अक्कलकोट तालुक्यातील बादोले बुद्रुक ग्रामपंचायतीच्या सार्वत्रिक निवडणुकीची तयारी जोरात सुरू झाली आहे. सरपंचपदाचे आरक्षण नागरिकांचा मागास प्रवर्ग (ओबीसी) यासाठी झाल्याने, गावात धनगर समाजाची लोकसंख्या जास्त असल्याने याच समाजातील तीन युवकांनी सरपंचपदासाठी कंबर कसली असून त्यांनी मोर्चेबांधणीला सुरुवात केली आहे. या लढतीत राष्ट्रीय समाज पक्षाचे अक्कलकोट तालुका अध्यक्ष दत्तात्रय माडकर हेही आपले नशीब आजमावत आहेत. ते गावात अनेक समाजोपयोगी उपक्रम राबवतात, ज्यात रक्तदान शिबिर, शालेय विद्यार्थ्यांना गणवेश, संगणक, टी-शर्ट वाटप, आणि रक्तदाब शिबिरात भेटवस्तूंचा समावेश आहे. तसेच, ते पोलीस स्टेशन, पंचायत समिती, तहसीलदार कार्यालय आणि कृषी विभाग यांसारख्या शासकीय कार्यालयांमध्ये जनतेच्या कामासाठी नेहमीच तत्पर असतात. सुशिक्षित आणि सर्व समाजाला सोबत घेऊन जाणारे माडकर यांना पंधरा वर्षांचा राजकीय आणि सामाजिक कार्याचा अनुभव असल्याने त्यांना तरुण आणि महिला वर्गाचा पाठिंबा मिळत आहे. दुसरीकडे, गेल्या पंचवार्षिक निवडणुकीत ग्रामपंचायत सदस्य म्हणून निवडून आलेले विठ्ठल खरात हेही थेट सरपंचपदासाठी मैदानात उतरले आहेत. त्यांना माजी सरपंच बाजीराव खरात, सोसायटी चेअरमन धनराज बिराजदार, माजी उपसरपंच सिध्दाराम बगले, सिध्दाराम बिराजदार आणि शिवशंकर कत्ते यांचा पाठिंबा आहे. दुग्धव्यवसायामुळे त्यांचा जनतेशी थेट संपर्क आहे आणि ते मितभाषी असून सर्व जातीधर्माच्या लोकांना सोबत घेऊन जाणारे व्यक्तिमत्व आहेत. याचबरोबर, जय भवानी क्लॉथ सेंटरचे मालक बसवंत धायगोडे हे देखील सरपंचपदाच्या शर्यतीत सहभागी झाले आहेत. त्यांना माजी सरपंच फालू बिराजदार, प्रभारी सरपंच माणिक धायगोडे, माजी सोसायटी चेअरमन मल्लिकार्जुन कत्ते, विठ्ठल कत्ते, अप्पुशा पाटील आणि मशिद शेख यांचा पाठिंबा आहे. कापडाचे व्यापारी असल्याने त्यांचाही गावातील जनतेशी थेट संपर्क आहे. ते गणेश मंडळ, नवरात्र महोत्सव मंडळ आणि खंडोबा यात्रेमध्ये हिरिरीने सहभाग घेतात. गावात पारंपरिक बाजीराव खरात व शिवशंकर कत्ते पॅनेल विरुद्ध फालू बिराजदार व मलकू कत्ते या पॅनेलमध्ये ही निवडणूक प्रतिष्ठेची केली जात आहे. तिन्ही उमेदवार धनगर समाजाचे असले तरी त्यांना विजयासाठी मुस्लिम, लिंगायत आणि दलित समाज बांधवांवर अवलंबून राहावे लागणार आहे. गावच्या सर्वांगीण विकासासाठी आपण कसे सरस आहोत, हे जनतेला सोशल मीडियाच्या माध्यमातून पटवून देण्याचे प्रयत्न उमेदवार करत आहेत. पारंपरिक दोन्ही पॅनेलच्या विरोधात राष्ट्रीय समाज पक्षाचे दत्तात्रय माडकर यांनी दंड थोपटल्याने गावातील राजकारण ढवळून निघाले आहे. यामुळे 'दोघांच्या भांडणात तिसऱ्याचा लाभ' होण्याची शक्यता वर्तवली जात असून, सर्वांच्या नजरा ग्रामपंचायत निवडणुकीच्या जाहीर तारखांकडे लागल्या आहेत.

Akkalkot news

Fitness Trainer अक्कलकोट, सोलापूर, महाराष्ट्र•

12 hrs ago

अक्कलकोट तालुक्यातील बादोले बुद्रुक ग्रामपंचायतीच्या सार्वत्रिक निवडणुकीची तयारी जोरात सुरू झाली आहे. सरपंचपदाचे आरक्षण नागरिकांचा मागास प्रवर्ग (ओबीसी) यासाठी झाल्याने, गावात धनगर समाजाची लोकसंख्या जास्त असल्याने याच समाजातील तीन युवकांनी सरपंचपदासाठी कंबर कसली असून त्यांनी मोर्चेबांधणीला सुरुवात केली आहे. या लढतीत राष्ट्रीय समाज पक्षाचे अक्कलकोट तालुका अध्यक्ष दत्तात्रय माडकर हेही आपले नशीब आजमावत आहेत. ते गावात अनेक समाजोपयोगी उपक्रम राबवतात, ज्यात रक्तदान शिबिर, शालेय विद्यार्थ्यांना गणवेश, संगणक, टी-शर्ट वाटप, आणि रक्तदाब शिबिरात भेटवस्तूंचा समावेश आहे. तसेच, ते पोलीस स्टेशन, पंचायत समिती, तहसीलदार कार्यालय आणि कृषी विभाग यांसारख्या शासकीय कार्यालयांमध्ये जनतेच्या कामासाठी नेहमीच तत्पर असतात. सुशिक्षित आणि सर्व समाजाला सोबत घेऊन जाणारे माडकर यांना पंधरा वर्षांचा राजकीय आणि सामाजिक कार्याचा अनुभव असल्याने त्यांना तरुण आणि महिला वर्गाचा पाठिंबा मिळत आहे. दुसरीकडे, गेल्या पंचवार्षिक निवडणुकीत ग्रामपंचायत सदस्य म्हणून निवडून आलेले विठ्ठल खरात हेही थेट सरपंचपदासाठी मैदानात उतरले आहेत. त्यांना माजी सरपंच बाजीराव खरात, सोसायटी चेअरमन धनराज बिराजदार, माजी उपसरपंच सिध्दाराम बगले, सिध्दाराम बिराजदार आणि शिवशंकर कत्ते यांचा पाठिंबा आहे. दुग्धव्यवसायामुळे त्यांचा जनतेशी थेट संपर्क आहे आणि ते मितभाषी असून सर्व जातीधर्माच्या लोकांना सोबत घेऊन जाणारे व्यक्तिमत्व आहेत. याचबरोबर, जय भवानी क्लॉथ सेंटरचे मालक बसवंत धायगोडे हे देखील सरपंचपदाच्या शर्यतीत सहभागी झाले आहेत. त्यांना माजी सरपंच फालू बिराजदार, प्रभारी सरपंच माणिक धायगोडे, माजी सोसायटी चेअरमन मल्लिकार्जुन कत्ते, विठ्ठल कत्ते, अप्पुशा पाटील आणि मशिद शेख यांचा पाठिंबा आहे. कापडाचे व्यापारी असल्याने त्यांचाही गावातील जनतेशी थेट संपर्क आहे. ते गणेश मंडळ, नवरात्र महोत्सव मंडळ आणि खंडोबा यात्रेमध्ये हिरिरीने सहभाग घेतात. गावात पारंपरिक बाजीराव खरात व शिवशंकर कत्ते पॅनेल विरुद्ध फालू बिराजदार व मलकू कत्ते या पॅनेलमध्ये ही निवडणूक प्रतिष्ठेची केली जात आहे. तिन्ही उमेदवार धनगर समाजाचे असले तरी त्यांना विजयासाठी मुस्लिम, लिंगायत आणि दलित समाज बांधवांवर अवलंबून राहावे लागणार आहे. गावच्या सर्वांगीण विकासासाठी आपण कसे सरस आहोत, हे जनतेला सोशल मीडियाच्या माध्यमातून पटवून देण्याचे प्रयत्न उमेदवार करत आहेत. पारंपरिक दोन्ही पॅनेलच्या विरोधात राष्ट्रीय समाज पक्षाचे दत्तात्रय माडकर यांनी दंड थोपटल्याने गावातील राजकारण ढवळून निघाले आहे. यामुळे 'दोघांच्या भांडणात तिसऱ्याचा लाभ' होण्याची शक्यता वर्तवली जात असून, सर्वांच्या नजरा ग्रामपंचायत निवडणुकीच्या जाहीर तारखांकडे लागल्या आहेत.