સુરત શહેરમાં એક હૃદયદ્રાવક ઘટના સામે આવી છે, જ્યાં ડિંડોલી વિસ્તારની પ્રયોશા પાર્ક સોસાયટીમાં ઘર બહાર રમી રહેલી 4 વર્ષીય બાળકી સ્નેહાને એક કાર ચાલકે કચડી નાખતા તેનું મોત થયું છે. આ કાર ચાલક, નીતિન મિશ્રા, તે જ સોસાયટીમાં રહેતો હોવાનું જાણવા મળ્યું છે. પરિવારના આક્ષેપ મુજબ, કાર ચાલક નીતિન મિશ્રા બેફામ રીતે કાર ચલાવી રહ્યો હતો અને ફોન પર વાત કરતો હતો. તેણે બાળકીના ઘર પાસે બેદરકારીપૂર્વક ટર્ન મારતા સ્નેહા કાર નીચે કચડાઈ ગઈ હતી. સ્નેહાનો રડવાનો અવાજ સાંભળીને પરિવારજનો અને સોસાયટીના લોકો તાત્કાલિક ઘટનાસ્થળે દોડી આવ્યા હતા. બાળકીને સારવાર માટે હોસ્પિટલ લઈ જવાઈ હતી, જ્યાં તબીબોએ તેને મૃત જાહેર કરી હતી. આ ઘટનાથી આઘાત પામેલા પરિવારે બેફામ કાર ચાલક વિરુદ્ધ કડકમાં કડક કાર્યવાહીની માંગ કરી છે. ઘટનાની જાણ થતા જ ડિંડોલી પોલીસ તાત્કાલિક સ્થળ પર પહોંચી હતી. પોલીસે કાર ચાલક નીતિન મિશ્રાની ધરપકડ કરી તેના વિરુદ્ધ ગુનો નોંધીને આગળની કાર્યવાહી હાથ ધરી છે.

Super fast news channel

પલસાણા, સુરત, ગુજરાત•

1 hr ago

સુરત શહેરમાં એક હૃદયદ્રાવક ઘટના સામે આવી છે, જ્યાં ડિંડોલી વિસ્તારની પ્રયોશા પાર્ક સોસાયટીમાં ઘર બહાર રમી રહેલી 4 વર્ષીય બાળકી સ્નેહાને એક કાર ચાલકે કચડી નાખતા તેનું મોત થયું છે. આ કાર ચાલક, નીતિન મિશ્રા, તે જ સોસાયટીમાં રહેતો હોવાનું જાણવા મળ્યું છે. પરિવારના આક્ષેપ મુજબ, કાર ચાલક નીતિન મિશ્રા બેફામ રીતે કાર ચલાવી રહ્યો હતો અને ફોન પર વાત કરતો હતો. તેણે બાળકીના ઘર પાસે બેદરકારીપૂર્વક ટર્ન મારતા સ્નેહા કાર નીચે કચડાઈ ગઈ હતી. સ્નેહાનો રડવાનો અવાજ સાંભળીને પરિવારજનો અને સોસાયટીના લોકો તાત્કાલિક ઘટનાસ્થળે દોડી આવ્યા હતા. બાળકીને સારવાર માટે હોસ્પિટલ લઈ જવાઈ હતી, જ્યાં તબીબોએ તેને મૃત જાહેર કરી હતી. આ ઘટનાથી આઘાત પામેલા પરિવારે બેફામ કાર ચાલક વિરુદ્ધ કડકમાં કડક કાર્યવાહીની માંગ કરી છે. ઘટનાની જાણ થતા જ ડિંડોલી પોલીસ તાત્કાલિક સ્થળ પર પહોંચી હતી. પોલીસે કાર ચાલક નીતિન મિશ્રાની ધરપકડ કરી તેના વિરુદ્ધ ગુનો નોંધીને આગળની કાર્યવાહી હાથ ધરી છે.