*29న అమీన్‌పూర్‌లో భారీ నిరసన..* *22ఎ జాబితా నుంచి భూములను తొలగించాలి: తుమ్మల పాండురంగారెడ్డి* *22ఎ జాబితాతో నిలిచిన భూముల క్రయవిక్రయాలు* *600 ఎకరాల భూములపై ప్రభుత్వం స్పష్టత ఇవ్వాలి* *హెచ్‌ఎండిఎ లేఅవుట్ల భూములపైనా 22ఎ ప్రభావం* *పెళ్లిళ్లు, అత్యవసర అవసరాలకు ఆస్తులు అమ్ముకోలేని పరిస్థితి* *21 ఏళ్ల క్రితం రిజిస్ట్రేషన్లు.. ఇప్పుడు నిషేధిత జాబితాలోనా?* *నవ్యనగర్ చౌరస్తాలో 29న భారీ నిరసన, హాజరు కానున్న 15 వేల మంది* *ప్రతి కాలనీ నుంచి ప్రజలు స్వచ్చందంగా  తరలిరావాలి* *రాజకీయాలకు అతీతంగా ఉద్యమం చేపడతాం* *అధికారులు రికార్డులు పరిశీలించి న్యాయం చేయాలి* *22ఏ ఎత్తివేయకపోతే ఆమరణ నిరాహార దీక్ష* *ఎంఆర్‌ఓ, ఆర్డీఓ, కలెక్టర్ కార్యాలయాల ముట్టడికి హెచ్చరిక* *భూ హక్కుదారులకు న్యాయం జరిగే వరకు పోరాటం* అమీన్‌పూర్ పరిధిలో 22ఎ నిషేధిత జాబితాలో ఉన్న భూములపై ప్రభుత్వం సమగ్ర విచారణ చేపట్టి, అర్హులైన భూ హక్కుదారులకు న్యాయం చేయాలని మున్సిపల్ మాజీ చైర్మన్ తుమ్మల పాండురంగారెడ్డి డిమాండ్ చేశారు. బుధవారం నిర్వహించిన విలేకరుల సమావేశంలో ఆయన మాట్లాడుతూ.. 22ఎ జాబితా కారణంగా భూముల క్రయవిక్రయాలు, రిజిస్ట్రేషన్లు నిలిచిపోయి ప్రజలు తీవ్ర ఇబ్బందులు ఎదుర్కొంటున్నారని ఆగ్రహం వ్యక్తం చేశారు. అమీన్‌పూర్‌లోని హెచ్‌ఎండిఎ లేఅవుట్లు, ఇంద్రక్రిశాట్ కాలనీ, మోడీ బిల్డర్స్, చక్రపురికాలని లకు సంబంధించిన భూములు సైతం 22ఎ జాబితాలో ఉన్నట్లు ఆయన పేర్కొన్నారు. అమీన్‌పూర్ పరిధిలో సుమారు 600 ఎకరాల భూమి నిషేధిత జాబితాలో ఉన్నట్లు తెలుస్తోందని, ఏ ప్రాతిపదికన ఈ భూములను జాబితాలో చేర్చారో ప్రభుత్వం స్పష్టత ఇవ్వాలని డిమాండ్ చేశారు. 22ఎ జాబితా వల్ల అత్యవసర అవసరాల కోసం సొంత భూములు, ఇళ్లను విక్రయించుకోలేని పరిస్థితి ఏర్పడిందని పాండురంగారెడ్డి ఆవేదన వ్యక్తం చేశారు. పెళ్లిళ్లు, ఇతర కుటుంబ అవసరాల కోసం ఆస్తులు విక్రయించాలన్నా రిజిస్ట్రేషన్లలో ఇబ్బందులు ఎదురవుతున్నాయని తెలిపారు. బ్యాంకులు రుణాలు ఇచ్చి, గతంలో రిజిస్ట్రేషన్లు జరిగిన భూములను ఇప్పుడు నిషేధిత జాబితాలో చేర్చడం వల్ల ప్రజలు అయోమయానికి గురవుతున్నారని విమర్శించారు. 22ఎ సమస్య పరిష్కారం కోసం ఈ నెల 29న అమీన్‌పూర్‌లోని నవ్యనగర్ చౌరస్తాలో భారీ నిరసన కార్యక్రమం నిర్వహించనున్నట్లు పాండురంగారెడ్డి తెలిపారు. మాజీ మంత్రి తన్నీరు హరీశ్‌రావు కార్యక్రమానికి హాజరుకానున్నట్లు చెప్పారు. ప్రతి కాలనీ నుంచి ప్రజలు పెద్ద సంఖ్యలో హాజరై నిరసనను విజయవంతం చేయాలని పిలుపునిచ్చారు. 22ఎ నిబంధనను ఎత్తివేయాలని, అర్హులైన భూములను నిషేధిత జాబితా నుంచి తొలగించి రిజిస్ట్రేషన్లకు అవకాశం కల్పించాలని డిమాండ్ చేశారు. ఈ సమస్యపై రాజకీయ పార్టీలకు అతీతంగా ఉద్యమం చేపడతామని తెలిపారు. ప్రభుత్వం స్పందించకపోతే ఆందోళనను మరింత ఉధృతం చేస్తామని, అవసరమైతే ఎంఆర్‌ఓ, ఆర్డీఓ, కలెక్టర్‌ కార్యాలయాల వద్ద నిరసనలు చేపడతామని హెచ్చరించారు. పిఎస్‌ఆర్‌ కాలనీలో సుమారు 21 ఏళ్ల క్రితమే రిజిస్ట్రేషన్లు జరిగాయని, బ్యాంకులు సైతం రుణాలు మంజూరు చేశాయని పాండురంగారెడ్డి పేర్కొన్నారు. ఇన్నేళ్ల తర్వాత అదే భూములను నిషేధిత జాబితాలో చేర్చడంపై ప్రభుత్వం సమాధానం చెప్పాలని డిమాండ్ చేశారు. నిషేధిత జాబితాలో భూములను చేర్చడానికి సంబంధించిన రికార్డులు, ఆధారాలను ప్రజలకు వెల్లడించాలని కోరారు. 22ఎ జాబితాలో అమీన్‌పూర్ భూములను చేర్చిన అంశంపై అధికారులు క్షేత్రస్థాయిలో విచారణ చేపట్టి, పాత రికార్డులు, రిజిస్ట్రేషన్ వివరాలు, భూ హక్కులను పరిశీలించాలని పాండురంగారెడ్డి కోరారు. నిషేధిత జాబితాలో అర్హత లేని భూములు ఉంటే వాటిని వెంటనే తొలగించాలని డిమాండ్ చేశారు. ప్రజలకు అన్యాయం జరిగితే చూస్తూ ఊరుకునేది లేదని స్పష్టం చేశారు. 22ఎ నిబంధనను ఎత్తివేయకపోతే ఆమరణ నిరాహార దీక్షకు సైతం సిద్ధమని ఆయన హెచ్చరించారు. అమీన్‌పూర్‌లోని అన్ని కాలనీల ప్రజలు ఈ ఉద్యమంలో భాగస్వాములు కావాలని పిలుపునిచ్చారు. భూ హక్కుదారులకు న్యాయం జరిగే వరకు పోరాటం కొనసాగిస్తామని తుమ్మల పాండురంగారెడ్డి స్పష్టం చేశారు. ఈ కార్యక్రమంలో మాజీ కౌన్సిలర్ క్రిష్ణ, ఉపేందర్ రెడ్డి, పి ఎస్ ఆర్ కాలనీ అధ్యక్షుడు అవంస శ్రీనివాసరావు, యూనుస్, ఆమీన్పూర్ మాజీ ఇంచార్జ్ సర్పంచ్ మంజుల చంద్రశేఖర్, బి ఆర్ ఎస్ కార్యకర్తలు, ఆయాకాలనీల ప్రజలు పెద్ద ఎత్తున పాల్గొన్నారు.

MUKKAGALLA YADANNA

Local News Reporter అమీన్‌పూర్, సంగారెడ్డి, తెలంగాణ•

6 hrs ago

*29న అమీన్‌పూర్‌లో భారీ నిరసన..* *22ఎ జాబితా నుంచి భూములను తొలగించాలి: తుమ్మల పాండురంగారెడ్డి* *22ఎ జాబితాతో నిలిచిన భూముల క్రయవిక్రయాలు* *600 ఎకరాల భూములపై ప్రభుత్వం స్పష్టత ఇవ్వాలి* *హెచ్‌ఎండిఎ లేఅవుట్ల భూములపైనా 22ఎ ప్రభావం* *పెళ్లిళ్లు, అత్యవసర అవసరాలకు ఆస్తులు అమ్ముకోలేని పరిస్థితి* *21 ఏళ్ల క్రితం రిజిస్ట్రేషన్లు.. ఇప్పుడు నిషేధిత జాబితాలోనా?* *నవ్యనగర్ చౌరస్తాలో 29న భారీ నిరసన, హాజరు కానున్న 15 వేల మంది* *ప్రతి కాలనీ నుంచి ప్రజలు స్వచ్చందంగా  తరలిరావాలి* *రాజకీయాలకు అతీతంగా ఉద్యమం చేపడతాం* *అధికారులు రికార్డులు పరిశీలించి న్యాయం చేయాలి* *22ఏ ఎత్తివేయకపోతే ఆమరణ నిరాహార దీక్ష* *ఎంఆర్‌ఓ, ఆర్డీఓ, కలెక్టర్ కార్యాలయాల ముట్టడికి హెచ్చరిక* *భూ హక్కుదారులకు న్యాయం జరిగే వరకు పోరాటం* అమీన్‌పూర్ పరిధిలో 22ఎ నిషేధిత జాబితాలో ఉన్న భూములపై ప్రభుత్వం సమగ్ర విచారణ చేపట్టి, అర్హులైన భూ హక్కుదారులకు న్యాయం చేయాలని మున్సిపల్ మాజీ చైర్మన్ తుమ్మల పాండురంగారెడ్డి డిమాండ్ చేశారు. బుధవారం నిర్వహించిన విలేకరుల సమావేశంలో ఆయన మాట్లాడుతూ.. 22ఎ జాబితా కారణంగా భూముల క్రయవిక్రయాలు, రిజిస్ట్రేషన్లు నిలిచిపోయి ప్రజలు తీవ్ర ఇబ్బందులు ఎదుర్కొంటున్నారని ఆగ్రహం వ్యక్తం చేశారు. అమీన్‌పూర్‌లోని హెచ్‌ఎండిఎ లేఅవుట్లు, ఇంద్రక్రిశాట్ కాలనీ, మోడీ బిల్డర్స్, చక్రపురికాలని లకు సంబంధించిన భూములు సైతం 22ఎ జాబితాలో ఉన్నట్లు ఆయన పేర్కొన్నారు. అమీన్‌పూర్ పరిధిలో సుమారు 600 ఎకరాల భూమి నిషేధిత జాబితాలో ఉన్నట్లు తెలుస్తోందని, ఏ ప్రాతిపదికన ఈ భూములను జాబితాలో చేర్చారో ప్రభుత్వం స్పష్టత ఇవ్వాలని డిమాండ్ చేశారు. 22ఎ జాబితా వల్ల అత్యవసర అవసరాల కోసం సొంత భూములు, ఇళ్లను విక్రయించుకోలేని పరిస్థితి ఏర్పడిందని పాండురంగారెడ్డి ఆవేదన వ్యక్తం చేశారు. పెళ్లిళ్లు, ఇతర కుటుంబ అవసరాల కోసం ఆస్తులు విక్రయించాలన్నా రిజిస్ట్రేషన్లలో ఇబ్బందులు ఎదురవుతున్నాయని తెలిపారు. బ్యాంకులు రుణాలు ఇచ్చి, గతంలో రిజిస్ట్రేషన్లు జరిగిన భూములను ఇప్పుడు నిషేధిత జాబితాలో చేర్చడం వల్ల ప్రజలు అయోమయానికి గురవుతున్నారని విమర్శించారు. 22ఎ సమస్య పరిష్కారం కోసం ఈ నెల 29న అమీన్‌పూర్‌లోని

నవ్యనగర్ చౌరస్తాలో భారీ నిరసన కార్యక్రమం నిర్వహించనున్నట్లు పాండురంగారెడ్డి తెలిపారు. మాజీ మంత్రి తన్నీరు హరీశ్‌రావు కార్యక్రమానికి హాజరుకానున్నట్లు చెప్పారు. ప్రతి కాలనీ నుంచి ప్రజలు పెద్ద సంఖ్యలో హాజరై నిరసనను విజయవంతం చేయాలని పిలుపునిచ్చారు. 22ఎ నిబంధనను ఎత్తివేయాలని, అర్హులైన భూములను నిషేధిత జాబితా నుంచి తొలగించి రిజిస్ట్రేషన్లకు అవకాశం కల్పించాలని డిమాండ్ చేశారు. ఈ సమస్యపై రాజకీయ పార్టీలకు అతీతంగా ఉద్యమం చేపడతామని తెలిపారు. ప్రభుత్వం స్పందించకపోతే ఆందోళనను మరింత ఉధృతం చేస్తామని, అవసరమైతే ఎంఆర్‌ఓ, ఆర్డీఓ, కలెక్టర్‌ కార్యాలయాల వద్ద నిరసనలు చేపడతామని హెచ్చరించారు. పిఎస్‌ఆర్‌ కాలనీలో సుమారు 21 ఏళ్ల క్రితమే రిజిస్ట్రేషన్లు జరిగాయని, బ్యాంకులు సైతం రుణాలు మంజూరు చేశాయని పాండురంగారెడ్డి పేర్కొన్నారు. ఇన్నేళ్ల తర్వాత అదే భూములను నిషేధిత జాబితాలో చేర్చడంపై ప్రభుత్వం సమాధానం చెప్పాలని డిమాండ్ చేశారు. నిషేధిత జాబితాలో భూములను చేర్చడానికి సంబంధించిన రికార్డులు, ఆధారాలను ప్రజలకు వెల్లడించాలని కోరారు. 22ఎ జాబితాలో అమీన్‌పూర్ భూములను చేర్చిన అంశంపై అధికారులు క్షేత్రస్థాయిలో విచారణ చేపట్టి, పాత రికార్డులు, రిజిస్ట్రేషన్ వివరాలు, భూ హక్కులను పరిశీలించాలని పాండురంగారెడ్డి కోరారు. నిషేధిత జాబితాలో అర్హత లేని భూములు ఉంటే వాటిని వెంటనే తొలగించాలని డిమాండ్ చేశారు. ప్రజలకు అన్యాయం జరిగితే చూస్తూ ఊరుకునేది లేదని స్పష్టం చేశారు. 22ఎ నిబంధనను ఎత్తివేయకపోతే ఆమరణ నిరాహార దీక్షకు సైతం సిద్ధమని ఆయన హెచ్చరించారు. అమీన్‌పూర్‌లోని అన్ని కాలనీల ప్రజలు ఈ ఉద్యమంలో భాగస్వాములు కావాలని పిలుపునిచ్చారు. భూ హక్కుదారులకు న్యాయం జరిగే వరకు పోరాటం కొనసాగిస్తామని తుమ్మల పాండురంగారెడ్డి స్పష్టం చేశారు. ఈ కార్యక్రమంలో మాజీ కౌన్సిలర్ క్రిష్ణ, ఉపేందర్ రెడ్డి, పి ఎస్ ఆర్ కాలనీ అధ్యక్షుడు అవంస శ్రీనివాసరావు, యూనుస్, ఆమీన్పూర్ మాజీ ఇంచార్జ్ సర్పంచ్ మంజుల చంద్రశేఖర్, బి ఆర్ ఎస్ కార్యకర్తలు, ఆయాకాలనీల ప్రజలు పెద్ద ఎత్తున పాల్గొన్నారు.