Shuru
Apke Nagar Ki App…
కాకినాడ జిల్లా పిఠాపురం నియోజకవర్గం యూ. కొత్తపల్లి మండలం కొండెవరం గ్రామంలోని వి.ఎన్.ఆర్. జడ్పీ ఉన్నత పాఠశాలలో సరస్వతి రత్న ఫౌండేషన్ ఆధ్వర్యంలో 'స్వశక్తి సంకల్పం' కార్యక్రమం నిర్వహించారు. ఈ కార్యక్రమానికి ముఖ్య అతిథిగా విచ్చేసిన కాకినాడ జిల్లా జనసేన పార్టీ అధ్యక్షులు, డీసీసీబీ చైర్మన్ తుమ్మల రామస్వామి బాబు మాట్లాడుతూ, గ్రామీణ మహిళలు ఆర్థికంగా స్వశక్తితో ఎదిగినప్పుడే సమాజం అభివృద్ధి చెందుతుందని పేర్కొన్నారు. మహిళల ఆర్థిక స్వాలంబనే సమాజ అభివృద్ధికి పునాది అని ఆయన స్పష్టం చేశారు. ఈ సందర్భంగా సరస్వతి రత్న ఫౌండేషన్ వ్యవస్థాపకులు వి. అప్పలరాజు, వెంకటరమణల కృషితో మగ్గం వర్క్ (ఆరి వర్క్)లో శిక్షణ పూర్తి చేసుకున్న మహిళలకు తుమ్మల రామస్వామి బాబు సర్టిఫికెట్లతో పాటు అవసరమైన పరికరాలను అందజేశారు. గ్రామీణ మహిళలకు ఉపాధి కల్పించే దిశగా ఫౌండేషన్ చేస్తున్న కృషి అభినందనీయమని ఆయన కొనియాడారు. అనంతరం పాఠశాల విద్యార్థులకు సైకిల్ స్టాండ్ను అందించడంతో పాటు, విద్యా ప్రతిభ కనబరిచిన విద్యార్థులకు బహుమతులను ప్రదానం చేశారు. రాష్ట్ర ఉప ముఖ్యమంత్రి, పిఠాపురం ఎమ్మెల్యే కొణిదెల పవన్ కళ్యాణ్ నాయకత్వంలో ప్రభుత్వం యువత, మహిళా సాధికారతకు అత్యంత ప్రాధాన్యతనిస్తోందని రామస్వామి బాబు తెలిపారు. పిఠాపురంలో ఇలాంటి సేవా కార్యక్రమాలు జరగడం సంతోషకరమని, సేవా భావం కలిగిన సంస్థలకు అందరూ అండగా నిలవాలని ఆయన పిలుపునిచ్చారు. ఈ కార్యక్రమంలో ఫౌండేషన్ వ్యవస్థాపకులు వి. అప్పలరాజు, వెంకటరమణ (బ్యాంక్ మేనేజర్), జట్ల సూరిబాబు (ఎన్ఆర్ఐ సాఫ్ట్వేర్ ఇంజనీర్), పాడా ఏపీడీ వసంత మాధవి, మండల జనసేన పార్టీ అధ్యక్షులు రావు అక్షయ్, ఏపీ ఖాదీ గ్రామీణ అసిస్టెంట్ డైరెక్టర్ రవికుమార్, ఆర్సెటి డైరెక్టర్ తప్పేట్ల జయకుమార్, అసిస్టెంట్ డైరెక్టర్ రెహమాతుల్లా, నల్లం శ్రీనివాస్, గాది కొండబాబు, గాది గోపి, పుల్ల కొండబాబు, గాది రాజా తదితరులు పాల్గొన్నారు.
Prasanna kumar Rowthu
కాకినాడ జిల్లా పిఠాపురం నియోజకవర్గం యూ. కొత్తపల్లి మండలం కొండెవరం గ్రామంలోని వి.ఎన్.ఆర్. జడ్పీ ఉన్నత పాఠశాలలో సరస్వతి రత్న ఫౌండేషన్ ఆధ్వర్యంలో 'స్వశక్తి సంకల్పం' కార్యక్రమం నిర్వహించారు. ఈ కార్యక్రమానికి ముఖ్య అతిథిగా విచ్చేసిన కాకినాడ జిల్లా జనసేన పార్టీ అధ్యక్షులు, డీసీసీబీ చైర్మన్ తుమ్మల రామస్వామి బాబు మాట్లాడుతూ, గ్రామీణ మహిళలు ఆర్థికంగా స్వశక్తితో ఎదిగినప్పుడే సమాజం అభివృద్ధి చెందుతుందని పేర్కొన్నారు. మహిళల ఆర్థిక స్వాలంబనే సమాజ అభివృద్ధికి పునాది అని ఆయన స్పష్టం చేశారు. ఈ సందర్భంగా సరస్వతి రత్న ఫౌండేషన్ వ్యవస్థాపకులు వి. అప్పలరాజు, వెంకటరమణల కృషితో మగ్గం వర్క్ (ఆరి వర్క్)లో శిక్షణ పూర్తి చేసుకున్న మహిళలకు తుమ్మల రామస్వామి బాబు సర్టిఫికెట్లతో పాటు అవసరమైన పరికరాలను అందజేశారు. గ్రామీణ మహిళలకు ఉపాధి కల్పించే దిశగా ఫౌండేషన్ చేస్తున్న కృషి అభినందనీయమని ఆయన కొనియాడారు. అనంతరం పాఠశాల
విద్యార్థులకు సైకిల్ స్టాండ్ను అందించడంతో పాటు, విద్యా ప్రతిభ కనబరిచిన విద్యార్థులకు బహుమతులను ప్రదానం చేశారు. రాష్ట్ర ఉప ముఖ్యమంత్రి, పిఠాపురం ఎమ్మెల్యే కొణిదెల పవన్ కళ్యాణ్ నాయకత్వంలో ప్రభుత్వం యువత, మహిళా సాధికారతకు అత్యంత ప్రాధాన్యతనిస్తోందని రామస్వామి బాబు తెలిపారు. పిఠాపురంలో ఇలాంటి సేవా కార్యక్రమాలు జరగడం సంతోషకరమని, సేవా భావం కలిగిన సంస్థలకు అందరూ అండగా నిలవాలని ఆయన పిలుపునిచ్చారు. ఈ కార్యక్రమంలో ఫౌండేషన్ వ్యవస్థాపకులు వి. అప్పలరాజు, వెంకటరమణ (బ్యాంక్ మేనేజర్), జట్ల సూరిబాబు (ఎన్ఆర్ఐ సాఫ్ట్వేర్ ఇంజనీర్), పాడా ఏపీడీ వసంత మాధవి, మండల జనసేన పార్టీ అధ్యక్షులు రావు అక్షయ్, ఏపీ ఖాదీ గ్రామీణ అసిస్టెంట్ డైరెక్టర్ రవికుమార్, ఆర్సెటి డైరెక్టర్ తప్పేట్ల జయకుమార్, అసిస్టెంట్ డైరెక్టర్ రెహమాతుల్లా, నల్లం శ్రీనివాస్, గాది కొండబాబు, గాది గోపి, పుల్ల కొండబాబు, గాది రాజా తదితరులు పాల్గొన్నారు.
More news from Kakinada and nearby areas
- గత వైసీపీ ప్రభుత్వ హయాంలో పరిశ్రమల అభివృద్ధి పేరుతో భారీ అవినీతి, అక్రమాలు చోటుచేసుకున్నాయని స్వచ్ఛాంధ్ర కార్పొరేషన్ చైర్మన్ కొమ్మారెడ్డి పట్టాభిరామ్ తీవ్రంగా ఆరోపించారు. మీడియా ప్రతినిధులతో మాట్లాడిన ఆయన, పరిశ్రమల స్థాపన నెపంతో ప్రజా ధనాన్ని దుర్వినియోగం చేస్తూ రాష్ట్ర అభివృద్ధిని పూర్తిగా దెబ్బతీశారని విమర్శించారు. గత ప్రభుత్వ వైఫల్యాలను ప్రజలు స్పష్టంగా గుర్తించారని ఆయన పేర్కొన్నారు. ప్రస్తుతం ముఖ్యమంత్రి నారా చంద్రబాబు నాయుడు నాయకత్వంలోని కూటమి ప్రభుత్వం పెట్టుబడులను ఆకర్షించడమే కాకుండా, యువతకు ఉపాధి అవకాశాలు కల్పించడమే లక్ష్యంగా పనిచేస్తోందని కొమ్మారెడ్డి పట్టాభిరామ్ తెలిపారు. ఆంధ్రప్రదేశ్లో కొత్త పరిశ్రమల ఏర్పాటుకు అనుకూలమైన వాతావరణాన్ని కల్పిస్తూ, స్థానిక యువతకు ఉద్యోగాలు అందించేలా చర్యలు చేపడుతున్నట్లు వివరించారు. పరిశ్రమల ద్వారా ఆర్థికాభివృద్ధిని సాధించడం, ఉపాధి సృష్టించడం మరియు ప్రాంతీయ సమతుల్యతను కాపాడటంపై ప్రభుత్వం ప్రత్యేక దృష్టి సారించిందని ఆయన స్పష్టం చేశారు.1Apsv9 News channel
- రాజమండ్రి సమీపంలోని దివాన్చెరువు జాతీయ రహదారిపై సివిల్ సప్లైస్ డిపార్ట్మెంట్ టాస్క్ ఫోర్స్ (CSDT) అధికారులు నిర్వహించిన సంయుక్త తనిఖీల్లో భారీగా ప్రజా పంపిణీ వ్యవస్థ (PDS) బియ్యం పట్టుబడింది. ఈ తనిఖీల్లో భాగంగా సుమారు 6,080 కిలోల బియ్యాన్ని అధికారులు స్వాధీనం చేసుకున్నారు. అధికారులు తనిఖీ చేసిన AP 39 UE సిరీస్ ఐసర్ వ్యాన్లో ఈ బియ్యాన్ని తరలిస్తున్నట్లు గుర్తించి, వాహనాన్ని సీజ్ చేశారు. ఘటన సమయంలో వ్యాన్లో ఉన్న ఇద్దరు డ్రైవర్లను అదుపులోకి తీసుకుని విచారణ చేపట్టారు. ప్రాథమిక వివరాల ప్రకారం, ఈ వ్యాన్ గొల్లప్రోలుకు చెందిన ఆకుల రవికి చెందినదిగా నిర్ధారించారు. నిందితులపై 6A మరియు 7(1) సెక్షన్ల కింద క్రిమినల్ కేసు నమోదు చేసినట్లు అధికారులు వెల్లడించారు. ప్రస్తుతం ఈ బియ్యం ఎక్కడి నుండి తరలిస్తున్నారు, దీని వెనుక ఎవరి ప్రమేయం ఉంది మరియు రవాణా ఉద్దేశం ఏమిటనే అంశాలపై అధికారులు దర్యాప్తును ముమ్మరం చేశారు. ఈ ఘటనకు సంబంధించిన పూర్తి నివేదికను ఉన్నతాధికారులకు సమర్పించినట్లు అధికారులు తెలిపారు.3Ashok
- తెలంగాణలోని ఖమ్మం జిల్లాలో తీవ్ర కలకలం రేపిన ఓ అమానుష ఘటన వెలుగుచూసింది. మూడు రోజుల క్రితం సత్తుపల్లి మండలం చంద్రాయపాలెం వద్ద జరిగిన రోడ్డు ప్రమాదంలో తీవ్రంగా గాయపడిన ధారావత్ మధుసూదన్ రావు అనే యువకుడు ఖమ్మంలోని ఓ ప్రైవేట్ ఆసుపత్రిలో చికిత్స పొందుతూ మృతి చెందాడని ఆసుపత్రి సిబ్బంది కుటుంబ సభ్యులకు సమాచారం అందించి మృతదేహాన్ని అప్పగించారు. అయితే, బంధువులు ఆ మృతదేహాన్ని స్వగ్రామమైన సత్తుపల్లి మండలం కిష్టాపురానికి తీసుకెళ్లి అంత్యక్రియలకు ఏర్పాట్లు చేస్తుండగా, ఊహించని విధంగా ఆ యువకుడిలో గుండె స్పందనలు ఉన్నట్లు గుర్తించారు. వెంటనే అతడిని సత్తుపల్లి ప్రభుత్వ ఆసుపత్రికి తరలించగా, అక్కడి వైద్యులు పరీక్షించి యువకుడు ఇంకా ప్రాణాలతోనే ఉన్నట్లు నిర్ధారించారు. అనంతరం మెరుగైన చికిత్స కోసం వైద్యుల సూచన మేరకు అంబులెన్స్లో హైదరాబాద్కు తరలిస్తుండగా, ఖమ్మం దాటిన కొద్దిసేపటికే ఆ యువకుడు మృతి చెందినట్లు కుటుంబ సభ్యులు తెలిపారు. ఈ దారుణ ఘటనపై బాధిత కుటుంబ సభ్యులు ఖమ్మంలోని ఆ ప్రైవేట్ ఆసుపత్రిపై తీవ్ర ఆరోపణలు చేస్తున్నారు. బ్రెయిన్ సర్జరీ పేరుతో తమ వద్ద సుమారు మూడు లక్షల రూపాయలు వసూలు చేశారని, ఆ తర్వాత మృతి చెందినట్లు ప్రకటించి మృతదేహాన్ని అప్పగించారని ఆవేదన వ్యక్తం చేస్తున్నారు. ఈ ఘటనకు సంబంధించిన పూర్తి వివరాలు ఇంకా తెలియాల్సి ఉంది.4V Ramarao
- ఖమ్మం ప్రజా ఆశీర్వాద సభలో తెలంగాణ సీఎం రేవంత్, కేటీఆర్పై తీవ్ర స్థాయిలో ధ్వజమెత్తారు. మేడిగడ్డ ప్రాజెక్టులో నీటిని నింపాలని కేటీఆర్ కోరుతున్నారని, ఆయన కన్నెపల్లి వెళ్ళిన విషయాన్ని రేవంత్ ప్రస్తావించారు. మేడిగడ్డ ప్రాజెక్టులో నీటిని నింపడం వల్ల ప్రమాదం పొంచి ఉందని రేవంత్ హెచ్చరించారు. ఒకవేళ అలా చేస్తే మేడిగడ్డ కట్ట తెగిపోయి, భద్రాచలం ప్రాంతమే ఉండదని ఆయన తీవ్ర పదజాలంతో విమర్శించారు. దీనివల్ల 44 గ్రామాలు కొట్టుకుపోవడమే కాకుండా, భద్రాద్రి రాముడే లేకుండా పోతారని పేర్కొన్నారు. కేటీఆర్ తన రాజకీయ ప్రయోజనాల కోసం భద్రాచలాన్ని ప్రమాదంలోకి నెట్టాలని చూస్తున్నారని రేవంత్ తీవ్ర ఆగ్రహం వ్యక్తం చేశారు.1ఆజాద్
- సత్తుపల్లి మున్సిపాలిటీలోని మాధురి ఫంక్షన్ హాల్ లో రామకృష్ణ వివేకానంద భావ ప్రచార పరిషత్ తెలంగాణ ఆధ్వర్యంలో శనివారం (11-07-26) "ఉపాధ్యాయ సదస్సు" కార్యక్రమం నిర్వహించారు. ఈ కార్యక్రమానికి సత్తుపల్లి నియోజకవర్గ శాసనసభ్యులు శ్రీమతి డాక్టర్ మట్టా రాగమయి దయానంద్ గారు ముఖ్య అతిథిగా హాజరయ్యారు. అలాగే, రామకృష్ణ మఠం అధ్యక్షులు స్వామి బోధమయానంద మహారాజ్, RIMSE కరస్పాండెంట్ స్వామి ఆనంద మహారాజ్, రామకృష్ణ మిషన్ ఉప కార్యదర్శి స్వామి సితి కంటానంద మహారాజ్ గారు విశిష్ట అతిథులుగా ఈ సదస్సులో పాల్గొన్నారు. ఈ కార్యక్రమంలో సత్తుపల్లి మున్సిపల్ చైర్మన్ రోహన బేగం కమల్ పాషా, సత్తుపల్లి MEO రాజేశ్వరరావు, సత్తుపల్లి AMC చైర్మన్ దోమ ఆనంద్ పాల్గొన్నారు. వీరితో పాటు కార్యక్రమ నిర్వాహకులు, సత్తుపల్లి ప్రైవేట్ స్కూల్ యాజమాన్యం, ప్రభుత్వ పాఠశాలల ప్రిన్సిపాల్ లు, కమిటీ సభ్యులు, ఉపాధ్యాయినీ ఉపాధ్యాయులు, సత్తుపల్లి ప్రముఖులు మరియు మహిళలు ఈ సదస్సుకు హాజరయ్యారు.3Chalamala narasimharao
- చట్టాలను, రాజ్యాంగ వ్యవస్థలను అపహాస్యం చేసే విధంగా వ్యవహరిస్తున్న ప్రశ్న రావణ్కు వైసీపీ అధినేత జగన్ మోహన్ రెడ్డి బహిరంగంగా మద్దతు పలకడం బాధాకరమని ఎంపీ కలిశెట్టి అప్పలనాయుడు తీవ్రంగా విమర్శించారు. మీడియాతో మాట్లాడిన ఆయన, చట్టం ముందు అందరూ సమానమేనని మరియు ఎవరైనా చట్టవ్యతిరేక చర్యలకు పాల్పడితే ఖచ్చితంగా విచారణను ఎదుర్కోవాల్సిందేనని స్పష్టం చేశారు. ప్రజాస్వామ్య వ్యవస్థల్లో న్యాయ ప్రక్రియలకు గౌరవం ఇవ్వాల్సిన బాధ్యత రాజకీయ నాయకులపై ఎంతైనా ఉందని ఆయన గుర్తుచేశారు. అయితే జగన్ మోహన్ రెడ్డి చట్టపరమైన అంశాలకు రాజకీయ రంగు పులుముతూ ప్రజలను తప్పుదారి పట్టించే ప్రయత్నం చేస్తున్నారని అప్పలనాయుడు ఆరోపించారు. ఆంధ్రప్రదేశ్ రాష్ట్రంలో శాంతిభద్రతల పరిరక్షణకు, చట్టాల అమలుకు ప్రభుత్వం కట్టుబడి ఉందని, విచారణ సంస్థలు తమ విధులను ఎవరి ఒత్తిడి లేకుండా స్వతంత్రంగా నిర్వహిస్తున్నాయని పేర్కొన్నారు. కేవలం కొందరు వ్యక్తులను కాపాడేందుకు చట్టాలను విమర్శించడం ఎంతమాత్రం సరికాదని, ప్రజలు ఈ వాస్తవాలను గుర్తించాలని ఎంపీ కలిశెట్టి అప్పలనాయుడు పిలుపునిచ్చారు.1Apsv9 News channel
- ఓటర్లకు అత్యంత కీలకమైన హెచ్చరిక జారీ అయింది. మీ ఓటు భద్రంగా ఉండాలంటే ఎన్యూమరేషన్ ఫారమ్ (EF) ను జూలై 14వ తేదీలోపు తప్పనిసరిగా సమర్పించాల్సి ఉంటుంది. పూర్తి చేసిన ఫారమ్ను మీ ప్రాంత బీఎల్ఓ (BLO) కు అందజేయాలి. ఒకవేళ నిర్ణీత గడువులోగా దీనిని సమర్పించకపోతే, జూలై 21న విడుదలయ్యే ముసాయిదా ఓటర్ల జాబితాలో మీ పేరు లేకపోయే అవకాశం ఉంది. ఒకవేళ మీకు ఇంకా ఈ ఫారమ్ అందనట్లయితే, ఈసీఐ (ECI) ఓటర్ పోర్టల్ లేదా ఈసీఐ యాప్ ద్వారా డౌన్లోడ్ చేసుకుని ఆన్లైన్లో సమర్పించవచ్చు. లేదా మీ పరిధిలోని బీఎల్ఓను సంప్రదించి కూడా ఫారమ్ పొందవచ్చు. మీ ఓటు భద్రంగా ఉండాలంటే జూలై 14 లోపు ఈ ఎన్యూమరేషన్ ఫారమ్ను సమర్పించడం తప్పనిసరి.1SS NEWS
