தூத்துக்குடி மாவட்டம் குலசேகரன்பட்டினம் முத்தாரம்மன் கோவிலில், உள்ளூர் பக்தர்கள் விரைவு தரிசனம் செய்வதற்கு ஏதுவாக கோவில் நிர்வாகம் புதிய ஏற்பாடுகளைச் செய்துள்ளது. உலகப் புகழ்பெற்ற இக்கோவிலின் தசரா திருவிழாவில் பத்து நாட்களில் 10 லட்சத்திற்கும் அதிகமான பக்தர்கள் பங்கேற்பதாலும், வாரத்தின் செவ்வாய், வெள்ளி மற்றும் விடுமுறை தினங்களில் ஆயிரக்கணக்கான பக்தர்கள் வருகை தருவதாலும், உள்ளூர் பக்தர்கள் தரிசனம் செய்வதில் கடும் சிரமம் ஏற்பட்டு வந்தது. இதனைத் தொடர்ந்து, உள்ளூர் மக்கள் தரிசனம் செய்ய உரிய நடவடிக்கை எடுக்க வேண்டும் என்று நிர்வாகத்திடம் கோரிக்கை விடுக்கப்பட்டிருந்தது. இந்தக் கோரிக்கையை ஏற்று கோவில் நிர்வாகம் தற்போது கோவில் வளாகத்தில் அறிவிப்பு பலகைகளை வைத்துள்ளது. இதன்படி, உள்ளூர் மக்கள் உரிய அடையாள அட்டையைச் சமர்ப்பித்து விரைவு தரிசனம் செய்யலாம் எனத் தெரிவிக்கப்பட்டுள்ளது. அதேசமயம், அரசுப் பணியாளர் அடையாள அட்டை அல்லது இதர அட்டைகளைக் கொண்டு இலவச தரிசனம் செய்ய அனுமதி இல்லை என்றும் நிர்வாகம் தெளிவுபடுத்தியுள்ளது. மேலும், கோவிலில் சாமி ஆடியும், குறி சொல்லியும் பக்தர்களை ஏமாற்றி பணம் பறிப்பவர்கள் மீது கடுமையான நடவடிக்கை எடுக்கப்படும் என்றும், அவர்கள் காவல்துறை வசம் ஒப்படைக்கப்படுவார்கள் என்றும் எச்சரிக்கை பலகைகள் வைக்கப்பட்டுள்ளன. இந்த நடவடிக்கையினால் குலசேகரன்பட்டினம் பகுதி உள்ளூர் பக்தர்கள் மகிழ்ச்சியடைந்துள்ளனர். இதற்கிடையில், குலசேகரன்பட்டினம் முத்தாரம்மன் கோவிலைப் போலவே திருச்செந்தூர் சுப்பிரமணியசாமி கோவிலிலும் உள்ளூர் பக்தர்கள் தரிசனம் செய்வதற்குச் சிறப்பு அனுமதி வழங்க வேண்டும் என்ற கோரிக்கை தொடர்ந்து வலியுறுத்தப்பட்டு வருகிறது.

ThigazhYaazhan

Local News Reporter திருச்செந்தூர், தூத்துக்குடி, தமிழ்நாடு•

1 day ago

தூத்துக்குடி மாவட்டம் குலசேகரன்பட்டினம் முத்தாரம்மன் கோவிலில், உள்ளூர் பக்தர்கள் விரைவு தரிசனம் செய்வதற்கு ஏதுவாக கோவில் நிர்வாகம் புதிய ஏற்பாடுகளைச் செய்துள்ளது. உலகப் புகழ்பெற்ற இக்கோவிலின் தசரா திருவிழாவில் பத்து நாட்களில் 10 லட்சத்திற்கும் அதிகமான பக்தர்கள் பங்கேற்பதாலும், வாரத்தின் செவ்வாய், வெள்ளி மற்றும் விடுமுறை தினங்களில் ஆயிரக்கணக்கான பக்தர்கள் வருகை தருவதாலும், உள்ளூர் பக்தர்கள் தரிசனம் செய்வதில் கடும் சிரமம் ஏற்பட்டு வந்தது. இதனைத் தொடர்ந்து, உள்ளூர் மக்கள் தரிசனம் செய்ய உரிய நடவடிக்கை எடுக்க வேண்டும் என்று நிர்வாகத்திடம் கோரிக்கை விடுக்கப்பட்டிருந்தது. இந்தக் கோரிக்கையை ஏற்று கோவில் நிர்வாகம் தற்போது கோவில் வளாகத்தில் அறிவிப்பு பலகைகளை வைத்துள்ளது. இதன்படி, உள்ளூர் மக்கள் உரிய அடையாள அட்டையைச் சமர்ப்பித்து விரைவு தரிசனம் செய்யலாம் எனத் தெரிவிக்கப்பட்டுள்ளது. அதேசமயம், அரசுப் பணியாளர் அடையாள அட்டை அல்லது இதர அட்டைகளைக் கொண்டு இலவச தரிசனம் செய்ய அனுமதி இல்லை என்றும் நிர்வாகம் தெளிவுபடுத்தியுள்ளது. மேலும், கோவிலில் சாமி ஆடியும், குறி சொல்லியும் பக்தர்களை ஏமாற்றி பணம் பறிப்பவர்கள் மீது கடுமையான நடவடிக்கை எடுக்கப்படும் என்றும், அவர்கள் காவல்துறை வசம் ஒப்படைக்கப்படுவார்கள் என்றும் எச்சரிக்கை பலகைகள் வைக்கப்பட்டுள்ளன. இந்த நடவடிக்கையினால் குலசேகரன்பட்டினம் பகுதி உள்ளூர் பக்தர்கள் மகிழ்ச்சியடைந்துள்ளனர். இதற்கிடையில், குலசேகரன்பட்டினம் முத்தாரம்மன் கோவிலைப் போலவே திருச்செந்தூர் சுப்பிரமணியசாமி கோவிலிலும் உள்ளூர் பக்தர்கள் தரிசனம் செய்வதற்குச் சிறப்பு அனுமதி வழங்க வேண்டும் என்ற கோரிக்கை தொடர்ந்து வலியுறுத்தப்பட்டு வருகிறது.