फ्रेंडशिप डे विशेष: श्री संत ज्ञानेश्वर विद्यालयाचा व्यसनमुक्ती संदेश जळगाव: मेहरून येथील श्री संत ज्ञानेश्वर प्राथमिक व माध्यमिक विद्यालयात "मैत्रीचा हात– नशामुक्त भारताकडे वाटचाल" हा जनजागृतीपर उपक्रम उत्साहात पार पडला. या प्रसंगी मुख्याध्यापक मुकेश सुरेश नाईक यांनी विद्यार्थ्यांना खरी मैत्री, व्यसनमुक्ती आणि सामाजिक जबाबदारी याविषयी प्रेरणादायी समुपदेशन केले. मार्गदर्शन करताना त्यांनी सांगितले की, "खरा मित्र तोच, जो आपल्या मित्राला चुकीच्या सवयींपासून दूर ठेवतो आणि योग्य मार्गावर चालण्यासाठी प्रेरणा देतो. तंबाखू, गुटखा, सिगारेट, मद्य आणि इतर कोणतेही व्यसन हे शरीर, मन, कुटुंब आणि समाजासाठी घातक आहे. प्रत्येक विद्यार्थ्याने स्वतः व्यसनांपासून दूर राहून आपल्या मित्रालाही व्यसनमुक्त जीवन जगण्यासाठी प्रेरित करावे." या वेळी विद्यार्थ्यांनी एकमेकांच्या हातात मैत्री बँड बांधत "माझा मित्र – नशामुक्त मित्र" हा संकल्प केला. त्यानंतर विद्यार्थी, शिक्षक आणि पालकांनी सामूहिकरीत्या व्यसनमुक्तीची शपथ घेत व्यसनमुक्त समाज घडविण्याचा निर्धार व्यक्त केला. या उपक्रमाचे आयोजन आरोग्य व स्वास्थ्य समितीच्या प्रमुख उपशिक्षिका उज्वला नन्नवरे यांच्या मार्गदर्शनाखाली करण्यात आले. विद्यार्थ्यांनी व्यसनमुक्तीविषयक घोषवाक्ये, मनोगते आणि जनजागृतीपर संदेश सादर करून उपस्थितांमध्ये सकारात्मक जागरूकता निर्माण केली. राष्ट्रीय शैक्षणिक धोरण (NEP-2020), मूल्यशिक्षण आणि SQAAF अंतर्गत विद्यार्थी सहभाग, जीवनकौशल्ये तसेच सामाजिक उत्तरदायित्व विकसित करण्याच्या दृष्टीने हा उपक्रम महत्त्वपूर्ण ठरला. उपस्थितांनी या उपक्रमाचे कौतुक करत विद्यार्थ्यांमध्ये चांगले संस्कार आणि निरोगी जीवनशैली रुजविण्यासाठी अशा उपक्रमांची आवश्यकता असल्याचे मत व्यक्त केले.

SF News महाराष्ट्र

Media company जळगाव, जळगाव, महाराष्ट्र•

1 hr ago

फ्रेंडशिप डे विशेष: श्री संत ज्ञानेश्वर विद्यालयाचा व्यसनमुक्ती संदेश जळगाव: मेहरून येथील श्री संत ज्ञानेश्वर प्राथमिक व माध्यमिक विद्यालयात "मैत्रीचा हात– नशामुक्त भारताकडे वाटचाल" हा जनजागृतीपर उपक्रम उत्साहात पार पडला. या प्रसंगी मुख्याध्यापक मुकेश सुरेश नाईक यांनी विद्यार्थ्यांना खरी मैत्री, व्यसनमुक्ती आणि सामाजिक जबाबदारी याविषयी प्रेरणादायी समुपदेशन केले. मार्गदर्शन करताना त्यांनी सांगितले की, "खरा मित्र तोच, जो आपल्या मित्राला चुकीच्या सवयींपासून दूर ठेवतो आणि योग्य मार्गावर चालण्यासाठी प्रेरणा देतो. तंबाखू, गुटखा, सिगारेट, मद्य आणि इतर कोणतेही व्यसन हे शरीर, मन, कुटुंब आणि समाजासाठी घातक आहे. प्रत्येक विद्यार्थ्याने स्वतः व्यसनांपासून दूर राहून आपल्या मित्रालाही व्यसनमुक्त जीवन जगण्यासाठी प्रेरित करावे." या वेळी विद्यार्थ्यांनी एकमेकांच्या हातात मैत्री बँड बांधत "माझा मित्र – नशामुक्त मित्र" हा संकल्प केला. त्यानंतर विद्यार्थी, शिक्षक आणि पालकांनी सामूहिकरीत्या व्यसनमुक्तीची शपथ घेत व्यसनमुक्त समाज घडविण्याचा निर्धार व्यक्त केला. या उपक्रमाचे आयोजन आरोग्य व स्वास्थ्य समितीच्या प्रमुख उपशिक्षिका उज्वला नन्नवरे यांच्या मार्गदर्शनाखाली करण्यात आले. विद्यार्थ्यांनी व्यसनमुक्तीविषयक घोषवाक्ये, मनोगते आणि जनजागृतीपर संदेश सादर करून उपस्थितांमध्ये सकारात्मक जागरूकता निर्माण केली. राष्ट्रीय शैक्षणिक धोरण (NEP-2020), मूल्यशिक्षण आणि SQAAF अंतर्गत विद्यार्थी सहभाग, जीवनकौशल्ये तसेच सामाजिक उत्तरदायित्व विकसित करण्याच्या दृष्टीने हा उपक्रम महत्त्वपूर्ण ठरला. उपस्थितांनी या उपक्रमाचे कौतुक करत विद्यार्थ्यांमध्ये चांगले संस्कार आणि निरोगी जीवनशैली रुजविण्यासाठी अशा उपक्रमांची आवश्यकता असल्याचे मत व्यक्त केले.