16 hrs ago

చిరుత దాడితో రెండు ఆవులు మృతి రూ.60 వేల నష్టం.. ప్రభుత్వ పరిహారం అందించాలని బాధితుడి విజ్ఞప్తి గండీడ్: గండీడ్ మండలం పెద్ద వార్వాల్ గ్రామంలో చిరుత దాడి కలకలం రేపింది. సోమవారం రాత్రి పొలం వద్ద కట్టేసిన రెండు ఆవులు చిరుత దాడిలో మృతి చెందాయి. గ్రామానికి చెందిన శివ్వని బాలయ్య ఎప్పటిలాగే తన ఆవులను పొలం వద్ద కట్టేసి సాయంత్రం ఇంటికి చేరుకున్నారు. రాత్రి 8.30 గంటల సమయంలో పశువులు పెద్దగా అరుస్తుండటాన్ని గమనించిన సాలార్‌నగర్ గ్రామస్తులు బాలయ్యకు సమాచారం అందించారు.వెంటనే బాలయ్యతో పాటు పలువురు రైతులు పశువులు ఉన్న ప్రాంతానికి వెళ్లారు. అయితే రాత్రి 10 గంటల సమయంలో అక్కడికి చేరుకునే సరికి రెండు ఆవులు మృతి చెంది కనిపించాయి. పశువులపై చిరుత దాడి చేయడంతోనే అవి మృతి చెందినట్లు గ్రామస్తులు తెలిపారు. ఈ ఘటనతో బాలయ్య కుటుంబం తీవ్ర విషాదంలో

మునిగిపోయింది. గండీడ్ మండలంలోని పలు గ్రామాల్లో చిరుతల సంచారం పెరిగిందని, తరచూ పశువులపై దాడులు జరుగుతున్నా అధికారులు తగిన చర్యలు తీసుకోవడం లేదని గ్రామస్తులు ఆరోపించారు. గతంలోనూ ఈ ప్రాంతంలో చిరుతల దాడుల కారణంగా 10 నుంచి 15 పశువులు మృతి చెందినట్లు తెలిపారు. మనుషులపై దాడి జరిగిన తర్వాతే అధికారులు స్పందిస్తారా అంటూ ఆందోళన వ్యక్తం చేశారు. దీంతో రైతులు పొలాల వద్ద పశువులను కట్టివేయడానికి భయపడుతున్నారు.మృతి చెందిన రెండు ఆవుల విలువ సుమారు రూ.60 వేల వరకు ఉంటుందని బాధితుడు బాలయ్య తెలిపారు. పశువులే తమ కుటుంబానికి ప్రధాన జీవనాధారమని, వాటి మృతితో తీవ్ర ఆర్థిక నష్టం వాటిల్లిందని ఆవేదన వ్యక్తం చేశారు. ప్రభుత్వం వెంటనే స్పందించి పరిహారం అందించాలని కోరారు. చిరుతల సంచారాన్ని నియంత్రించేందుకు అటవీశాఖ అధికారులు చర్యలు చేపట్టి, గ్రామాల్లో భద్రతా ఏర్పాట్లు చేయాలని గ్రామస్తులు విజ్ఞప్తి చేశారు.