गोंदिया जिल्ह्यातील ईटखेडा येथे सबला प्रभाग संघाच्या वतीने १२ जुलै रोजी आयोजित सर्वसाधारण सभेत जिल्हा परिषद अध्यक्ष लायकराम भेंडारकर यांनी महिलांना आर्थिक, सामाजिक आणि वैयक्तिक सक्षमीकरणाबाबत मार्गदर्शन केले. महिलांनी शासनाच्या विविध योजनांचा प्रभावी लाभ घेऊन उद्योजकतेकडे वाटचाल करावी, असे आवाहन त्यांनी या प्रसंगी केले. भेंडारकर यांनी महिला बचत गटांना केवळ बचत व कर्ज व्यवहारापुरते मर्यादित न राहता काळाची गरज ओळखून लघु-उद्योग, गृहउद्योग, कृषीपूरक व्यवसाय, प्रक्रिया उद्योग तसेच सेवा क्षेत्रातील विविध व्यवसायांमध्ये सहभागी होण्यास सांगितले. शासनामार्फत मिळणारे आर्थिक सहाय्य, अनुदान व सुलभ कर्ज सुविधेचा योग्य वापर करून महिलांनी स्वावलंबी उद्योजक बनावे आणि एकत्रितपणे उद्योग उभारून रोजगार निर्मिती करावी, असे ते म्हणाले. महिलांचे आर्थिक सक्षमीकरण हे कुटुंबाच्या व समाजाच्या सर्वांगीण विकासासाठी अत्यंत महत्त्वाचे असल्याचेही त्यांनी स्पष्ट केले. या कार्यक्रमाला सबला महिला प्रभाग संघाच्या अध्यक्षा आशाताई नाकाडे, गोंदिया जिल्हा परिषदेच्या महिला व बालकल्याण सभापती पौर्णिमा ढेंगे, अर्जुनी-मोरगाव पंचायत समितीचे उपसभापती संदीप कापगते, पंचायत समिती सदस्य नूतन सोनवाने, भाग्यश्री सयाम, सरपंच आशाताई झीलपे, वडेगावचे सरपंच श्रीकांत लोणारे यांच्यासह कुंदा कुंभरे, कविता शहारे, नालिनीताई भावे, सुष्मा मेश्राम, सारिका लंजे, रेखा शेग्डे, रंजना राऊत, प्रज्ञा मलिक, मोहिनी चुरपार, उज्ज्वला नेवारे, मनीषा टेंम्मुणे, ज्योती शहारे, योगिता भागरकर, आम्रपाली गोंडोणे, निरंजना लाडे आणि परिसरातील विविध महिला बचत गटांच्या पदाधिकारी, सदस्य व महिला मोठ्या संख्येने उपस्थित होत्या.

Ashlesh Made

साडक-अर्जुनी, गोंदिया, महाराष्ट्र•

1 hr ago

गोंदिया जिल्ह्यातील ईटखेडा येथे सबला प्रभाग संघाच्या वतीने १२ जुलै रोजी आयोजित सर्वसाधारण सभेत जिल्हा परिषद अध्यक्ष लायकराम भेंडारकर यांनी महिलांना आर्थिक, सामाजिक आणि वैयक्तिक सक्षमीकरणाबाबत मार्गदर्शन केले. महिलांनी शासनाच्या विविध योजनांचा प्रभावी लाभ घेऊन उद्योजकतेकडे वाटचाल करावी, असे आवाहन त्यांनी या प्रसंगी केले. भेंडारकर यांनी महिला बचत गटांना केवळ बचत व कर्ज व्यवहारापुरते मर्यादित न राहता काळाची गरज ओळखून लघु-उद्योग, गृहउद्योग, कृषीपूरक व्यवसाय, प्रक्रिया उद्योग तसेच सेवा क्षेत्रातील विविध व्यवसायांमध्ये सहभागी होण्यास सांगितले. शासनामार्फत मिळणारे आर्थिक सहाय्य, अनुदान व सुलभ कर्ज सुविधेचा योग्य वापर करून महिलांनी स्वावलंबी उद्योजक बनावे आणि एकत्रितपणे उद्योग उभारून रोजगार निर्मिती करावी, असे ते

म्हणाले. महिलांचे आर्थिक सक्षमीकरण हे कुटुंबाच्या व समाजाच्या सर्वांगीण विकासासाठी अत्यंत महत्त्वाचे असल्याचेही त्यांनी स्पष्ट केले. या कार्यक्रमाला सबला महिला प्रभाग संघाच्या अध्यक्षा आशाताई नाकाडे, गोंदिया जिल्हा परिषदेच्या महिला व बालकल्याण सभापती पौर्णिमा ढेंगे, अर्जुनी-मोरगाव पंचायत समितीचे उपसभापती संदीप कापगते, पंचायत समिती सदस्य नूतन सोनवाने, भाग्यश्री सयाम, सरपंच आशाताई झीलपे, वडेगावचे सरपंच श्रीकांत लोणारे यांच्यासह कुंदा कुंभरे, कविता शहारे, नालिनीताई भावे, सुष्मा मेश्राम, सारिका लंजे, रेखा शेग्डे, रंजना राऊत, प्रज्ञा मलिक, मोहिनी चुरपार, उज्ज्वला नेवारे, मनीषा टेंम्मुणे, ज्योती शहारे, योगिता भागरकर, आम्रपाली गोंडोणे, निरंजना लाडे आणि परिसरातील विविध महिला बचत गटांच्या पदाधिकारी, सदस्य व महिला मोठ्या संख्येने उपस्थित होत्या.