నాగర్ కర్నూలు జిల్లా కేంద్రంలో స్టేట్ టీచర్స్ యూనియన్ (ఎస్.టి.యు) ఆధ్వర్యంలో నిర్వహించిన ఒక సమావేశంలో 'వనమంచు పల్లె' పాటల పుస్తక రచయిత, అభ్యుదయ కవి, ఎస్.టి.యు నాయకులు కల్వకోలు మద్దిలేటిని సంఘం ఘనంగా సన్మానించింది. ఈ సమావేశానికి నాగర్ కర్నూల్ జిల్లా అధ్యక్షుడు కొత్త శ్రీధర్ రావు అధ్యక్షత వహించగా, రాష్ట్ర పూర్వ అధ్యక్షులు ఎం. పర్వత్ రెడ్డి ముఖ్య అతిథిగా హాజరయ్యారు. ఈ సందర్భంగా ముఖ్య అతిథులు మాట్లాడుతూ 'వనమంచు పల్లె' మట్టి వాసనల గుండెచప్పుడు అని అభివర్ణించారు. అందులోని పాటలు సమాజ మార్పుకు, హితానికి, పల్లె ప్రగతికి సోపానాలుగా ఉంటాయనడంలో అతిశయోక్తి లేదని పేర్కొన్నారు. జిల్లా అధ్యక్షుడు శ్రీధర్ రావు మాట్లాడుతూ, ప్రతి పాటలోనూ ఒక సామాజిక దృక్పథం, పల్లె వాసనలు గుబాళిస్తాయని, ప్రజా చైతన్యంలో అవి తుపాకీ తూటల్లా దూసుకుపోగలవని, నెర్రెలు బారిన నేలలో చురకత్తులు మొలిపించగలవని ప్రశంసించారు. ప్రజాకవి, గాయకుడు, సంఘ నాయకుడు మద్దిలేటి తన స్పందన తెలియజేస్తూ, పల్లె జీవనం, అక్కడి ప్రకృతి, కష్టజీవుల ఆవేదనలే ఈ పాటలకు స్ఫూర్తి అని అన్నారు. రవీంద్రభారతిలో గోరటి వెంకన్న, సిధారెడ్డి వంటి నాయకులు, సాహితీవేత్తల సమక్షంలో 'వనమంచు పల్లె' పుస్తకం ఆవిష్కరించిన తర్వాత, నేడు జిల్లా సంఘ భవనంలో ఎస్.టి.యు కుటుంబ సభ్యులు ఇంత ఘనంగా సన్మానించడం సంతోషదాయకం అన్నారు. బడి బతుకులు, విద్యా పోకడలపై తన కలం, గళం వినిపించాలని సభ్యులు కోరడం కూడా తనకు ఆనందాన్ని ఇచ్చిందని తెలిపారు. స్టేట్ టీచర్స్ యూనియన్ 80 వసంతాల ఉత్సవాలకు సిద్ధమవుతోందని, అందులో ఉద్యమ సాంస్కృతిక వైభవాన్ని, ప్రజాగళాల గీతాలతో ఉత్సాహభరితం గావిస్తానని పేర్కొంటూ అందరికీ కృతజ్ఞతలు తెలిపారు. ఈ సమావేశంలో రాష్ట్ర నాయకులు రమేష్, ప్రభాకర్, అనిల్ కుమార్ రెడ్డి, జిల్లా ప్రధాన కార్యదర్శి మధుసూదన్ రెడ్డి, వనపర్తి జిల్లా కార్యదర్శి హరి ప్రసాద్ వంటి పలువురు పాల్గొన్నారు.

NAVADEEP

Nagarkurnool, Telangana•

9 hrs ago

నాగర్ కర్నూలు జిల్లా కేంద్రంలో స్టేట్ టీచర్స్ యూనియన్ (ఎస్.టి.యు) ఆధ్వర్యంలో నిర్వహించిన ఒక సమావేశంలో 'వనమంచు పల్లె' పాటల పుస్తక రచయిత, అభ్యుదయ కవి, ఎస్.టి.యు నాయకులు కల్వకోలు మద్దిలేటిని సంఘం ఘనంగా సన్మానించింది. ఈ సమావేశానికి నాగర్ కర్నూల్ జిల్లా అధ్యక్షుడు కొత్త శ్రీధర్ రావు అధ్యక్షత వహించగా, రాష్ట్ర పూర్వ అధ్యక్షులు ఎం. పర్వత్ రెడ్డి ముఖ్య అతిథిగా హాజరయ్యారు. ఈ సందర్భంగా ముఖ్య అతిథులు మాట్లాడుతూ 'వనమంచు పల్లె' మట్టి వాసనల గుండెచప్పుడు అని అభివర్ణించారు. అందులోని పాటలు సమాజ మార్పుకు, హితానికి, పల్లె ప్రగతికి సోపానాలుగా ఉంటాయనడంలో అతిశయోక్తి లేదని పేర్కొన్నారు. జిల్లా అధ్యక్షుడు శ్రీధర్ రావు మాట్లాడుతూ, ప్రతి పాటలోనూ ఒక సామాజిక దృక్పథం, పల్లె వాసనలు గుబాళిస్తాయని, ప్రజా చైతన్యంలో అవి తుపాకీ తూటల్లా దూసుకుపోగలవని, నెర్రెలు బారిన నేలలో చురకత్తులు మొలిపించగలవని ప్రశంసించారు. ప్రజాకవి, గాయకుడు, సంఘ నాయకుడు మద్దిలేటి తన స్పందన తెలియజేస్తూ, పల్లె జీవనం, అక్కడి ప్రకృతి, కష్టజీవుల ఆవేదనలే ఈ పాటలకు స్ఫూర్తి అని అన్నారు. రవీంద్రభారతిలో గోరటి వెంకన్న, సిధారెడ్డి వంటి నాయకులు, సాహితీవేత్తల సమక్షంలో 'వనమంచు పల్లె' పుస్తకం ఆవిష్కరించిన తర్వాత, నేడు జిల్లా సంఘ భవనంలో ఎస్.టి.యు కుటుంబ సభ్యులు ఇంత ఘనంగా సన్మానించడం సంతోషదాయకం అన్నారు. బడి బతుకులు, విద్యా పోకడలపై తన కలం, గళం వినిపించాలని సభ్యులు కోరడం కూడా తనకు ఆనందాన్ని ఇచ్చిందని తెలిపారు. స్టేట్ టీచర్స్ యూనియన్ 80 వసంతాల ఉత్సవాలకు సిద్ధమవుతోందని, అందులో ఉద్యమ సాంస్కృతిక వైభవాన్ని, ప్రజాగళాల గీతాలతో ఉత్సాహభరితం గావిస్తానని పేర్కొంటూ అందరికీ కృతజ్ఞతలు తెలిపారు. ఈ సమావేశంలో రాష్ట్ర నాయకులు రమేష్, ప్రభాకర్, అనిల్ కుమార్ రెడ్డి, జిల్లా ప్రధాన కార్యదర్శి మధుసూదన్ రెడ్డి, వనపర్తి జిల్లా కార్యదర్శి హరి ప్రసాద్ వంటి పలువురు పాల్గొన్నారు.