കരിമ്പുഴ ഗ്രാമപഞ്ചായത്തിൽ പകർച്ചപ്പനി വ്യാപകമായതിനെത്തുടർന്ന് മരണങ്ങൾ റിപ്പോർട്ട് ചെയ്ത സാഹചര്യത്തിൽ, എം.എൽ.എയുടെ മുൻകൈയിൽ സൗജന്യ മെഡിക്കൽ ക്യാമ്പ് സംഘടിപ്പിച്ചു. നിലവിൽ പഞ്ചായത്തിൻ്റെ വിവിധ ഭാഗങ്ങളിൽ നിന്നുള്ള നിരവധി പേർ പനിബാധിച്ച് ആശുപത്രികളിൽ ചികിത്സയിലാണ്. പെരിന്തൽമണ്ണ ഇ.എം.എസ് ആശുപത്രിയിലെ അഞ്ച് ഡോക്ടർമാർ ക്യാമ്പിലെത്തിയ രോഗികളെ പരിശോധിക്കുകയും, പാരാമെഡിക്കൽ സ്റ്റാഫിൻ്റെ നേതൃത്വത്തിൽ രോഗനിർണയ പരിശോധനകൾ നടത്തുകയും ചെയ്തു. കൂടാതെ, ക്യാമ്പിൽ പങ്കെടുത്ത രോഗികൾക്ക് സൗജന്യമായി അലോപ്പതി മരുന്നുകൾ വിതരണം ചെയ്യുകയും ചെയ്തു. കെ. പ്രേംകുമാർ എം.എൽ.എ ക്യാമ്പ് ഉദ്ഘാടനം ചെയ്തു. കരിമ്പുഴ ഗ്രാമപഞ്ചായത്ത് പ്രസിഡണ്ട് ഷീബ പാട്ടത്തോടി അധ്യക്ഷത വഹിച്ച ചടങ്ങിൽ, ഗ്രാമപഞ്ചായത്ത് വൈസ് പ്രസിഡണ്ട് പി. രാധാകൃഷ്ണൻ, ജില്ലാ പഞ്ചായത്ത് സ്റ്റാൻഡിംഗ് കമ്മറ്റി അധ്യക്ഷ എ.കെ. ഷീലാദേവി, കരിമ്പുഴ പഞ്ചായത്ത് സ്ഥിരം സമിതി അംഗങ്ങളായ സൈദലവി, മൈമൂനത്ത് സാദിക്ക്, വാർഡ് മെമ്പർമാരായ എം. ചന്ദ്രമോഹനൻ, ബാലകൃഷ്ണൻ, മല്ലിക, നസീമ ഷൗക്കത്ത്, കോട്ടപ്പുറം പി.എച്ച്.സിയിലെ മെഡിക്കൽ ഓഫീസർ ഡോ. ധന്യ എസ്.പി., കരിമ്പുഴ ഗ്രാമപഞ്ചായത്ത് സെക്രട്ടറി രാജശ്രീ, പെരിന്തൽമണ്ണ ഇ.എം.എസ് ആശുപത്രിയിലെ റിസർച്ച് & അക്കാദമിക് കോഓർഡിനേറ്റർ ജോബിൻ ജേക്കബ് തുടങ്ങിയവർ സംസാരിച്ചു. ട്രോമാ കെയർ ശ്രീകൃഷ്ണപുരം സ്റ്റേഷൻ യൂണിറ്റിൽ നിന്നുള്ള ആറ് വളണ്ടിയർമാരും ക്യാമ്പിലെത്തിയ രോഗികൾക്ക് സഹായം നൽകി.

Rahul Ramachandran

മണ്ണാർക്കാട്, പാലക്കാട്, കേരളം•

1 hr ago

കരിമ്പുഴ ഗ്രാമപഞ്ചായത്തിൽ പകർച്ചപ്പനി വ്യാപകമായതിനെത്തുടർന്ന് മരണങ്ങൾ റിപ്പോർട്ട് ചെയ്ത സാഹചര്യത്തിൽ, എം.എൽ.എയുടെ മുൻകൈയിൽ സൗജന്യ മെഡിക്കൽ ക്യാമ്പ് സംഘടിപ്പിച്ചു. നിലവിൽ പഞ്ചായത്തിൻ്റെ വിവിധ ഭാഗങ്ങളിൽ നിന്നുള്ള നിരവധി പേർ പനിബാധിച്ച് ആശുപത്രികളിൽ ചികിത്സയിലാണ്. പെരിന്തൽമണ്ണ ഇ.എം.എസ് ആശുപത്രിയിലെ അഞ്ച് ഡോക്ടർമാർ ക്യാമ്പിലെത്തിയ രോഗികളെ പരിശോധിക്കുകയും, പാരാമെഡിക്കൽ സ്റ്റാഫിൻ്റെ നേതൃത്വത്തിൽ രോഗനിർണയ പരിശോധനകൾ നടത്തുകയും ചെയ്തു. കൂടാതെ, ക്യാമ്പിൽ പങ്കെടുത്ത രോഗികൾക്ക് സൗജന്യമായി അലോപ്പതി മരുന്നുകൾ വിതരണം ചെയ്യുകയും ചെയ്തു. കെ. പ്രേംകുമാർ എം.എൽ.എ ക്യാമ്പ് ഉദ്ഘാടനം ചെയ്തു. കരിമ്പുഴ ഗ്രാമപഞ്ചായത്ത് പ്രസിഡണ്ട് ഷീബ പാട്ടത്തോടി അധ്യക്ഷത വഹിച്ച ചടങ്ങിൽ, ഗ്രാമപഞ്ചായത്ത് വൈസ് പ്രസിഡണ്ട് പി. രാധാകൃഷ്ണൻ, ജില്ലാ പഞ്ചായത്ത് സ്റ്റാൻഡിംഗ് കമ്മറ്റി അധ്യക്ഷ എ.കെ. ഷീലാദേവി, കരിമ്പുഴ പഞ്ചായത്ത് സ്ഥിരം സമിതി അംഗങ്ങളായ സൈദലവി, മൈമൂനത്ത് സാദിക്ക്, വാർഡ് മെമ്പർമാരായ എം. ചന്ദ്രമോഹനൻ, ബാലകൃഷ്ണൻ, മല്ലിക, നസീമ ഷൗക്കത്ത്, കോട്ടപ്പുറം പി.എച്ച്.സിയിലെ മെഡിക്കൽ ഓഫീസർ ഡോ. ധന്യ എസ്.പി., കരിമ്പുഴ ഗ്രാമപഞ്ചായത്ത് സെക്രട്ടറി രാജശ്രീ, പെരിന്തൽമണ്ണ ഇ.എം.എസ് ആശുപത്രിയിലെ റിസർച്ച് & അക്കാദമിക് കോഓർഡിനേറ്റർ ജോബിൻ ജേക്കബ് തുടങ്ങിയവർ സംസാരിച്ചു. ട്രോമാ കെയർ ശ്രീകൃഷ്ണപുരം സ്റ്റേഷൻ യൂണിറ്റിൽ നിന്നുള്ള ആറ് വളണ്ടിയർമാരും ക്യാമ്പിലെത്തിയ രോഗികൾക്ക് സഹായം നൽകി.