தமிழக பள்ளிக்கல்வித்துறை அறிவித்தபடி, கோடை விடுமுறை முடிந்து பள்ளிகள் ஜூன் 4ஆம் தேதி மீண்டும் திறக்கப்படவுள்ள நிலையில், மாநிலம் முழுவதும் பள்ளிகளைச் சுத்தம் செய்யும் பணிகள் தீவிரமாக நடைபெற்று வருகின்றன. இதன் ஒரு பகுதியாக, கிருஷ்ணகிரி மாவட்ட ஆட்சியர் தினேஷ்குமாரின் உத்தரவின்படி, பர்கூர் சட்டமன்றத் தொகுதிக்குட்பட்ட பல்வேறு பள்ளிகளில் தூய்மைப்படுத்தும் பணிகள் விறுவிறுப்பாக நடைபெற்று வருகின்றன. திட்ட அலுவலர் திருமதி கவிதாவின் வழிகாட்டுதலின்படியும், பர்கூர் வட்டார வளர்ச்சி அலுவலர் உமா சங்கரின் மேற்பார்வையிலும் இந்தப் பணிகள் மேற்கொள்ளப்பட்டு வருகின்றன. இன்று குண்டியால்நத்தம் ஊராட்சி ஒன்றிய தொடக்கப்பள்ளியில் கழிப்பறைகள், வளாகம் மற்றும் வகுப்பறைகளைச் சுத்தம் செய்யும் பணி நடைபெற்றது. மேலும், பழைய பழுதடைந்த கட்டிடங்களை புதுப்பிக்கும் பணிகளும் மும்முரமாக நடைபெற்று வருகின்றன. இந்தப் பணிகளை பர்கூர் வட்டார வளர்ச்சி அலுவலர் உமாசங்கர் மற்றும் சமூக நுகர்வோர் சங்க மாநில பொதுச் செயலாளர் சந்திரமோகன் ஆகியோர் நேரில் பார்வையிட்டு, பணிகளை விரைந்து முடிக்க தேவையான ஆலோசனைகளை வழங்கினர். அப்போது துணை வட்டார வளர்ச்சி அலுவலர் கோவிந்தராஜன் மற்றும் ஒப்பத்தவாடி ஊராட்சி செயலாளர் ஆனந்தன் ஆகியோரும் உடன் இருந்தனர்.

செல்வம்

பத்திரிகையாளர் Krishnagiri, Tamil Nadu•

3 hrs ago

தமிழக பள்ளிக்கல்வித்துறை அறிவித்தபடி, கோடை விடுமுறை முடிந்து பள்ளிகள் ஜூன் 4ஆம் தேதி மீண்டும் திறக்கப்படவுள்ள நிலையில், மாநிலம் முழுவதும் பள்ளிகளைச் சுத்தம் செய்யும் பணிகள் தீவிரமாக நடைபெற்று வருகின்றன. இதன் ஒரு பகுதியாக, கிருஷ்ணகிரி மாவட்ட ஆட்சியர் தினேஷ்குமாரின் உத்தரவின்படி, பர்கூர் சட்டமன்றத் தொகுதிக்குட்பட்ட பல்வேறு பள்ளிகளில் தூய்மைப்படுத்தும் பணிகள் விறுவிறுப்பாக நடைபெற்று வருகின்றன. திட்ட அலுவலர் திருமதி கவிதாவின் வழிகாட்டுதலின்படியும், பர்கூர் வட்டார வளர்ச்சி அலுவலர் உமா சங்கரின் மேற்பார்வையிலும் இந்தப் பணிகள் மேற்கொள்ளப்பட்டு வருகின்றன. இன்று குண்டியால்நத்தம் ஊராட்சி ஒன்றிய தொடக்கப்பள்ளியில் கழிப்பறைகள், வளாகம் மற்றும் வகுப்பறைகளைச் சுத்தம் செய்யும் பணி நடைபெற்றது. மேலும், பழைய பழுதடைந்த கட்டிடங்களை புதுப்பிக்கும் பணிகளும் மும்முரமாக நடைபெற்று வருகின்றன. இந்தப் பணிகளை பர்கூர் வட்டார வளர்ச்சி அலுவலர் உமாசங்கர் மற்றும் சமூக நுகர்வோர் சங்க மாநில பொதுச் செயலாளர் சந்திரமோகன் ஆகியோர் நேரில் பார்வையிட்டு, பணிகளை விரைந்து முடிக்க தேவையான ஆலோசனைகளை வழங்கினர். அப்போது துணை வட்டார வளர்ச்சி அலுவலர் கோவிந்தராஜன் மற்றும் ஒப்பத்தவாடி ஊராட்சி செயலாளர் ஆனந்தன் ஆகியோரும் உடன் இருந்தனர்.