સુરતમાં ખાડી પૂરની સ્થિતિ અને તેના કારણે થયેલા નુકસાનની સમીક્ષા કરવા માટે સર્કિટ હાઉસ ખાતે એક હાઈ લેવલ બેઠક યોજાઈ હતી. મંત્રી કનુભાઈ દેસાઈની અધ્યક્ષતામાં યોજાયેલી આ મહત્વની બેઠકમાં ભવિષ્યની રણનીતિ અને ખાડી પૂરનો કાયમી ઉકેલ લાવવા પર વિશેષ ભાર મૂકવામાં આવ્યો હતો. આ ઉચ્ચસ્તરીય બેઠકમાં મેયર, કમિશનર સહિતના વરિષ્ઠ અધિકારીઓ, ભાજપના દિગ્ગજ નેતાઓ, ધારાસભ્યો અને અન્ય પદાધિકારીઓ હાજર રહ્યા હતા. આ બેઠક અંગે નાયબ મુખ્ય મંત્રી હર્ષ સંઘવીએ જણાવ્યું હતું કે, પૂરગ્રસ્ત અંદાજે 3300 જેટલા લોકોને કેશડોલ ચૂકવવામાં આવી છે. આ ઉપરાંત, પૂરના કારણે થયેલા મૃત્યુના મામલે પણ સર્વે કરીને યોગ્ય સહાય આપવામાં આવશે. સરકાર દ્વારા પૂરગ્રસ્તો માટે આર્થિક સહાયની સાથે-સાથે આરોગ્ય ક્ષેત્રે પણ જરૂરી કામગીરી કરવામાં આવશે. પૂર બાદ નુકસાનીના આંકલન માટે સુરતના તમામ રહેણાંક અને કોમર્શિયલ વિસ્તારોમાં સર્વેની કામગીરી આજે રાત સુધીમાં પૂર્ણ કરી દેવામાં આવશે. જે વિસ્તારોમાં અધિકારીઓ દ્વારા સર્વે કરવાનું રહી ગયું હોય, ત્યાંના પૂરગ્રસ્ત લોકો માટે ઓનલાઇન સર્વેની સુવિધા શરૂ કરવામાં આવી છે, જેથી લોકો ઓનલાઇન વેબસાઇટ પર પોતાની તમામ માહિતી ભરીને સર્વે કરાવી શકશે.

Raftar surat news

Katargam, Surat•

2 hrs ago

સુરતમાં ખાડી પૂરની સ્થિતિ અને તેના કારણે થયેલા નુકસાનની સમીક્ષા કરવા માટે સર્કિટ હાઉસ ખાતે એક હાઈ લેવલ બેઠક યોજાઈ હતી. મંત્રી કનુભાઈ દેસાઈની અધ્યક્ષતામાં યોજાયેલી આ મહત્વની બેઠકમાં ભવિષ્યની રણનીતિ અને ખાડી પૂરનો કાયમી ઉકેલ લાવવા પર વિશેષ ભાર મૂકવામાં આવ્યો હતો. આ ઉચ્ચસ્તરીય બેઠકમાં મેયર, કમિશનર સહિતના વરિષ્ઠ અધિકારીઓ, ભાજપના દિગ્ગજ નેતાઓ, ધારાસભ્યો અને અન્ય પદાધિકારીઓ હાજર રહ્યા હતા. આ બેઠક અંગે નાયબ મુખ્ય મંત્રી હર્ષ સંઘવીએ જણાવ્યું હતું કે, પૂરગ્રસ્ત અંદાજે 3300 જેટલા લોકોને કેશડોલ ચૂકવવામાં આવી છે. આ ઉપરાંત, પૂરના કારણે થયેલા મૃત્યુના મામલે પણ સર્વે કરીને યોગ્ય સહાય આપવામાં આવશે. સરકાર દ્વારા પૂરગ્રસ્તો માટે આર્થિક સહાયની સાથે-સાથે આરોગ્ય ક્ષેત્રે પણ જરૂરી કામગીરી કરવામાં આવશે. પૂર બાદ નુકસાનીના આંકલન માટે સુરતના તમામ રહેણાંક અને કોમર્શિયલ વિસ્તારોમાં સર્વેની કામગીરી આજે રાત સુધીમાં પૂર્ણ કરી દેવામાં આવશે. જે વિસ્તારોમાં અધિકારીઓ દ્વારા સર્વે કરવાનું રહી ગયું હોય, ત્યાંના પૂરગ્રસ્ત લોકો માટે ઓનલાઇન સર્વેની સુવિધા શરૂ કરવામાં આવી છે, જેથી લોકો ઓનલાઇન વેબસાઇટ પર પોતાની તમામ માહિતી ભરીને સર્વે કરાવી શકશે.